عام انتخابات سے پہلےمرکزی حکومت نے سرکاری پٹرول پمپوں اور ایندھن کے خوردہ فروشوں سے فلاحی اسکیموں کے موجودہ ہورڈنگ اور بینر ہٹا کر نئے بینر لگانے کو کہا ہے، جن میں بی جے پی کا انتخابی نعرہ ‘مودی کی گارنٹی’ لکھا ہوا ہے۔ اس کے ساتھ ہی حکومت کی اجولا یوجنا کے استفادہ کنندگان کو سلنڈر دیتے ہوئے پی ایم کی تصویر بھی ہے۔
فیکٹ چیک: کئی چینلوں، صحافیوں اور بی جے پی لیڈروں کا دعویٰ ہے کہ این آئی اے ، ای ڈی اور پولیس کے مشترکہ چھاپے میں پاپولر فرنٹ آف انڈیا کے سو سے زیادہ لیڈروں کی گرفتاری کے خلاف پونے میں ہوئے ایک مظاہرے کے دوران’پاکستان زندہ باد’ کے نعرے لگائے گئے تھے۔تاہم تحقیقات سے معلوم ہوا کہ یہ دعویٰ غلط ہے۔
یہ معاملہ سیکر کا ہے۔ ڈرائیورکا کہنا ہے کہ ان کی داڑھی نوچی گئی، لات اور گھسے مارے گئے، جس سے ان کے دو سے تین دانت ٹوٹ گئے۔ ان کی بائیں آنکھ، گال اور سر پر چوٹیں آئی ہیں۔الزام ہے کہ ڈرائیورکو پاکستان بھیجنے کی دھمکی بھی دی گئی۔