ایئر مارشل ارجن سنگھ کا انتقال

وہ 1965 کی ہندو پاک جنگ کے دوران وہ ہندوستانی آرمی چیف تھے جس میں ہندوستان کی فتح میں ایئر فورس کا رول کافی اہم مانا جاتاہے ۔

نئی دہلی :  انڈین ایئر فورس کے مارشل ارجن سنگھ کا آج شام یہاں آرمی ریسرچ اینڈ ریفرل (آر آر) ہسپتال میں انتقال ہوگیا۔ وہ 98 سال کے تھے اورصبح دل کا دورہ پڑنے کے بعد انہیں ہسپتال میں داخل کرایا گیا تھا۔ وہ 1965 کی ہندو پاک جنگ کے دوران وہ ہندوستانی آرمی چیف تھے جس میں ہندوستان کی فتح میں ایئر فورس کا رول کافی اہم مانا جاتاہے ۔ وہ سوئٹزرلینڈ میں ہندوستان کے سفیر اور کینیا میں ہائی کمشنر تھے۔ انہیں 1965 کے جنگ میں شاندار قیادت کے لئے پدم وبھوشن سے نوازا گیا تھا۔

ان کی بیماری کے بارے میں معلومات حاصل کرنے کے بعد، وزیر اعظم نریندر مودی اوروزیر دفاع نرملاسیتارمن ہسپتال گئے اور ان کا حال چال پوچھا اور صحت مند ہونے کی آرزو کی۔ ارجن سنگھ کی پیدائش 15 اپریل 1919غیر منقسم پنجاب کے لائل پور (اب فیصل آباد، پاکستان) میں پیدا ہوئے تھے اور انہوں نے اپنی تعلیم مونٹگومیری سے مکمل کی تھی ۔ 1938 میں جب وہ کالج میں تھے تو صرف 19 برس کی عمر میں ان کا انتخاب رائل ایئر فورس كرین ویل میں ایمپائر پائلٹ ٹریننگ کورس کے لئے ہو گیا تھا اور ٹریننگ مکمل کرنے کے بعد انہوں نے ہندوستانی فضائیہ کی نمبر ون سکواڈرن کا 1944 میں اراكان مہم کے دوران قیادت کی تھی۔

 انہیں 1944میں اسکواڈرن لیڈر کے طور پر ترقی ملی۔ امپھال مہم بعد میں برما کے رنگون میں اتحادی ممالک کی فورسز کی مہم میں انہوں نے حصہ لیا۔ ان کی بہترین قیادت کے پیش نظر انہیں 1944 میں باوقار فلائنگ کراس سے نوازا گیا۔ 15 اگست 1947ء کو انہوں نے لال قلعہ کے اوپر پر 100 سے زائد طیاروں کے فلائی پاسٹ کی قیادت کی جو اپنے آپ میں ایک خاص اعزاز تھا۔ ملک کی آزادی کے بعد انهوں نے گروپ کیپٹن کے طور پر امبالا ایئر اسٹیشن کی کمان سنبھالی اور 1949 میں ایئر كوموڈور کی رینک پر ترقی ہونے کے بعد وہ آپریشن کمانڈ کے ایئر کمانڈنگ آفیسر مقررکئے گئے جو بعد میں مغربی فضائی کمان کے نام سے جانی گئی ۔

 وہ جولائی 1969 میں ریٹائرڈ ہوگئے اور اس کے بعد انہیں سوئٹزرلینڈ میں ہندوستان کا سفیر مقرر کیا گیا۔ ان کی خصوصی خدمات کے پیش نظر حکومت نے انہیں جنوری 2002 میں مارشل آف دی ایئر فورس اعزاز سے نوازا گیا جو ہندوستانی ایئر فورس کے پہلے پانچ ستارہ رینک کے آفیسر کا درجہ ہے۔ ہندوستانی ایئر فورس نے 2016 میں مغربی بنگال کے پانا گڑھ ایئرا سٹیشن کا نام کے اعزاز کے طور پر ایئر فورس اسٹیشن ارجن سنگھ رکھا تھا ۔ ان کی وفات ہندوستانی فضائیہ شاندار دور خاتمہ ہوگیا اور وہ آنے والی نسلوں کے لئے موجب تحریک بنے رہیں گے۔