یہ حادثہ پونے کے کونڈھوا علاقے میں ایک زیرتعمیر عمارت کے مزدوروں کی ٹن کی جھوپڑی پر گرنے سے ہوا۔ حکومت نے مرنے والوں کے رشتہ داروں کے لئے 5 لاکھ روپے کی امدادی رقم دینے کا اعلان کیا ہے۔
مہاراشٹر کے پونے میں زیرتعمیر عمارت گری (فوٹو: اے این آئی)
نئی دہلی: مہاراشٹر کے پونے میں لگاتار ہو رہی بارش سے سنیچر کی صبح ایک دیوار گرنے سے 17 لوگوں کی موت ہو گئی۔ مرنے والوں میں چار بچے بھی ہیں۔یہ واقعہ پونے کے کونڈھوا کے تالاب مسجد علاقے کا ہے۔ یہاں پر ایک زیرتعمیر عمارت کی دیوار ساتھ میں مزدوروں کے لئے بنی ٹن کی جھوپڑی پر گری۔ سبھی مرنے والے مزدور فیملی سے ہیں۔
ایک افسر نے بتایا کہ کونڈھوا علاقے میں سنیچر کو تقریباً 1.45 بجے کے آس پاس یہ واقعہ ہوا۔ پونے میں لگاتار بھاری بارش ہو رہی ہے۔
Pune: Death toll rises to 15; search & rescue operation is underway. #Maharashtra https://t.co/sV7p2QUnuy
— ANI (@ANI) June 29, 2019
انہوں نے بتایا کہ پولیس، فائر برگیڈ اوراین ڈی آر ایف کے ملازمین نے موقع پر پہنچ کر بچاؤ مہم شروع کر دی ہے۔انہوں نے بتایا کہ تین زخمی لوگوں کو ہاسپٹل میں بھرتی کرایا گیا ہے۔سنیچر کی صبح جائے واردات سے کچھ تصویریں بھی سامنے آئیں، جس میں دکھائی دے رہا ہے کہ سوسائٹی کی دیوار، مزدوروں کے لئے بنی ٹن کی جھوپڑی پر گر گئی۔
سوسائٹی کے لوگوں کی کچھ کار بھی مزدوروں کے کچے گھروں پر آ گریں۔حادثے کے بعد سے ہی این ڈی آر ایف کی ٹیم موقع پر پہنچ گئی۔ راحت اور بچاؤ کام جاری ہے۔
Extremely saddened to know about loss of lives in the Kondhwa, Pune wall collapse incident.
My deepest condolences to the families and prying for speedy recovery of the injured.
Directed Pune Collector to conduct an in-depth enquiry.— Devendra Fadnavis (@Dev_Fadnavis) June 29, 2019
مہاراشٹر کے وزیراعلیٰ دیویندر فڈنویس نے ٹوئٹ کر مرنے والوں کی فیملی کے تئیں اظہار افسوس کیا اور پونے کلکٹر کو وسیع جانچکی ہدایت دی۔انہوں نے اظہار تعزیت کرتے ہوئے ٹوئٹ کیا، ‘ پونے کے کونڈھوا میں دیوار گرنے کے واقعہ میں مرنے والے لوگوں کے بارے میں سنکر غم زدہ ہوں۔ میں زخمیوں کے جلد ٹھیک ہونے کی بھی خواہش کرتا ہوں۔ ‘ریاستی حکومت نے مرنے والوں کے رشتہ داروں کے لئے 5 لاکھ روپے کی امدادی رقم دینے کا بھی اعلان کیا ہے۔
District Collector Pune,Naval Kishore Ram: The wall collapsed due to heavy rainfall. Negligence of the construction company is coming to light with this incident.Death of 15 people is not a small matter.Mostly were labourers from Bihar&Bengal.Govt to provide help to the affected. pic.twitter.com/LYyMc7j8ht
— ANI (@ANI) June 29, 2019
اس واقعہ پر پونے کے ڈسٹرکٹ کلکٹر (ڈی ایم) نول کشور رام نے کہا، ‘ تیز بارش کی وجہ سے دیوار ڈھہ گئی ہے۔ اس واقعہ کے ساتھ ہی کنسٹرکشن کمپنی کی لاپروائی کا معاملہ بھی سامنے آیا ہے۔ 15 لوگوں کی موت کوئی معمولی بات نہیں ہے۔ مرنے والوں میں زیادہ تر بہار اور بنگال سے آئے مزدور تھے۔ حکومت اس واقعہ سے متاثر لوگوں کی مدد کرےگی۔ ‘
Mayor of Pune, Mukta Tilak on wall collapse in Kondhwa: An investigation will be conducted into the incident. We are giving a 'work stop' order so that no work can be continued at the construction site here. #Maharashtra pic.twitter.com/LzrODXdkjt
— ANI (@ANI) June 29, 2019
وہیں پونے کی میئر مُکتا تلک نے بھی کہا کہ اس واقعہ کی تفتیش کی جائےگی۔ ہم کام روکنے کا حکم دینے جا رہے ہیں تاکہ زیر تعمیر عمارت والے مقام پر کوئی کام نہ ہو سکے۔
(خبر رساں ایجنسی بھاشا کے ان پٹ کے ساتھ)
Categories: خبریں