پیسا قانون منظور ہونے کے دو دہائی بعد بھی جھارکھنڈ میں یہ ایک خواب محض ہے۔ ریاست کے 24 میں سے 13 ضلع مکمل طور پر اور تین ضلعوں کا کچھ حصہ درج فہرست علاقہ ہے، لیکن ابھی تک ریاست میں پیسا ریگولیشن تک نہیں بنایا گیا ہے۔
(علامتی فوٹو : پی ٹی آئی)
لمبی عوامی جدو جہد کے بعد 1996 میں ملک میں پیسانافذ ہوا۔اس قانون کے مطابق، 5th شیڈول کے تحت علاقوں میں پنچایتی راج کو قبائلی کمیونٹی کے گاؤں، سماج، روایتی خودمختاریت اور تہذیب کے مطابق نافذ کیا جانا ہے۔ 5th شیڈول آدیواسیوں کے خودمختار نظام کے تحفظ اور ان کی سماجی، اقتصادی اور سیاسی ترقی کے لئے آئینی ڈھانچہ دیتی ہے۔پیسا واضح طور پر کہتا ہے کہ آدیواسی کمیونٹی کی سمجھ اور روایت کے مطابق ‘ گاؤں ‘ کی توسیع ہونی ہے۔ گاؤں کا گرام سبھا، جس میں گاؤں کے تمام رائےدہندگان ممبر ہوںگے، ہی عمومی جائیدادوں جیسے پانی، جنگل، زمین وغیرہ کا مالک ہوگی۔ گاؤں میں کسی بھی طرح کے ترقی کا کام گرام سبھا کی اجازت سے ہی کیا جائےگا۔ گرام سبھا کا فیصلہ اوراس کی رائے سب سے اوپر ہو گی۔
قانون منظور ہونے کے دو دہائی بعد بھی جھارکھنڈ میں پیسا ایک خواب محض ہے۔ ریاست کے 24 میں سے 13 ضلع مکمل طور پر اور تین ضلعوں کا کچھ حصہ درج فہرست علاقہ ہے، لیکن ابھی تک جھارکھنڈ کے لئے پیسا کا ریگولیشن تک نہیں بنایا گیا ہے۔ریاست میں پنچایتی راج کی حالت بھی اچھی نہیں ہے۔ 2010 میں 32 سالوں بعد پنچایتی راج حکومتیں (گرام پنچایت، پنچایت کمیٹی اور ضلع کونسل) منتخب ہوئیں۔ لیکن، تقریباً ایک دہائی بعد بھی وہ اقتدار کی عدم مرکزیت کے انتظار میں ہیں۔2014 میں ریاست کے اسمبلی انتخاب میں بھارتیہ جنتا پارٹی (بی جے پی) نے اپنے عوامی منشور (جن گھوش)میں وعدہ کیا تھا کہ اس کی حکومت روایتی خودمختار نظام کو مضبوط کرےگی اور پنچایتی راج اداروں کو کافی مالی اور انتظامی حق دےگی۔
لیکن، وزیراعلیٰ رگھوورداس کی قیادت میں بنی بی جے پی حکومت نے اس دعویٰ کے برخلاف ایسے کئی فیصلہ لئے ہیں جن سے دونوں خودمختار نظام بےمعنی ہونے سےہیں۔ حال ہی میں ریاستی حکومت نے ہر درج فہرست گاؤں میں آدیواسی ترقی کمیٹی اور غیر-درج فہرست گاؤں میں دیہی ترقی کمیٹی کی تشکیل کا فیصلہ لیا ہے۔ گاؤں میں فیملی کی تعداد کے مطابق ان کمیٹیوں میں 9 یا 11 ممبر رہیںگے۔ 18 سے 35 سال کے جوان ان کمیٹیوں کے سکریٹری ہوںگے۔
گاؤں کے روایتی سربراہ (منڈا، ماجھی وغیرہ) اور گرام پنچایت مکھیا ان کمیٹیوں کے خصوصی طور پرمدعو ممبر ہوںگے۔ ان کمیٹیوں کی تشکیل پنچایت سکریٹری کے ذریعے بلائے گئے گاؤں کی ایک خاص ‘ عام جلسہ ‘ میں کیا جانا ہے۔ حالانکہ، قرارداد میں ‘ عام جلسہ ‘ کی تشریح نہیں کی گئی ہے۔ انتخابی عمل کی تفصیل سے ایسا معلوم ہوتا ہے کہ یہ گاؤں کے لوگوں کی ایک اجلاس محض ہے جس کا کسی قسم کا کورم نہیں ہے۔ یہ کمیٹیاں پانچ لاکھ روپے تک کی اسکیموں جیسے کنواں، تالاب وغیرہ کا انتخاب اور تکمیل کریںگی۔
