مہاراشٹر: اسکول پروگرام میں ’پاکستانی گیت‘ بجانے کے الزام میں پرنسپل سمیت تین پر کیس درج
واقعہ جالنہ ضلع کا ہے، جہاں الزام لگایا گیا ہے کہ ایک اسکول نے اپنے سالانہ پروگرام میں پاکستانی موسیقی بجائی اور پیشکش کے دوران ایک پاکستانی شدت پسند کی تصویر بھی دکھائی گئی۔ تاہم، اسکول کے پرنسپل کا کہنا ہے کہ پروگرام میں بجائی گئی موسیقی پاکستانی نہیں تھی بلکہ مقبول ترکی ٹی وی سیریل ’ارطغرل غازی‘ کی تھی، اور دکھائی گئی تصویر بھی اسی سیریل کے ایک اداکار کی تھی۔