Author Archives

دی وائر اسٹاف

دہلی میں چندریان-3 مشن پر این سی ای آر ٹی کے اسپیشل ریڈنگ ماڈیول کے اجراء کے دوران اسرو کے چیئرمین ایس سومناتھ کے ساتھ مرکزی وزیر تعلیم دھرمیندر پردھان ۔ (تصویر بہ شکریہ: X/@dpradhanbjp)

این سی ای آر ٹی ریڈنگ ماڈیول میں چندریان 3 کی کامیابی کا سہرا مودی کو، خلائی سائنس کو ویدوں سے جوڑا

خلائی سائنس کے ماہرین کا کہنا ہے کہ چندریان مشن پر این سی ای آر ٹی کی جانب سے متعارف کرایا گیا ریڈنگ ماڈیول اسرو اور اس کے سائنسدانوں کے ساتھ ناانصافی ہے، جنہوں نے کئی سالوں میں اپنی ناکامیوں پر جیت حاصل کی ہے۔

مالدیپ کے نومنتخب صدر محمد معیزو۔ (تصویر بہ شکریہ: X/@Mمعیزو)

مالدیپ: نو منتخب صدر نے ملک سے ہندوستانی فوج ہٹانے کو اولین ترجیح قرار دیا

مالدیپ کے نومنتخب صدر محمد معیزو نے کہا کہ وہ صدارتی عہدہ سنبھالنے کے ایک ہفتے کے اندر ملک میں تعینات ہندوستانی فوج کو ہٹانا چاہیں گے۔ انہوں نے مزید کہا کہ اگر مالدیپ کی سرحد پر غیر ملکی فوجی تعینات ہوتے ہیں تو اس کی آزادی کے بارے میں شدید شکوک و شبہات پیدا ہوتے ہیں۔ معیزو 17 نومبر کو صدارتی عہدہ سنبھالیں گے۔

(فائل فوٹو: پی ٹی آئی)

پلوامہ حملے پر جوابدہی کا مطالبہ کرتے ہوئے سابق فوجی اور متاثرین کے اہل خانہ احتجاجی مارچ کریں گے

کنفیڈریشن آف ایکس پیرا ملٹری فورسز ویلفیئر ایسوسی ایشنز کے نیشنل کوآرڈینیٹر نے کہا کہ اس حملے کو چار سال سے زیادہ کا عرصہ گزر چکا ہے، لیکن مودی حکومت اس میں ہوئی کوتاہیوں کا احتساب کرنے میں ناکام رہی ہے، انتخابات میں کامیابی حاصل کرنا ہی ان کی اولین ترجیحات ہے۔ انہوں نے کہا کہ 26 نومبر کو وہ دہلی میں احتجاجی مارچ کریں گے۔

ملیکارجن کھڑگے (تصویر بہ شکریہ: Twitter/@INCRajasthan)

مرکزی حکومت انتخابات کے لیے فوج کا سیاسی استعمال کر رہی ہے: ملیکارجن کھڑگے

کانگریس صدر ملیکارجن کھڑگے نے کہا کہ نریندر مودی حکومت نے فوج سے ملک بھر میں سیلفی پوائنٹ بنانے کو کہا ہے جہاں فوجیوں کی بہادری کے بجائے اس کی اسکیموں کی تشہیر کی جائے گی۔ انہوں نے مزید کہا کہ حکمراں جماعت نے ‘فوجیوں کی مقبولیت کا فائدہ اٹھا کر’ فوج کے وقار کو ٹھیس پہنچائی ہے۔

گزشتہ 14 اکتوبر کو احمد آباد کے نریندر مودی اسٹیڈیم میں ہندوستان کے ساتھ میچ سے قبل پاکستانی ٹیم۔ (تصویر بہ شکریہ: Facebook/@PakistanCricketBoard)

کرکٹ ورلڈ کپ: پاکستان نے آئی سی سی سے ہندوستان کے ساتھ میچ میں ہوئی مبینہ بدسلوکی کی شکایت کی

