ٹرین حادثہ جمعہ کی شام 6 بجکر 55 منٹ پر اڑیسہ کے بالاسور ضلع کے بہناگا بازار ریلوے اسٹیشن کے قریب پیش آیا۔ دو ایکسپریس اورایک مال گاڑی کی ٹکر میں ہوئے حادثے کی اعلیٰ سطحی کمیٹی تحقیقات کرے گی۔ وزیر اعلی نوین پٹنایک نے ایک دن کے سرکاری سوگ کا اعلان کیا ہے۔
یہ حادثہ اڑیسہ کے بالاسور ضلع میں بہناگا ریلوے اسٹیشن کے قریب پیش آیا۔ (فوٹو بہ شکریہ: اے این آئی)
نئی دہلی: اڑیسہ کے بالاسور میں جمعہ کی شام تین ٹرینوں کے خوفناک تصادم میں کم از کم 238 لوگوں کی موت ہوگئی اور تقریباً 900 افراد کے زخمی ہونے کی اطلاع ہے۔
حکام نے ہفتے کے روز کہا کہ یہ 20 سال سے زیادہ کےعرصے میں ملک کا سب سے مہلک ٹرین حادثہ ہے۔ ریلوے کے وزیر اشونی ویشنو نے کہا کہ ٹرین حادثے کی تحقیقات کے لیے ایک اعلیٰ سطحی کمیٹی تشکیل دی جائے گی۔
این ڈی ٹی وی کی ایک رپورٹ کے مطابق، حادثے میں وشویشوریا (بنگلورو) – ہاوڑہ سپر فاسٹ ایکسپریس (ٹرین نمبر 12864)، شالیمار-چنئی سینٹرل کورومنڈیل ایکسپریس (ٹرین نمبر 12841) اور ایک مال ٹرین شامل تھی۔ یہ حادثہ جمعہ کی شام 6:55 بجے ضلع کے بہناگا بازار ریلوے اسٹیشن کے قریب پیش آیا۔
#BalasoreTrainAccident | As per the information received till now, there are 238 casualties. Around 650 injured passengers have been taken to the Hospitals of Gopalpur, Khantapara, Balasore, Bhadrak and Soro: South Eastern Railway pic.twitter.com/L1FClXmEuE
— ANI (@ANI) June 3, 2023
انڈین ایکسپریس کی ایک رپورٹ کے مطابق، کورومنڈیل ایکسپریس کے جنرل کلاس کے دو، سیکنڈ کلاس سلیپر (ایس1 سے ایس5) کے پانچ اور ایئر کنڈیشنڈ کلاس (بی4، بی5) کے دو ڈبے سمیت کل 23 ڈبوں میں سے تقریباً 10 تصادم میں شدید طور پر تباہ ہو گئے ہیں،جس میں زیادہ لوگوں کی جانیں گئی ہیں۔ ساؤتھ ایسٹرن ریلوے کے سرکاری ذرائع نے بتایا کہ بنگلورو-ہاوڑہ ایکسپریس کے دو جنرل ڈبے بھی پلٹ گئے۔
لاشوں کو بہناگا کے ایک اسکول میں لایا جا رہا ہے، کیونکہ ضلع انتظامیہ بالاسور انڈسٹریل پارک میں ایک عارضی مردہ خانہ تیار کرنے کے لیے جنگی بنیادوں پر کام کر رہی ہے۔
اگرچہ مہلوکین کی شناخت ابھی تک نہیں ہوپائی ہے، سرکاری ذرائع نے بتایا کہ مرنے والوں میں زیادہ تر وہ ہیں جو روزی روٹی کی تلاش میں چنئی اور دیگر قریبی شہروں کی طرف جا رہے تھے۔ ہاوڑہ جانے والی ٹرین میں مرنے والے مزدور بتائے جارہے ہیں جو گھر واپس جا رہے تھے۔
اس دوران زخمیوں کے لیے خون کا عطیہ دینے کے لیے بالاسور اسپتال کے بلڈ بینک کے باہر سینکڑوں رضاکاروں کو قطار میں کھڑے دیکھا گیا۔ سرکاری ذرائع نے بتایا کہ بالاسور میں رات بھر 500 یونٹ سے زیادہ خون جمع کیا گیا تھا۔ چیف سکریٹری پی کے جینا نے کہا کہ فی الحال تقریباً 900 یونٹ خون اسٹاک میں ہے۔
#BalasoreTrainAccident | Aerial visuals from ANI’s drone camera show the extent of the damage.
