ہندوستان کے جو پانچ کھلاڑی آئی سی سی ہال آف فیم میں شامل ہیں ان میں بشن سنگھ بیدی، سنیل گواسکر، کپل دیو، انل کمبلے اور راہل دراوڑ کے نام شامل ہیں۔یہ جاننا بہت دلچسپ ہے کہ ہندوستان کے جس سچن تندولکر کے نام دنیا بھر کے ریکارڈ ہیں اور جس سچن کو پوری دنیا ایک عظیم کرکٹر مانتی ہے وہ اس فہرست میں شامل نہیں ہیں۔
نیدر لینڈ کا عالمی کپ ہاکی میں چوتھا خطاب جیتنے کا سپنا اس وقت ٹوٹ گیا جب فائنل میں بلجیم نے اسے ہرا دیا۔بلجیم کے لئے خاص بات یہ رہی کہ وہ پہلی بار فائنل میں پہنچی اور خطاب حاصل کرنے میں کامیابی حاصل کی یعنی دنیا کو بلجیم کی شکل میں ایک نیا عالمی فاتح ملا۔
سابق ہاکی کھلاڑی سندیپ مائیکل کا بنگلور میں بیماری کی وجہ سے انتقال ہوگیا۔2003میں جب ہندوستانی ٹیم نے جونئیر ایشیا کپ جیتا تھا تو سندیپ ہی ہندوستان کے کپتان تھے۔