خیال کیا جا رہا ہے کہ یہ شکایت اس مبینہ واقعے کے حوالے سے کی گئی ہے جب کرکٹ ورلڈ کپ کے دوران 14 اکتوبر کوہندوستان اور پاکستان کے درمیان ہوئےمیچ میں پاکستانی بلے باز محمد رضوان آؤٹ ہو کر ڈریسنگ روم کی طرف جا رہے تھے تو ہندوستانی شائقین نے انہیں دیکھ کر نعرے بازی کی تھی۔

فضائی حملے کے بعد غزہ کا ہسپتال۔ (تصویر بہ شکریہ:ایکس /@Birzeit University)

غزہ: اسپتال پر اسرائیلی حملے میں 500 افراد ہلاک، اسرائیل نے ’مس فائر‘ فلسطینی راکٹ کو مورد الزام ٹھہرایا

بتایا گیا ہے کہ اسپتال میں مرنے والوں کی تعداد میں مزید اضافے کا اندیشہ ہے۔ 1982 میں لبنان کے صابرہ اور شتیلا میں اسرائیلی فوج اور اس کے اتحادیوں کے ہاتھوں قتل عام کے بعد کسی ایک واقعے میں ہلاک ہونے والے فلسطینیوں کی یہ تعداد سب سے زیادہ ہے۔

(علامتی تصویر بہ شکریہ: فیس بک)

اترپردیش: سوشل میڈیا پر فلسطین کی حمایت کرنے پر پولیس اہلکار معطل

اتر پردیش کے لکھیم پور کھیری ضلع میں ریزرو پولیس لائن میں تعینات کانسٹبل سہیل انصاری نے مبینہ طور پر اپنے فیس بک اکاؤنٹ پر فلسطین کے لیے مالی مدد کا مطالبہ کرتے ہوئے اسٹیٹس ڈالا تھا۔ حال ہی میں وزیر اعلی یوگی آدتیہ ناتھ نے اسرائیل — فلسطین جنگ پر کسی بھی ‘متنازعہ بیان’ کے خلاف سخت کارروائی کا حکم دیا تھا۔

پربیر پرکایستھ، نیوز کلک کے ڈائریکٹر اور ایڈیٹر۔ (بہ شکریہ: یوٹیوب اسکرین شاٹ)

گلوبل سول سوسائٹی  نے ’نیوز کلک‘ کے خلاف کارروائی بند کرنے اور اس کے مدیر کو رہا کرنے کا مطالبہ کیا

گلوبل سول سوسائٹی الائنس ‘سی آئی وی آئی سی یو ایس’ نے کہا ہے کہ یہ پوری طرح سے ہندوستان میں پریس کی آزادی پر حملہ ہے اور نیوز ویب سائٹ نیوز کلک کی تنقیدی اور آزاد صحافت کے خلاف انتقامی کارروائی ہے۔ یو اے پی اے کے تحت اس ویب سائٹ پر الزام عائد کرنا، آزاد میڈیا، کارکنوں اور شہریوں کو خاموش کرانے اور ہراساں کرنے کی ایک بے شرم کوشش ہے۔

جموں و کشمیر کے لیفٹیننٹ گورنر منوج سنہا۔ (تصویر بہ شکریہ: Facebook/@OfficeOfLGJandK)

جموں و کشمیر: ایل جی کی جانب سے نامہ نگار پر ’علیحدگی پسندوں‘ سے وابستگی کے الزام کے خلاف دی وائر کا احتجاج

دی وائر کے بانی مدیر نے ایل جی منوج سنہا کو ایک خط میں کہا ہے کہ پردھان منتری-جن آروگیہ یوجنا سے متعلق خبر کے لیے ادارے کے نامہ نگار جہانگیر علی کے خلاف ان کے ‘بے بنیاد الزام’ صحافی کے ساتھ ہی میڈیا کے لیے بھی خطرناک نتائج کا باعث بن سکتے ہیں۔

مہوا موئترا اور نشی کانت دوبے۔ (تصویر بہ شکریہ: ٹوئٹر/فیس بک)

مہوا موئترا نے ’جھوٹے اور ہتک آمیز الزام‘ کے لیے بی جے پی ایم پی نشی کانت دوبے کو قانونی نوٹس بھیجا

