گزشتہ 13ستمبر کو کوچی میں صحافی اور کارکنوں نے مئی میں مہاراشٹر اے ٹی ایس کے ذریعےگرفتار کیے گئے صحافی رجاز ایم شیبا صدیقی کی رہائی کا مطالبہ کرتے ہوئے ایک بیٹھک کی تھی۔ اب کیرالہ پولیس نے منتظمین اور مقررین کے خلاف غیر قانونی اجتماع اور پولیس کی ڈیوٹی میں رکاوٹ ڈالنے کے الزامات میں ایف آئی آر درج کی ہے۔
کبھی مزاحمت کی توانا آواز تصور کیے جانے والے فیض احمد فیض کا ‘ہم دیکھیں گے’گانے پر اب سیڈیشن کا مقدمہ چلایا جا رہا ہے۔گزشتہ ہفتےایکٹوسٹ ویرا ساتھیدار کی یاد میں منعقد ایک تقریب میں اس نظم کی پیشکش پر ناگپور پولیس نے منتظمین اور مقررین کے خلاف سیڈیشن کا مقدمہ درج کیا ہے۔
سات مئی کو ناگپور پولیس نے کیرالہ سےتعلق رکھنے والے 26 سالہ صحافی رجاز ایم شیبا صدیق کو آپریشن سیندور کے خلاف احتجاج کرنے پر گرفتار کیا۔ تین بار پولیس ریمانڈ میں لیے جانے کے بعد، ان کی حراست کی وجوہات مسلسل بدلتی رہی ہیں۔ان پر کمیونسٹ پارٹی آف انڈیا (ماؤسٹ)، جموں کشمیر لبریشن فرنٹ (جے کے ایل ایف) اور حزب المجاہدین سمیت متعدد کالعدم تنظیموں کے ساتھ مبینہ روابط کا الزام عائد کیا گیاہے۔