خبریں

چنئی میں 11 سالہ بچی سے کئی مہینوں تک ریپ

تمل ناڈو کی راجدھانی چنئی واقع ایک اپار ٹمنٹ  میں 11 سالہ بچی کے ساتھ کئی مہینوں تک مبینہ طور پر ریپ کرنے کے الزام میں 18 لوگوں کو گرفتار کیا گیا ہے، جن میں بلڈنگ کا گارڈ بھی شامل ہے۔

فوٹو: اے این آئی

فوٹو: اے این آئی

نئی دہلی: تمل ناڈو کی راجدھانی چنئی واقع ایک اپار ٹمنٹ بلڈنگ میں 11 سالہ بچی کے ساتھ کئی مہینوں تک مبینہ طور پر ریپ کرنے کے الزام میں 18 لوگوں کو گرفتار کیا گیا ہے، جن میں بلڈنگ کا سکیورٹی گارڈ بھی شامل ہے۔ بچی کو مبینہ طور پر بیہوشی کی دوائیاں اور نشیلی چیزیں ملا کر کولڈ ڈرنک پلائی جاتی تھی۔ پولیس کا کہنا ہے کہ اس کو بلیک میل بھی کیا جا رہا تھا۔ گرفتار کیے گئے لوگوں میں بلڈنگ کا لفٹ مین اور واٹر سپلائر بھی شامل ہے۔

میڈیا رپورٹ کے مطابق ، ایک سینئر پولیس افسر نے بتایا کہ اس معاملے کا انکشاف تب ہوا جب متاثرہ ، جو ساتویں کلاس کی اسٹوڈنٹ ہے،نے اپنی بڑی بہن کو اس بارے میں بتایا۔ اس کے بعد لڑکی نے اپنے گھر والوں کو جانکاری دی اور اتوار کوتھانہ  میں شکایت درج کرائی ۔ پولیس افسر نے بتایا کہ اسٹوڈنٹ کی ماں نے شکایت درج کرائی کہ قریب 15 لوگوں نے الگ الگ دنوں میں اپارٹمنٹ کے اندر مختلف جگہوں پر اسٹودنٹ کا جنسی استحصال کیا۔ پولیس افسر نے کہا ، ہم لوگوں سے پوچھ تاچھ کر رہے ہیں اور بچی کو منگل کو میڈیکل جانچ کے لیے ہاسپٹل لے جایا جائے گا۔

دریں اثناخبر رساں ایجنسی اے این آئی کے مطابق ؛مہیلا کورٹ میں پیشی کے دوران ملزموں کے ساتھ وکیلوں نے مار پیٹ کی۔

(خبر رساں ایجنسی پی ٹی آئی کے ان پٹ کے ساتھ)