بی جے پی ایم پی نشی کانت دوبے نے اتوار کو لوک سبھا اسپیکر کو لکھے گئے ایک خط میں الزام لگایا تھا کہ ٹی ایم سی ایم پی مہوا موئترا کو پارلیامنٹ میں اڈانی گروپ کے بارے میں سوال پوچھنے کے لیے رشوت کے طور پر ‘نقد’ اور’تحائف’ دیے گئے تھے۔ انہوں نے دعویٰ کیا کہ انہیں یہ جانکاری وکیل جئے اننت سے ملی تھی۔

وزیر اعظم نریندر مودی اور گجرات کے وزیر اعلیٰ بھوپیندر پٹیل۔ (تصویر بہ شکریہ: فیس بک/بھوپیندر پٹیل)

گجرات: تین سالوں میں پی ایم-سی ایم کے پروگرام میں شامل سرکاری بسوں کا 22 کروڑ روپے کا کرایہ بقایہ

گجرات حکومت نے گزشتہ تین سالوں میں اسٹیٹ ٹرانسپورٹ کارپوریشن کی ان بسوں کے کرایہ کے 22 کروڑ روپے سے زیادہ کی ادائیگی نہیں کی ہے، جو لوگوں کو وزیر اعظم نریندر مودی یا گجرات کے وزیر اعلیٰ کے پروگراموں میں لے جانے کے لیے استعمال کی گئی تھیں۔ کارپوریشن نے کہا کہ ان پروگراموں کے لیے کل 34868 بسیں مختص کی گئی تھیں۔

بامبے ہائی کورٹ۔ (تصویر بہ شکریہ: اے این آئی)

چھوٹی اسکرٹ پہننا اور اشتعال انگیز رقص کرنا فحاشی نہیں ہے: بامبے ہائی کورٹ

ناگپور کے ایک ریزورٹ کے بینکوئٹ ہال میں منعقد پروگرام کے سلسلے میں پولیس کی طرف سے درج مقدمہ کو خارج کرتے ہوئے بامبے ہائی کورٹ نے کہا ہے کہ کون سا فعل فحاشی کے دائرے میں آ سکتا ہے، اس بارے میں تنگ نقطہ نظر رکھنا ایک رجعت پسندانہ فعل ہوگا۔ ہم اس معاملے میں ترقی پسند نقطہ نظر اختیار کرنے کو ترجیح دیں گے۔

نشی کانت دوبے اور مہوا موئترا۔ (تصویر بہ شکریہ: فیس بک/پی ٹی آئی)

بی جے پی ایم پی نے مہوا موئترا پر اڈانی گروپ  کے بارے میں سوال پوچھنے کے لیے رشوت لینے کا الزام لگایا

بی جے پی ایم پی نشی کانت دوبے نے ترنمول کانگریس ایم پی مہوا موئترا پر پارلیامنٹ میں اڈانی گروپ کے بارے میں سوال پوچھنے کے لیے رشوت لینے کا الزام لگاتے ہوئے لوک سبھا اسپیکر اوم بڑلا کو خط لکھا ہے۔ اس الزام کے جواب میں مہوا موئترا نے کہا کہ وہ کسی بھی طرح کی جانچ کے لیے تیار ہیں۔

یوگی آدتیہ ناتھ۔ (تصویر بہ شکریہ: فیس بک)

یوپی: وزیر اعلیٰ نے پولیس کو فلسطین حامی پوسٹ کے خلاف کارروائی کرنے کی ہدایت دی

اتر پردیش کے وزیر اعلیٰ یوگی آدتیہ ناتھ نے پولیس کو اسرائیل-حماس تصادم پر ہندوستانی حکومت کے موقف کی مخالفت کرنے اور فلسطین کی حمایت کرنے والی سوشل میڈیا پوسٹ کے خلاف سخت کارروائی کرنے کی ہدایت دی ہے۔

Apoorvanand-ji-SV-thumb

’اسرائیل کو غزہ پر حملہ بند کر دینا چاہیے اور اپنا قبضہ ختم کرنا چاہیے‘

ویڈیو: اسرائیل کے فلسطینیوں سےغزہ چھوڑنے کے بارے میں کہنے سے پہلے وہاں خوراک، پانی اور بجلی کی سپلائی روکی جا چکی تھی۔ اقوام متحدہ کے تباہ کن نتائج کے بارے میں انتباہ کے باوجود دنیا کے طاقتور ممالک اسرائیل سے جنگ بندی کا مطالبہ کیوں نہیں کر رہے ہیں؟ اس موضوع پر تبادلہ خیال کر رہے ہیں دی وائر کے بانی مدیر سدھارتھ وردراجن اور دہلی یونیورسٹی کے پروفیسر اپوروانند۔

