ایک سرکاری افسر نے بتایا کہ سرکار اب پروفارما پر کرنے کی تاریخ بڑھانے کے حق میں نہیں ہے۔ایسے حالات میں تفصیلات مہیا نہ کرانے والے مدارس کے خلاف کارروائی کا امکان ہے۔
لکھنؤ:اترپردیش میں سرکاری پورٹل پراپنے بارے میں معلومات فراہم نہ کرنے والے تقریباً2600مدارس پر کارروائی کی تلوار لٹکتی نظر آرہی ہے۔سرکاری اطلاعات کے مطابق ریاست میں تقریباً 190ہزارایسے مدارس ہیں جنہیں کسی نہ کسی طریقے سے سرکاری امداد ملتی ہے۔سرکار نے ان مدرسوں سے پورٹل پر دیے گئے پروفارما کے تحت تفصیلات مہیا کرانے کو کہا تھا۔اس کے لیےمقررہ وقت میں دوبار توسیع بھی کی گئی،لیکن تقریباً 2600مدارس ایسے ہیں جنہوں نے تفصیلات پورٹل پر نہیں دی ہیں۔16ہزار سے زائد مدرسوں نے اپنی اپنی تفصیلات مہیا کرادی ہیں۔
ایک سرکاری افسر نے بتایا کہ سرکار اب پروفارما پر کرنے کی تاریخ بڑھانے کے حق میں نہیں ہے۔ایسے حالات میں تفصیلات مہیا نہ کرانے والے مدارس کے خلاف کارروائی کا امکان ہے۔دریں اثنا پورٹل میں دستیاب پروفارما پر تفصیلات نہ دینے والے ایک مدرسے کے منتظم نے بتایا کہ انہیں اس بارے میں ابھی تک کچھ معلوم ہی نہیں تھا۔اب معلوم ہوگیاہے،پروفارما جلد ہی پر کردیا جائے گا۔سرکاری ذرائع کے مطابق تفصیلات مہیا کرانے کی آخری تاریخ 15اکتوبر تھی۔
Categories: خبریں