’تم بہاری لوگ یہاں زمین لے رہے ہو‘: دہلی میں نوجوان کے قتل سے پہلے ملزم پولیس اہلکار نے کیا کہا تھا؟
گزشتہ ہفتے دہلی پولیس کی اسپیشل سیل کے ایک ہیڈ کانسٹبل نے مبینہ طور پر بہاری پہچان کو لے کر 22 سالہ ڈیلیوری بوائے پانڈو کمار کو گولی مار کر ہلاک کر دیا۔ حالیہ دنوں میں ہندوستان میں مذہب اور ذات پات کی بنیاد پر تشدد معمول بنتے جا رہے ہیں۔ اس میں علاقائی امتیاز پر مبنی تشدد کی خبریں بھی سامنے آتی رہی ہیں اور بہاری مہاجرین دہائیوں سے اس طرح کے تشدد کا نشانہ بنتے آئے ہیں۔