پی چدمبرم۔ (تصویر بہ شکریہ: ٹوئٹر)

دہلی کے لیفٹیننٹ گورنر اور ان کے آقاؤں کی حکمرانی میں رواداری کی کوئی گنجائش نہیں ہے: چدمبرم

کانگریس کے سینئر لیڈر پی چدمبرم نے ہیٹ اسپیچ سے متعلق 2010 کےایک معاملے میں ارندھتی رائے کے خلاف مقدمہ چلانے کی منظوری دینے کے لیے دہلی کے لیفٹیننٹ گورنر وی کے سکسینہ کے اقدام کی تنقید کی ہے۔ انہوں نے کہا کہ جب تقاریر کی جاتی ہیں، بھلے ہی دوسرے لوگ ان سے کتنے ہی اختلاف رکھتے ہوں، حکومت کو تحمل اور بردباری کا مظاہرہ کرنا چاہیے۔

مونو مانیسر۔ (تصویر بہ شکریہ: فیس بک)

قتل کی کوشش معاملے میں گئو رکشک مونو مانیسر کو 14دن کی عدالتی حراست میں بھیجا گیا

یہ معاملہ ہریانہ کے پٹودی کے بابا شاہ محلہ میں 6 فروری کو دو گروہوں کے درمیان تصادم سے متعلق ہے، جس میں گئو رکشک مونو مانیسر نے مبینہ طور پر اپنے لائسنسی ہتھیار سے گولیاں چلائی تھیں، جس سے اقلیتی کمیونٹی کا ایک شخص زخمی ہو گیا تھا۔ مانیسر راجستھان کےچچازاد بھائیوں جنید اور ناصر کے قتل میں بھی ملزم ہیں۔

(فائل فوٹو: پی ٹی آئی)

دہلی میں رام لیلا منتظمین کی اعلیٰ تنظیم نے کہا – دسہرے پر سناتن مخالفین کے 650 پتلے جلائے جائیں گے

دہلی بی جے پی کے صدر نے ادے ندھی اسٹالن کے سناتن دھرم مخالف بیان سے متعلق رام لیلا کمیٹیوں سے اپیل کی تھی۔ اب رام لیلا منتظمین کی اعلیٰ تنظیم شری رام لیلا مہاسنگھ کا کہنا ہے کہ دسہرے کے موقع پر سناتن دھرم کی مخالفت کرنے والوں کے 6 سے 15 فٹ کے پتلے جلائے جائیں گے۔

ایس چندیرا پریانگا۔ (تصویر بہ شکریہ: ایکس)

پڈوچیری: واحد خاتون وزیر نے ذات پات اور صنفی امتیاز کا حوالہ دیتے ہوئے استعفیٰ دیا

پڈوچیری کی آل انڈیا این آر کانگریس – بھارتیہ جنتا پارٹی گٹھ بندھن سرکار میں ٹرانسپورٹ کی وزیر ایس چندیرا پریانگا نے کہا ہے کہ ‘مجھے احساس ہو رہا تھا کہ مجھے ذات اور جنس کی بنیاد پر مسلسل تعصب کا نشانہ بنایا جا رہا ہے۔’ ان کا تعلق دلت برادری سے ہے۔

(تصویر بہ شکریہ: Facebook/@RajasthanRifleAssociation)

راجستھان رائفل ایسوسی ایشن کے کوچ پر کھلاڑیوں کے ساتھ ریپ اور چھیڑ چھاڑ کا معاملہ درج

راجستھان رائفل ایسوسی ایشن کے کوچ ششی کانت شرما پر گزشتہ چند سالوں میں دو کھلاڑیوں کے ساتھ ریپ اور تین دیگر کے ساتھ چھیڑ چھاڑ کرنے کا الزام ہے۔ پولیس کا کہنا ہے کہ ابتدائی تحقیقات سے معلوم ہوتا ہے کہ متاثرین کی تعداد زیادہ ہو سکتی ہے۔

