خبریں

نارتھ ایسٹ انتخابات 2018: جانیے، کس نے کیا کہا

سی پی ایم کے سنیت چوپڑا نے کہا:ہم اپنی ہار نہیں مانتے، ہم نے ای وی ایم اور وی وی پی اے ٹی پر شکایت کی ہے۔ تریپورہ ایشو کو حتمی ماننے سے پہلے بہت کچھ ڈسکس کرنا ہوگا۔

فوٹو: پی ٹی آئی

فوٹو: پی ٹی آئی

نئی دہلی:نارتھ ایسٹ اسمبلی انتخابات کے نتائج آنے کا سلسلہ ابھی جاری ہے۔اس پر مختلف سیاسی پارٹیوں کے سیاست دانوں نے اپنے رد عمل کا اظہار کیا ہے۔بی جے پی کے رہنما اور اتر پردیش کے وزیر اعلیٰ یوگی آدتیہ ناتھ کا کہنا ہے کہ ملک کی ریاست کے لیے آج کا دن بہت ہی اہم ہے۔

بی جے پی کے ہی ایک اور سیاست داں رام مادھو نے کہا:عوام نے ہمارے ‘چلو پلٹائی’کے نعرے کا ساتھ دیا۔ماو پھلانگ(Mawphlang)اسمبلی حلقہ سے جیتے آزاد امیدوار ایس کے سن (SK Sunn)کا کہنا ہے کہ میں کسی بھی ایسی پارٹی کو سپورٹ کروں گا جو ریاست کے لوگوں کی بہتری کے لیے کام کرے گی۔

سی پی ایم کے سنیت چوپڑا نے کہا:ہم اپنی ہار نہیں مانتے، ہم نے ای وی ایم اور وی وی پی اے ٹی پر شکایت کی ہے۔ تریپورہ ایشو کو حتمی ماننے سے پہلے بہت کچھ ڈسکس کرنا ہوگا۔