سائنا نے اس موقع پر کہا، ‘آج بہت اچھا دن ہے۔ میں نے کئی ٹائٹل جیتے ہیں اور کھیل کی دنیا میں ملک کا نام روشن کیا ہے۔ آج میں ایک ایسی پارٹی میں شامل ہوئی ہوں جوملک کے لیے اچھا کام کر رہی ہے۔
فوٹو بہ شکریہ: ٹوئٹر
نئی دہلی: معروف بیڈمنٹن کھلاڑی سائنا نہوال بدھ کو بھارتیہ جنتا پارٹی (بی جے پی)میں شامل ہو گئیں۔ سائنا پارٹی کے قومی جنرل سکریٹری ارون سنگھ کی موجودگی میں بی جے پی میں شامل ہوئیں۔ ان کے ساتھ ہی ان کی بہن چندرانشو بھی پارٹی میں شامل ہوئیں۔ انہوں نے دہلی واقع بی جے پی ہیڈ کوارٹر میں سینئر رہنماؤں کی موجودگی میں پارٹی کی رکنیت حاصل کی ۔پارٹی میں شامل ہونے کے بعد پارٹی کے قومی صدرجے پی نڈا سے دونوں نے ملاقات کی۔
PM @narendramodi works tirelessly. I have been making the country proud for some time now and want to do something for the country after joining the BJP.
BJP is a party that is doing good work for the country and I’d like to contribute to it: @NSaina pic.twitter.com/jXt00ufVk5
— BJP (@BJP4India) January 29, 2020
بی جے پی کے رہنما نے کہا کہ کھیل کی دنیا میں سائنا نہوال کے نام کو سب جانتے ہیں۔ ملک کو ان پر فخرہے۔
سائنا نے اس موقع پر کہا، ‘آج بہت اچھا دن ہے۔ میں نے کئی ٹائٹل جیتے ہیں اور کھیل کی دنیا میں ملک کا نام روشن کیا ہے۔ آج میں ایک ایسی پارٹی میں شامل ہوئی ہوں جوملک کے لیے اچھا کام کر رہی ہے۔ انہوں نے کہا کہ میں محنتی ہوں اور نریندر مودی جو خود بھی اتنی محنت کرتے ہیں، ان کے ساتھ مل کر کام کرنا چاہتی ہوں۔ ابھی یہ سب میرے لیے نیا ہے لیکن سیاست میں دلچسپی رکھنا مجھے پسند ہے۔’
Badminton player @NSaina joins BJP in the presence of BJP National General Secretary Shri @ArunSinghbjp. pic.twitter.com/b6NEnDBMUT
— BJP (@BJP4India) January 29, 2020
انہوں نے کہا، ‘نریندر مودی سر نے کھیل کے شعبے میں کافی اچھا کام کیا ہے۔ جیسے کہ کھیلو انڈیا منصوبہ کافی اچھا ہے۔ میں ایک ایسی پارٹی جوائن کر رہی ہوں جو ملک کے لیے اچھا کام کر رہی ہے۔ مجھے نریندر سر سے کافی ترغیب ملتی ہے۔ مجھے امید ہے اور میں پوری کوشش کروں گی کہ کچھ اچھا کر پاؤں۔’29 سالہ سائنا ہریانہ کی رہنے والی ہیں اور حیدرآباد میں رہتی ہیں۔ملک کی نمبر ایک بیڈمنٹن کھلاڑی رہ چکیں سائنا نے اولمپک کھیلوں سمیت کئی بین الاقوامی خطاب جیتے ہیں۔ 2010 میں دہلی میں ہوئے کامن ویلتھ کھیلوں میں انہوں نے گولڈ میڈل جیتا تھا۔ان کو راجیو کھیل رتن اور ارجن ایوارڈ سے بھی نوازا جا چکا ہے
(خبررساں ایجنسی بھاشا کے ان پٹ کے ساتھ)
Categories: خبریں