این سی پی کے قومی ترجمان کلائڈ کراسٹو۔ (تصویر بہ شکریہ: ٹوئٹر ویڈیو گریب)

بی جے پی رہنماؤں نے فوراً سے پیشتر اسرائیل کی حمایت کی، لیکن منی پور کے مسئلے پر خاموش ہیں: این سی پی

نیشنلسٹ کانگریس پارٹی (شرد پوار گٹ) نے بی جے پی کو تنقید کا نشانہ بناتے ہوئے کہا کہ بی جے پی لیڈروں نے اسرائیل کی حمایت میں ‘تیزی’ دکھائی ہے، لیکن وہ منی پور کے معاملے پر خاموشی اختیار کیے ہوئے ہیں۔ ان کی ‘خاموشی’ مادر وطن میں اس مسئلے (منی پور تشدد) پر ان کے ارادوں کے بارے میں بہت کچھ کہتی ہے۔

عمر عبداللہ۔ (تصویر بہ شکریہ: Twitter/@OmarAbdullah)

جموں و کشمیر اسمبلی انتخابات میں تاخیر کے لیے الیکشن کمیشن بی جے پی سے ہدایات لے رہا ہے: عمر عبداللہ

لداخ آٹونومس ہل ڈیولپمنٹ کونسل (کارگل) کے انتخابات میں نیشنل کانفرنس کے سب سے بڑی پارٹی کے طور پر ابھرنے کے بعد پارٹی کے نائب صدر عمر عبداللہ نے جموں و کشمیر اسمبلی انتخابات میں تاخیر کے لیے مرکزی حکومت کے ساتھ ساتھ الیکشن کمیشن کو بھی ذمہ دار ٹھہرایا۔ عبداللہ نے کمیشن سے الیکشن نہ کرانے کی وجوہات بتانے کو کہا۔

علی گڑھ مسلم یونیورسٹی(فوٹو: پی ٹی آئی)

فلسطین کی حمایت میں مارچ نکالنے پر علی گڑھ مسلم یونیورسٹی کے چار طالبعلموں پر کیس

علی گڑھ مسلم یونیورسٹی میں کچھ طالبعلموں کی جانب سے 8 اکتوبر کی رات کو فلسطینیوں کی حمایت میں ایک مارچ نکالا گیا تھا۔ پولیس کا کہنا ہے کہ مظاہرین نے اپنے مارچ کے لیے کوئی پیشگی اجازت نہیں لی تھی۔ ایف آئی آر میں کہا گیا ہے کہ طالبعلموں نے ایک ‘دہشت گرد گروپ’ کی حمایت میں مارچ کیا تھا۔

(علامتی تصویر: پی ٹی آئی)

پانچ ریاستوں میں اسمبلی انتخابات کی تاریخوں کا اعلان، ووٹوں کی گنتی 3 دسمبر کو ہوگی

پانچ ریاستوں میں ہونے والے انتخابات کی تاریخوں کا اعلان کرتے ہوئے الیکشن کمیشن نے بتایا کہ ووٹنگ 7 نومبر سے شروع ہوگی۔ چھتیس گڑھ میں انتخابات دو مرحلوں میں 7 اور 17 نومبر کو ہوں گے، جبکہ میزورم میں 7 نومبر، مدھیہ پردیش میں 17 نومبر، راجستھان میں 23 نومبر اور تلنگانہ میں 30 نومبر کو انتخابات ہوں گے۔

راجستھان کے وزیر اعلی اشوک گہلوت۔ (تصویر بہ شکریہ: فیس بک)

راجستھان حکومت بھی بہار کی طرح ذات پر مبنی مردم شماری کرائے گی: اشوک گہلوت

راجستھان کے وزیر اعلیٰ اشوک گہلوت نے کہا کہ کانگریس لیڈر راہل گاندھی کے ذات پر مبنی سروے اور آبادی کے تناسب میں حصے داری کے تصور کو ریاست میں آگے بڑھایا جائے گا۔ انہوں نے کہا کہ اگر ہمیں پتہ ہو کہ کس ذات کی آبادی کتنی ہے تو ہم جان سکتے ہیں کہ ہمیں نے ان کے لیے کیا منصوبہ بندی کرنی ہے۔

