مرنے والوں میں 11عورتیں شامل،دیر رات ہوئے حادثے میں 21لوگ شدید طور پرزخمی
فوٹو : پی ٹی آئی
نئی دہلی: ممبئی کے کملا ملز کمپاؤنڈ میں واقع ریسٹورنٹ میں دیر رات آگ لگنے سے کم از کم 15 لوگوں کی موت ہو گئی اور 21لوگ شدید طور پر زخمی ہو گئے۔سرکاری ذرائع کے مطابق محکمہ فائر بریگیڈ کو تقریباً رات ساڑھے 12 بجے کملا ملز کمپاؤنڈ کےبار اینڈ ریسٹورنٹ میں آگ لگنے کی اطلاع ملی۔ آگ 30 منٹ کے اندر اندر پورے ریسٹورنٹ میں پھیل گئی۔ محکمہ فائر بریگیڈ کے اہلکاروں نے موقع پر پہنچ کر آگ پر قابو پا لیا۔آگ میں جھلسے لوگوں کواسپتال میں داخل کرایا گیا ہے۔
انڈیا ٹوڈے ویب سائٹ کی رپورٹ کے مطابق کملا ملز احاطے میں بنے روف ٹاپ پر ریستوراں میں ایک 29سالہ خوشبو مہتہ کا برتھ ڈے منایا جارہا تھا ۔اس حادثے میں اس کی بھی موت ہوگئی۔مہاراشٹر کے وزیر اعلیٰ دیویندر فڈنویس نے اپنے ٹوئٹ میں رنج و غم کا اظہار کیا ہے؛
Disturbing to know about the loss of lives in unfortunate #KamalaMills fire incident in Mumbai.
My thoughts are with the families who lost their loved ones and prayers for the speedy recovery of the injured.
Directed the BMC Commissioner to conduct an in-depth enquiry.— Devendra Fadnavis (@Dev_Fadnavis) December 29, 2017
محکمہ فائر بریگیڈ کے مطابق مارے گئے لوگوں میں 11 خواتین شامل ہیں جو ریسٹورنٹ کی چھت پر پارٹی میں شامل ہونے کے لئے گئی تھیں۔ آگ لگنے کی وجوہات کا ابھی تک پتہ نہیں چل پایا ہے۔کملا ملز کمپاؤنڈ میں جدید صنعتی کیمپس ، ریسٹورنٹ، تجارتی کمپلیکس کے علاوہ کئی میڈیا اداروں کے دفتر واقع ہیں۔
Anguished by the fire in Mumbai. My thoughts are with the bereaved families in this hour of grief. I pray that those injured recover quickly: PM @narendramodi
— PMO India (@PMOIndia) December 29, 2017
دریں اثنا وزیر اعظم نریندر مودی نے ممبئی کے کملا ملز کمپاؤنڈ کے ریسٹورنٹ میں لگی آگ میں بہت سے لوگوں کے مرنے پر غم کا اظہار کیا ہے اور متاثرہ خاندانوں کے تئیں ہمدردی ظاہر کی ہے۔مسٹر مودی نے آج کہا کہ ’’ممبئی میں آتشزدگی کے واقعہ سے میں غمزدہ ہوں۔ دکھ کی اس گھڑی میں میری ہمدردی متاثرہ خاندانوں کے ساتھ ہے۔میں زخمیوں کی جلد صحتیابی کیلئے دعا گو ہوں‘‘۔اس معاملے میں مہاراشٹر حکومت نے 5لوگوں کو برخاست کردیاہے،حکومت اس سلسلے میں سخت قدم اٹھانے کے کی بات کر رہی ہے؛
5officials have been already suspended but beyond that if they or owners are found responsible for loss of lives,they will be booked under IPC.Guilty won’t be spared.
Ordered for safety audit of all such structures immediately&demolish illegal ones:CM @Dev_Fadnavis at #KamlaMills pic.twitter.com/T5mG8aK4ZW— CMO Maharashtra (@CMOMaharashtra) December 29, 2017
(خبر رساں ایجنسی بھاشا اور یواین آئی اردو کے ان پٹ کے ساتھ)
Categories: خبریں