As per the latest information, the death toll stands at 238 in the collision between three trains. #Odisha pic.twitter.com/tVNQWSHDcJ
— ANI (@ANI) June 3, 2023
حادثے کے بعد راحت اور بچاؤ کا کام جاری ہے اور آس پاس کے اضلاع کے تمام اسپتالوں کو الرٹ کردیا گیا ہے۔ اڑیسہ کے چیف سکریٹری پردیپ نے این ڈی ٹی وی کو بتایا کہ این ڈی آر ایف کے تین یونٹ، اڑیسہ ڈیزاسٹر ریپڈ ایکشن فورس کے چار یونٹ، 15 سے زیادہ فائر ٹیمیں، 30 ڈاکٹر، 200 پولیس اہلکار اور 60 ایمبولینس موقع پر بھیجی گئی ہیں۔
#WATCH | Aerial visuals from ANI’s drone camera show the extent of damage at the spot of the #BalasoreTrainAccident in Odisha. pic.twitter.com/8rf5E6qbQV
— ANI (@ANI) June 3, 2023
این ڈی آر ایف کے آئی جی آپریشن نریندر سنگھ بندیلا نے کہا کہ راحت اور بچاؤ کی کارروائیاں جاری ہیں۔ اڑیسہ حکومت نے اب تک 238 افراد کی موت اور 900 سے زیادہ کے زخمی ہونے کا اعلان کیا ہے۔ این ڈی آر ایف کی نو ٹیمیں موجود ہیں۔ ان میں سے سات اڑیسہ اور دو مغربی بنگال سے ہیں۔ تقریباً تمام زخمی افراد کو ہسپتال بھیج دیا گیا ہے، اس لیے نو ٹیمیں کافی ہیں۔
انہوں نے کہا کہ حادثے میں17 بوگیاں پٹری سے اترنے کے بعد شدیدطور پرتباہ ہوگئی ہیں۔
#WATCH | "Operation is still continuing. So far state govt has announced 238 dead and more than 900 injured. Hopefully, by today evening, we should be able to close the operation. NDRF has nine teams there – seven from Odisha and two from West Bengal. Almost all the live victims… pic.twitter.com/v8Hq15qG0s
— ANI (@ANI) June 3, 2023
وزیر اعلیٰ نوین پٹنایک نے ہولناک ٹرین حادثے کے پیش نظر ایک دن کے سرکاری سوگ کا اعلان کیا ہے۔
انہوں نے کہا، ‘یہ بہت افسوسناک ٹرین حادثہ ہے۔ مجھے مقامی ٹیموں، لوگوں اور دیگر لوگوں کا شکریہ ادا کرنا ہوگا جنہوں نے ملبے سے لوگوں کو بچانے کے لیے رات بھر کام کیا۔ ریلوے کی حفاظت کو ہمیشہ اولین ترجیح دی جانی چاہیے۔ زخمیوں کو بالاسور اور کٹک کے اسپتالوں میں لے جایا گیا ہے، تاکہ وہ جلد از جلدصحت یاب ہوسکیں۔
#WATCH | Odisha CM Naveen Patnaik says, "…extremely tragic train accident…I have to thank the local teams, local people & others who have worked overnight to save people from the wreckage…Railway safety should always be given the first preference…The people have been… pic.twitter.com/PtyESk4ZuB
— ANI (@ANI) June 3, 2023
ساؤتھ ایسٹرن ریلوے کے کھڑگ پور ڈویژن میں ہاوڑہ-چنئی مین لائن پر حادثے کی وجہ سے اب تک 18 لمبی دوری کی ٹرینیں ردکی گئی ہیں۔
وہیں اے این آئی سے بات کرتے ہوئے انفارمیشن پبلی کیشن ریلوے بورڈ کے ایگزیکٹو ڈائریکٹر امیتابھ شرما نے کہا، ‘اب تک 100 سے زیادہ لوگوں نے ایکس گریشیا کا دعویٰ کیا ہے۔ اس کے لیے تین مقامات بالاسور، سورو اور بہناگا بازار پر کاؤنٹر قائم کیے گئے ہیں۔ اب تک 48 ٹرینیں ردکی گئی ہیں، 39 کا روٹ بدلا گیا ہے اور 10 کو شارٹ ٹرمینیٹ کر دیا گیا ہے۔
#WATCH | As of now, more than 100 people have claimed ex-gratia payments. Counters for the same have been set up at three places-Balasore, Soro and Bahanaga Bazar…As of now 48 trains cancelled, 39 diverted and 10 short-terminated: Amitabh Sharma, Executive Director, Information… pic.twitter.com/SPKIwKRvIM
— ANI (@ANI) June 3, 2023
ریلوے کے وزیر اشونی ویشنو نے آج (ہفتہ) صبح جائے حادثہ کا دورہ کیا اور صورتحال کا جائزہ لیا۔ انہوں نے کہا، ‘ہماری پہلی ترجیح بچاؤ کا کام اور زخمیوں کو طبی امداد فراہم کرنا ہے۔ ہم تفصیلی تفتیش کے بعد ہی کیس کی مکمل تفصیلات بتا سکیں گے۔ ایک آزادانہ انکوائری کی جائے گی۔
ویشنو نے حادثے میں مرنے والوں کے لیے 10 لاکھ روپے، شدید زخمیوں کے لیے 2 لاکھ روپے اور معمولی زخمیوں کے لیے 50 ہزار روپے کے معاوضے کا بھی اعلان کیا ہے۔
وزیر اعظم نریندر مودی نے بھی حادثے پر غم کا اظہار کیا اور مرنے والوں کے لواحقین کے لیے 2 لاکھ روپے اور زخمیوں کے لیے وزیر اعظم کے قومی ریلیف فنڈ (پی ایم این آر ایف) سے 50000 روپے کے معاوضے کا اعلان کیا۔
An ex-gratia of Rs. 2 lakh from PMNRF would be given to the next of kin of each deceased in the train mishap in Odisha. The injured would be given Rs. 50,000: PM @narendramodi
— PMO India (@PMOIndia) June 2, 2023
اے این آئی نے ذرائع کے حوالے سے بتایا کہ وزیر اعظم نریندر مودی آج اڑیسہ کا دورہ کریں گے۔ پہلے وہ بالاسور میں جائے حادثہ کا دورہ کریں گے اور پھر کٹک کے اسپتال کا دورہ کریں گے۔
مغربی بنگال کی وزیر اعلیٰ ممتا بنرجی نے ٹوئٹ کیا کہ وہ چیف سکریٹری اور دیگر اعلیٰ حکام کے ساتھ ذاتی طور پر صورتحال کی مسلسل نگرانی کر رہی ہیں۔
خبر رساں ایجنسی اے این آئی کے مطابق وزیر اعلیٰ ممتا بنرجی اڑیسہ کے بالاسور کے لیے روانہ ہو گئی ہیں۔ وہ وہاں کی صورتحال کا جائزہ لیں گی اور زخمیوں سے ملاقات کریں گی۔
Categories: خبریں