نرگس محمدی (تصویر بہ شکریہ: Twitter/@NobelPrize/Reihane Tarvati)

جیل میں بند ایرانی کارکن نرگس محمدی نے امن کا نوبیل انعام جیتا

نرگس محمدی کو ایران میں خواتین پر ظلم و جبر کے خلاف جدوجہد کرنے اور سب کے لیے انسانی حقوق اور آزادی کو فروغ دینے کے لیے امن کا نوبیل انعام دیا گیا ہے۔ محمدی کو 13 بار گرفتار کیا گیا ہے، پانچ بار قصوروار ٹھہرایا گیا ہے اور مجموعی طور پر 31 سال قید اور 154 کوڑوں کی سزا سنائی گئی ہے۔

سینئر صحافی ارملیش۔ (تصویر: دی وائر)

ارملیش نے خبروں میں اپنے وکیل کے طور پر پہچانے گئے شخص کے دعووں کی تردید کی

نیوز کلک کے خلاف یو اے پی اے کے تحت درج ایف آئی آر کے سلسلے میں گزشتہ 3 اکتوبر کو اس سے وابستہ تمام لوگوں کے یہاں دہلی پولیس نے چھاپہ مار کر پوچھ گچھ کی تھی۔ ان میں سینئر صحافی ارملیش بھی شامل تھے۔ انہوں نے اب ان خبروں کی تردید کی ہے جس میں گورو یادو نام کے ایک شخص کو ان کا وکیل بتایا گیا ہے۔

علامتی تصویر. (تصویر: Ivan Lian/Flickr)

نیوز کلک کیس: دہلی پولیس کی ایف آئی آر میں چینی فرم شاؤمی، وی وو کا نام، نامعلوم وکیل کا ذکر

ایف آئی آر میں نیوز کلک کے ایڈیٹر پربیر پرکایستھ، گوتم نولکھا اور امریکی کاروباری نیول رائے سنگھم کے خلاف یو اے پی اے کی پانچ دفعات لگائی گئی ہیں۔ اس کے علاوہ، شاؤمی اور وی وو کی طرف سے ‘غیر قانونی فنڈنگ’ اور کسی ‘گوتم بھاٹیہ’ کے ذریعے ‘ان ٹیلی کام کمپنیوں کے’ قانونی معاملات میں دفاع’ کے بارے میں بات کی گئی ہے۔ کمپنیوں سے متعلق عدالتی ریکارڈ میں کسی گوتم بھاٹیہ کے وکیل ہونے کے شواہد نہیں ہیں۔

اجین شہر میں انتظامیہ نے بدھ کے روز ایک 12 سالہ لڑکی کے ساتھ ریپ کرنے والےملزم شخص کے گھر کو مسمار کر دیا۔ (تصویر بہ شکریہ: اے این آئی)

مدھیہ پردیش: اجین انتظامیہ نے نابالغ لڑکی کے ساتھ ریپ کرنے والے ملزم کے گھر کو مسمار کیا

گزشتہ 25 ستمبر کو ریپ کے بعد ستنا ضلع کی رہنے والی ایک 12 سالہ لڑکی کو زخمی حالت میں اجین کی سڑکوں پر گھومتے ہوئے اور مدد مانگتے ہوئے دیکھا گیا تھا۔ اس کے تین دن بعد اس سلسلے میں ایک آٹورکشہ ڈرائیور کو گرفتار کیا گیا تھا۔ حکام کا کہنا ہے کہ سرکاری زمین پر بنائے گئے ملزم کے ایک گھراور دکان کو مسمار کر دیا گیا ہے۔

پربیر پرکایستھ، نیوز کلک کے ڈائریکٹر اورمدیر۔ (بہ شکریہ: یوٹیوب اسکرین شاٹ)

دہلی پولیس نے نیوز کلک کے مدیر کی جانب سے ایف آئی آر کی کاپی فراہم کیے جانے سے متعلق عرضی کی مخالفت کی

