2015 میں دہشت گرد تنظیم آئی ایس آئی ایس نے ان تمام ہندوستانیوں کو عراق کے موصل شہر سے اغوا کر لیا تھا۔
وزیر خارجہ سشما سوراج۔ (فوٹو : رائٹرس)
نئی دہلی : وزیر خارجہ سشما سوراج نے منگل کو بتایا کہ عراق میں سال 2015 میں دہشت گرد تنظیم آئی ایس آئی ایس کے ذریعے اغوا کیے گئے39 ہندوستانی مارے گئے۔راجیہ سبھا میں سشما سوراج نے اپنی طرف سے دئے گئے ایک بیان میں بتایا کہ جون 2015 میں عراق کے موصل شہر میں دہشت گرد تنظیم آئی ایس آئی ایس نے کم سے کم 40 ہندوستانیوں کا اغوا کیا تھا۔ ان میں سے ایک شخص خود کو بنگلہ دیش سے آیا ہوا مسلم بتا کر بچ نکلا۔ باقی 39 ہندوستانیوں کو بدوش لے جا کر مار ڈالا گیا۔
انہوں نے بتایا کہ اغوا شدہ ہندوستانیوں کو بدوش شہر لے جائے جانے کے بارے میں جانکاری اس کمپنی سے ملی جہاں یہ ہندوستانی کام کرتے تھے۔سشما نے بتایا کہ وزیرمملکت برائے امورِ خارجہ وی کے سنگھ نے عراق میں ہندوستانی سفیر اور عراق حکومت کے ایک افسر کے ساتھ بدوش شہر جا کر جب اغوا شدہ ہندوستانیوں کی کھوج شروع کی تب وہاں کے مقامی لوگوں نے بتایا کہ آئی ایس آئی ایس دہشت گردوں نے کچھ لاش دفنائے ہیں۔
وزیر خارجہ نے بتایا کہ ‘ ڈیپ پینٹریشن رڈار ‘ کی مدد سے پتا لگایا گیا کہ جس گڈھے میں لاشوں کو دفنائے جانے کی بات کہی جا رہی ہے، اس میں سچ مچ کیا ہے۔ رڈار سے تفتیش کرنے پر پتا چلا کہ گڈھے میں لاش ہیں۔سشما نے بتایا کہ ہندوستانی افسروں نے اپنے عراقی ہم منصب سے لاش کھودکر نکالنے کی التجا کی۔ کھدائی کرنے پر پورے 39 لاش ملے۔ ساتھ ہی کچھ شناختی کارڈ ، کڑا، لمبے بال اور ایسے جوتے ملے جو عراقی نہیں تھے۔ ان لاشوں کو ڈی این اے جانچکے لئے بغداد بھیجا گیا۔
وزیر خارجہ نے بتایا کہ بغداد میں مارٹائرس فاؤنڈیشن سے ان لاشوں کی ڈی این اے جانچ کرنے کی التجا کی گئی ہے۔ تفتیش میں 38 ہندوستانیوں کا ڈی این اے میچ ہو گیا جبکہ 39 واں لاش کا ڈی این اے اس کے قریبی رشتہ داروں کے ڈی این اے سے 70 فیصدی میچ ہو گیا ہے۔انہوں نے بتایا کہ وزیرمملکت برائے امورِ خارجہ وی کے سنگھ ان لاشوں کو واپس ہندوستان لانے کے لئے عراق جائیںگے۔
Categories: خبریں