سابق صدر جمہوریہ پرنب مکھرجی کی بیٹی نے اپنے والد کو نصیحت دیتے ہوئے کہا کہ سنگھ آپ کی باتوں کو بھو ل جائے گا اور تصویریں رہ جائیں گی ،جن کو فرضی بیانوں کے ساتھ پھیلایا جائے گا۔
فوٹو :پی ٹی آئی /فیس بک
نئی دہلی :سابق صدر جمہوریہ پرنب مکھرجی کے آر ایس ایس کے پروگرام میں شامل ہونے کو لے کر کئی کانگریسی لیڈروں کے بیان کے بعد اب ان کے گھر والوں نے ہی اس پر سوال اٹھا دیا ہے۔پرنب مکھرجی کی بیٹی شرمشٹھا نے بدھ کو کہا کہ وہ(پرنب) ناگپور جاکر بی جے پی اور آر ایس ایس کو فرضی خبریں گڑھنے اور افواہیں پھیلانے کی سہولت فراہم کر رہےہیں۔
ویڈیو: ’جس آر ایس ایس نے گاندھی کی سنی نہ جے پی کی وہ پرنب مکھرجی کی کیا سنے گا‘
انہوں نے خود کے بی جے پی میں جانے کی قیاس آرائی کو خارج کیا ہے ۔انہوں نے اپنے والد کو خبردار کیا ہے کہ وہ بدھ کے حادثے سے سمجھ گئے ہو ں گے کہ بی جے پی کا ڈرٹی پالیٹکس محکمہ کس طرح سے کام کرتا ہے۔دہلی کانگریس کی ترجمان شرمشٹھا نے ٹوئٹ کیا؛امید کرتی ہوں کہ پرنب مکھرجی کو آج (بدھ) کے حادثے سے اس کا احساس ہوگیا ہوگا کہ بی جے پی کا ڈرٹی ٹرکس ڈیپارٹمنٹ کس طرح کام کرتا ہے۔
Hope @CitiznMukherjee now realises from todays’ incident, how BJP dirty tricks dept operates. Even RSS wouldn’t believe that u r going 2 endorse its views in ur speech. But the speech will be forgotten, visuals will remain & those will be circulated with fake statements. 1/2
— Sharmistha Mukherjee (@Sharmistha_GK) June 6, 2018
انہوں نے کہا ،یہاں تک کہ آر ایس ایس کبھی یہ تصور بھی نہیں کرے گا کہ آپ اپنی تقریر میں ان کے خیالات کی حمایت کریں گے۔لیکن آپ کی تقریر بھلا دی جائے گی اور تصویریں رہ جائیں گی جن کو فرضی بیانوں کے ساتھ پھیلا یا جائے گا۔انہوں نے مزید کہا کہ؛آپ ناگپور جاکر بی جے پی /آر ایس ایس کو فرضی خبریں گڑھنے،افواہیں پھیلانے اور ان کو کسی نہ کسی طرح قابل اعتماد بنانے کی سہولت مہیا کرا رہے ہیں اور یہ تو صرف شروعات بھر ہے۔
.@CitiznMukherjee By going 2 Nagpur, u r giving BJP/RSS full handle 2 plant false stories, spread falls rumours as 2day & making it somewhat believable. And this is just d beginning! 2/2
— Sharmistha Mukherjee (@Sharmistha_GK) June 6, 2018
مکھرجی کو آر ایس ایس کے سوئم سیوک سنگھ کے لیے منعقد سنگھ سکشا ورگ(ٹریننگ کیمپ) کنووکیشن میں مہمان خصوصی کے طور پر شریک ہورہے ہیں۔غورطلب ہے کہ شرمشٹھا سے پہلے سندیپ دکشت،سی کے جعفر شریف اور کانگریس کے کئی دوسرے لیڈر وں نےسابق صدر جمہوریہ کے اس قدم پر سوال کھڑے کیے ہیں۔ حالاں کہ کانگریس پارٹی نےاس بارے میں باقاعدہ کوئی ردعمل نہیں دیا ہے۔
(خبر رساں ایجنسی بھاشا کے ان پٹ کے ساتھ)
Categories: خبریں