نیوز کلک کے بانی اور مدیر پربیر پرکایستھ اور پورٹل کے ایچ آرہیڈ امت چکرورتی کو منگل کو یو اے پی اے کے تحت گرفتار کیا گیا تھا، لیکن پولیس نے ان کے وکیلوں کو ایف آئی آر کی کاپی دینے سے انکار کر دیا۔ اس کے بعد انہوں نے عدالت سے رجوع کیا ہے۔

(السٹریشن: پری پلب چکرورتی/ دی وائر)

اٹھارہ میڈیا آرگنائزیشن  نے سی جے آئی کو خط لکھ کر پریس کی آزادی پر حملے کے حوالے سے تشویش کا اظہار کیا

نیوز کلک کے صحافیوں اور اس سے وابستہ افراد کے یہاں چھاپے ماری، پوچھ گچھ اور گرفتاری کے بعد ملک بھر میں صحافیوں اور میڈیا آرگنائزیشن کی اٹھارہ تنظیموں نے ملک کے چیف جسٹس ڈی وائی چندر چوڑ کو ایک خط لکھ کر صحافیوں سے پوچھ گچھ اور فون وغیرہ ضبط کرنے کے لیے رہنما اصول تیار کرنے کی گزارش کی ہے۔

ارندھتی رائے۔ (تصویر: دی وائر)

صحافیوں کے یہاں چھاپے ماری پر ارندھتی رائے نے کہا — ایمرجنسی سے بھی زیادہ خطرناک صورتحال

معروف قلمکار اور کارکن ارندھتی رائے نے نیوز کلک سے وابستہ صحافیوں کے یہاں چھاپے ماری کے خلاف احتجاج کرتے ہوئے کہا کہ اگر 2024 میں بھارتیہ جنتا پارٹی دوبارہ اقتدار میں آتی ہے تو ملک میں جمہوریت کا نام ونشان نہیں رہے گا۔

پربیر پرکایستھ، نیوز کلک کے ڈائریکٹر اور ایڈیٹر۔ (بہ شکریہ: یوٹیوب اسکرین شاٹ)

نیوز کلک نے اپنے بیان میں کہا – ابھی تک نہیں ملی ایف آئی آر کی کاپی، جرائم کی تفصیلات بھی نہیں بتائی گئی

نیوز کلک نے اپنے صحافیوں اور عملے کے یہاں چھاپوں، پوچھ گچھ اور گرفتاریوں کے بعد جاری ایک بیان میں کہا ہے کہ وہ ایسی حکومت، جو پریس کی آزادی کا احترام نہیں کرتی اور تنقید کو غداری یا ‘اینٹی نیشنل’ یا پروپیگنڈہ سمجھتی ہے، اس کی اس کارروائی کی شدید مذمت کرتے ہیں۔

 (علامتی تصویر بہ شکریہ: Twitter/@airnews_ddn)

ملک کے 107 ایم پی اور ایم ایل اے کے خلاف ہیٹ اسپیچ کے معاملے درج: اے ڈی آر

اے ڈی آر اور نیشنل الیکشن واچ نے پچھلے پانچ سالوں میں ملک میں ہوئے اسمبلی اور لوک سبھا انتخابات میں ناکام امیدواروں کے علاوہ تمام موجودہ ایم پی اور ایم ایل اے کے حلف ناموں کا تجزیہ کیا ہے۔ اس کے مطابق ہیٹ اسپیچ سے متعلق اعلانیہ معاملوں میں 480 امیدوار ریاستی اسمبلیوں، لوک سبھا اور راجیہ سبھا کے انتخابات میں حصہ لے چکے ہیں۔

Students-Class-teacher-Pixabay

گجرات: اسکول میں طالبعلموں کی نماز کی ادائیگی کے خلاف احتجاج کے بعد حکومت نے تحقیقات کے حکم دیے

گجرات کے احمد آباد شہر کے ایک پرائیویٹ اسکول میں بیداری پروگرام کے تحت ہندو طلبا سے مبینہ طور پر نماز پڑھنے کے لیے کہے جانے کے بعد ہندو دائیں بازو کے کارکنوں نے احتجاج کیا تھا۔ اسکول نے معافی مانگتے ہوئے کہا ہے کہ اس پروگرام کا مقصد صرف طلبا کو مختلف مذاہب کے بارے میں بیدار کرنا تھا۔