لوک سبھا میں قائد حزب اختلاف راہل گاندھی نے بدھ کو حالیہ طلبہ تحریک میں شامل بعض نوجوان مظاہرین کے ساتھ میڈیا سے بات چیت کی۔ انہوں نے کہا کہ یہ طلبہ نہ تو تشدد کر رہے تھے، نہ ہی ان کا رویہ جارحانہ تھا اور نہ ہی وہ کسی کے ساتھ بدسلوکی کر رہے تھے۔ اس کے باوجود انہیں مارا پیٹا گیا اور دھمکیاں دی گئیں۔
دہلی پولیس جنتر منتر سے ملے کھانے کے ریپر اور پیکیجنگ کی بنیاد پر ان ریستورانوں اور کیفے تک پہنچ رہی ہے، جنہوں نے ایپ پر مبنی ڈیلیوری کے ذریعے مظاہرین کو کھانا بھیجا تھا۔ کئی ریستوران مالکان کا الزام ہے کہ پولیس افسران نے ان سے پوچھ گچھ کی کہ انہوں نے مظاہرین کی ’حمایت‘ کیوں کی اور ان کے آرڈر ریکارڈ بھی کھنگالے۔
مرکزی وزیر خزانہ نرملا سیتارمن کے پیپر لیک سے متعلق اس بیان پر اپوزیشن اور کاکروچ جنتا پارٹی (سی جے پی) نے شدید ردعمل ظاہر کیا ہے، جس میں انہوں نے کہا تھا کہ کچھ طلبہ نے پیپر لیک کے واقعہ سے فائدہ اٹھاتے ہوئے زیادہ محنت کی اور ان کی کارکردگی بہتر ہوئی۔ اپوزیشن نے اس بیان کو غیر حساس اور غیر ذمہ دارانہ قرار دیا ہے۔