راہل گاندھی نے کہا کہ اس پروٹسٹ مارچ میں کانگریس کے ٹاپ لیڈران نے شرکت کی اور یہ مطالبہ کیا ہے کہ وزیر اعظم سی بی آئی معاملے میں ملک سے معافی مانگیں۔
لودھی کالونی پولیس اسٹیشن میں راہل گاندھی ،فوٹو: اے این آئی
نئی دہلی : سی بی آئی تنازعے کو رافیل گھوٹالے سے جوڑ کر کانگریس نے جمعہ کو ملک گیر مظاہرہ کیا ۔ دہلی میں سی بی آئی ہیڈ کوارٹر کے پاس مظاہرہ کر رہے کانگریس صدر راہل گاندھی سمیت دوسرے لیڈران نے اپنی گرفتاری دی ۔میڈیا رپورٹس کے مطابق ،گرفتاری کے بعد ان رہنماؤں کو لودھی روڈ پولیس اسٹیشن لے جایا گیاہے ۔کانگریس کے ترجمان رندیپ سرجے والا نے ٹوئٹ کر کے تصدیق کی ہے ،انہوں نے اپنے ٹوئٹ میں کہا ہے کہ راہل گاندھی اور دوسرے لیڈران کو پولیس نے گرفتار کیا ہے۔
Congress President, Sh. Rahul Gandhi & other leaders arrested
— Randeep Singh Surjewala (@rssurjewala) October 26, 2018
غور طلب ہے کہ سی بی آئی چیف آلوک ورما کو چھٹی پر بھیجے جانے کے خلاف مظاہرے کی قیادت کرتے ہوئے راہل گاندھی نے مودی حکومت پر الزام لگایا کہ رافیل سودے کی جانچ سے بچنے کے لیے آلوک ورما کو معطل کیا گیا ہے۔راہل گاندھی نے کہا کہ کانگریس چوکیدار کو چوری نہیں کرنے دے گی۔کانگریس صدر نے کہا کہ ہندوستان کے ہر ادارے پر وزیراعظم نریندر مودی حملہ کر رہے ہیں ۔انڈین ایکسپریس کی ایک خبر کے مطابق؛ انہوں نے کہا کہ نریندر مودی نے انل امبانی کی جیب میں30000کروڑ روپے ڈالا ہے ۔ انہوں نے سی بی آئی چیف کی بحالی کا مطالبہ کرتے ہوئے وزیر اعظم نریندر مودی کو اس مدعے پر معافی مانگنے کو کہا ۔
دہلی میں راہل گاندھی کی قیادت میں سی بی آئی ہیڈ کوارٹر پر مظاہرہ کے علاوہ اترپردیش ، مہاراشٹر، کرناٹک،ہریانہ سمیت مختلف ریاستوں میں سی بی آئی دفتر کے سامنے مظاہرے کیے گئے۔کانگریس کے اس مظاہرے کو اپوزیشن کی حمایت مل رہی ہے۔کانگریس کے علاوہ ٹی ایم سی اور سی پی آئی کے لیڈرا ن بھی مظاہرے میں شامل ہوئے۔
Telangana: Congress workers stage protest near CBI Office in Hyderabad against the removal of CBI Chief Alok Verma. pic.twitter.com/ZQmkU0UodR
— ANI (@ANI) October 26, 2018
Chandigarh: Police use water cannon at Congress workers who are protesting against the removal of CBI Director Alok Verma pic.twitter.com/SXwR3AgGRq
— ANI (@ANI) October 26, 2018
راہل گاندھی کی قیادت میں کانگریس نے دہلی کے دیال سنگھ کالج سے مارچ شروع کیا ۔اس دوران سی بی آئی کی طرف جانے والی شاہراہ کو پولیس نے بند کر دیا تھا۔
#WATCH Congress President Rahul Gandhi and Ashok Gehlot lead the protest march to CBI HQ against the removal of CBI Chief Alok Verma. pic.twitter.com/7FNkhoWQCb
— ANI (@ANI) October 26, 2018
اس مارچ میں اشوک گہلوت، احمد پٹیل کے علاوہ شرد یادو اور ڈ ی راجہ بھی شامل ہوئے۔اترپردیش میں کانگریس کے اس مارچ کی قیادت ریاستی صدر راج ببر نے کی ۔
Congress doesn't have any people's issues to raise that is why they are taking up these non-issues. We should wait for the investigation report: Home Minister Rajnath Singh #CBI pic.twitter.com/BcFkq2nD6Q
— ANI (@ANI) October 26, 2018
دریں اثنا کانگریس کے اس احتجاج پر وزیر داخلہ راجناتھ سنگھ نے کہا کہ کانگریس کے پاس عوامی مفاد کا کوئی مدعا نہیں بچا ہے اس لیے وہ ملک کو گمراہ کر رہی ہے۔انہوں نے مزید کہا کہ سپریم کورٹ نے فیصلہ دیا ہے ،اتھارٹی جانچ کر رہی ہے ، جانچ رپورٹ کا انتظار کر نا چاہیے۔واضح ہو کہ اس معاملے میں سپریم کورٹ نے سی وی سی کو دو ہفتے کے اندر جانچ مکمل کر نے کا حکم دیا۔
Categories: خبریں