خبریں

ہندوستانی مسلمانوں کو پاکستانی بولنے پر ہو سزا : اسدالدین اویسی 

مرکزی حکومت سے اس بارے میں قانون بنانے کی گزارش کرتے ہوئے حیدر آباد سے رکن پارلیامنٹ اویسی نے کہا کہ ایسا کہنے والے شخص کو تین سال کی جیل ہونی چاہیے۔

Photo: PTI

Photo: PTI

آل انڈیا مجلس اتحادالمسلمین (اےآئی ایم آئی ایم) کے صدر اسدالدین اویسی نے منگل کو پارلیامنٹ میں مانگ کی کہ ملک کے مسلمانوںکو پاکستانی بلانے پر سزا دینے کے لئے قانون لانا چاہیے۔انہوں نے یہ بھی کہا کہ اگر کوئی ایسا کہتا ہے تو اس کو تین سال کی سزا دینی چاہیے۔

اے بی پی نیوز کے مطابق اویسی نے کہا کہ ایس سی اور ایس ٹی قانون کی طرح ایک قانون بنے کہ ملک میں کسی کو پاکستانی کہا جائے، تو یہ غیر ضمانتی جرم بنے۔اویسی نے کہا، ‘ آج آزادی کے 70 سال بعد بھی ہمیں پاکستانی کہا جاتا ہے۔  اب تو ہمیں ترنگا لے جانے پر بھی منع کرتے ہیں۔  میں چاہتا ہوں کہ ایس سی اور ایس ٹی کی طرح ایک قانون ہونا چاہیے کہ کسی کو پاکستانی کہے جانے کو غیر ضمانتی جرم بنایا جائے۔  ‘