جج تبسم خان کو نشانہ بنایا جانا عدلیہ کی آزادی پر حملہ: ہائی کورٹ
مدھیہ پردیش کے نرمدا پورم کی ایڈیشنل ڈسٹرکٹ اینڈ سیشن جج تبسم خان نے گزشتہ دنوں لنچنگ کے ایک معاملے میں چودہ لوگوں کو عمر قید کی سزا سنائی تھی، جس کے بعد سے انہیں دھمکیاں دی جا رہی تھیں۔ ان کے خلاف پروپیگنڈے کا از خود نوٹس لیتے ہوئے مدھیہ پردیش ہائی کورٹ نے ریاستی حکومت سے پوچھا ہے کہ جج کے بارے میں نا زیبا تبصرے کرنے اور انہیں دھمکیاں دینے والوں کے خلاف اب تک کیا کارروائی کی گئی ہے۔
