جنتا دل (سیکولر )کا بی جے پی پر بڑاالزام ،کہا؛ بی جے پی نے جےڈی ایس کے ایم ایل اے کو خریدنے کے لیے 100 کروڑ روپے کی پیش کش کی ہے ۔
نئی دہلی:جنتا دل (سیکولر )کے لیڈر ایچ ڈی کمار سوامی نے بی جے پی پر الزام لگایا ہے کہ بی جے پی نے جےڈی ایس کے ایم ایل اے کو خریدنے کے لیے 100 کروڑ روپے کی پیش کش کی ہے ۔انہوں نے یہ بھی الزام لگایا ہے کہ ایم ایل اے کو بی جے پی کی طرف سے یہ لالچ دیا جارہا ہے کہ اگر وہ ان کی حمایت کرتے ہیں تو ان کو کابینہ میں بھی جگہ دی جائے گی۔کمار سوامی نے بی جے پی کو خبردار کیا ہے کہ اگر ان کے ایم ایل کو توڑنے کی کوشش کی گئی تو وہ بی جے پی کے دوگنے ایم ایل اے توڑ لیں گے۔
JD(S) MLAs are being offered Rs 100 crore each. Where is this black money coming from? They are supposedly the servers of poor people and they are offering money today. Where are the income tax officials?: HD Kumaraswamy, JD(S) #KarnatakaElections2018 pic.twitter.com/d157SS30E5
— ANI (@ANI) May 16, 2018
غور طلب ہے کہ جے ڈی ایس کے ایم ایل اے کی میٹنگ میں کمار سوامی کو لیڈر چنا گیا تھا۔میٹنگ کے بعد انہوں نے پریس کانفرنس میں بی جے پی پرالزام لگایا کہ وہ ان کے ایم ایل اے کو 100کروڑ روپے اور کابینہ میں جگہ دینے کا لالچ دے رہی ہے۔انہوں نے سوال کیا کہ بی جے پی کے پاس اتنے پیسے کہاں سے آئے ہیں اور کیا یہ بلیک منی ہے۔انہوں نے کہا کہ عوام سے کیے گئے 15لاکھ کے وعدے کو نبھانے کے لیے حکومت کے پاس پیسے نہیں ہیں لیکن ایم ایل اے کو خریدنے کے لیے ہیں۔
دریں اثناخبر رساں ایجنسی اے این آئی کے مطابق نومنتخب کانگریسی ایم ایل اے کی میٹنگ میں کانگریس کے 78میں سے 66 ایم ایل اے میٹنگ میں حصہ لینے پہنچے ہیں۔
66 out of the 78 MLAs reached for Congress legislative meeting at Karnataka Party Congress Committee office in Bengaluru. #KarnatakaElection pic.twitter.com/medLdmw50E
— ANI (@ANI) May 16, 2018
بی جے پی کے ذریعے جے ڈی ایس کے ایم ایل اے کو خریدے جانے کی بات خارج کرتے ہوئے انہوں نے کہا کہ ‘ آپریشن کمل’ کامیاب تو دور، بی جے پی کے ایم ایل اے ،جے ڈی ایس کےسپورٹ میں ہیں۔انھوں نے بی جے پی کو چیلنج تک دے ڈالا کہ اگر ان کے 10 ایم ایل اے توڑنے کی کوشش کی گئی تو وہ بی جے پی کے 20 ایم ایل اے توڑ لیں گے۔ انھوں نے گورنر سے بھی ہورس ٹریڈنگ نہ ہو، یہ دھیان میں رکھتے ہوئے فیصلہ کرنے کی بات کہی۔ ساتھ ہی کرناٹک بی جے پی ان چارج پرکاش جاویڈکر سے ملنے کی بات سے انکار کرتے ہوئے انھوں نے الٹا سوال کر دیا کہ کون ہیں پرکاش جاویڈکر۔
انہوں نے مزید کہا کہ وہ گورنر سے گزارش کریں گے کہ انہیں حکومت بنانے کا موقع دیا جائے ،اور اگر گورنر نے ان کی بات نہیں مانی تو وہ ایک ہفتہ انتطار کرلیں گے ۔ان کو کوئی جلدی نہیں ہے ۔کمار سوامی نے مرکز کی بی جے پی حکومت پر ملک کے آئینی اداروں میں دخل دینے کا بھی الزام لگایا ہے۔
Categories: خبریں