یہ پالیسی پیسا قانون اور جھارکھنڈ پنچایتی راج قانون کی سیدھی خلاف ورزی ہے۔ پیسا کے مطابق، اسکیموں کا انتخاب گرام سبھا کو ہی کرنا ہے۔ کسی بھی قسم کے سرکاری پروگرام کی رقم کا کنٹرول بھی گرام پنچایت اور گرام سبھا کے تحت ہونا ہے۔یہ بھی غور کرنے کی بات ہے کہ جھارکھنڈ پنچایتی راج قانون میں گاؤں کی سطح پر گرام سبھا، نہ کہ ‘ عام جلسہ ‘، کا اہتمام ہے۔ غیردرج فہرست گاؤں میں بھی اسکیموں کا انتخاب گرام سبھا کو کرنا ہے اور دیہی ترقی سے متعلق اسکیموں کی تعمیل گرام پنچایت کے حوالے ہے۔
وزیراعلیٰ کا منشا ہے کہ منریگا اور 14 ویں مالی کمیشن کی سفارش کے مطابق ملنے والی رقم کی تعمیل بھی ان کمیٹیوں کے ذریعے ہو۔ منریگا قانون کے مطابق کم سے کم 50 فیصد رقم گرام پنچایت کے ذریعے خرچ ہونی ہے۔ 14 ویں مالی کمیشن کی سفارش مطابق ملنے والی مکمل رقم کی تعمیل گرام پنچایت کو کرنا ہے۔لیکن، وزیراعلی کے دباؤ میں دیہی ترقی محکمہ منریگا قانون اور 14 ویں مالی کمیشن کی آئینی سفارش میں ترمیم تک کی بات سوچ رہا ہے۔
دیہی ترقی محکمہ کے سکریٹری کا منریگا اور 14 ویں مالی کمیشن کی سفارش میں ترمیم کے لئے خط
ایک طرف وزیراعلیٰ یہ ڈھنڈورا پیٹ رہے ہیں کہ اب اسکیموں کا ریگولیشن گاؤں والوں کے ذریعے ہی ہوگی، نہ کہ افسروں اور ثالثوں کے ذریعے۔ وہیں، دوسری طرف حکومت نے بلاک ترقیاتی افسر کو ان کمیٹیوں کا مالی اور انتظامی کنٹرول دیا ہے۔پہلے بھی جھارکھنڈ میں کئی سرکاری منصوبوں، جیسے-جھارکھنڈ آدیواسی ترقی منصوبہ، قبائلی ذیلی منصوبہ کے تحت میسو منصوبہ وغیرہ، کی تعمیل متعلقہ گاؤں میں پروگرام کے لئے چنی گئی کمیٹیوں کے ذریعے کیا گیا ہے۔ یہ اکثر دیکھا گیا ہے کہ گاؤں کے دو-تین اثر ورسوخ والے لوگوں کو کمیٹی کا ممبر بنایا جاتا ہے جو سارا کام خود ٹھیکےدار کے طور پر کرواتے ہیں۔ ایسی حالت میں گرام سبھا کی خدمات نہ کے برابر ہوتی ہے۔
یہ سوچنے کی ضرورت ہے کہ حکومت انتخاب کے ایک سال پہلے ریاست کے سب گاؤں میں ایسی کمیٹیاں کیوں بنا رہی ہے؟حال ہی میں وزیراعلیٰ نے بی جے پی کے صوبائی کانفرنس میں کارکنوں کو ہدایت دی کہ وہ اپنے گاؤں میں ان کمیٹیوں کی تشکیل کروائیں۔ انہوں نے یہ بھی یقین دہانی کروائی کہ بی جے پی کے کارکنان کے ذریعے تشکیل شدہ کمیٹیوں کو انتظامیہ منظوری دے گی۔ اس لئے، اس امکان کو مسترد نہیں جا سکتا کہ اب انتظامیہ کی مدد سے ہر گاؤں میں کچھ ٹھیکے دار بنیںگے، جو بی جے پی کو انتخاب جیتنے میں مدد کریںگے۔
اس حقیقت سے بھی کنارہ نہیں کیا جا سکتا ہے کہ اس پالیسی سے گرام سبھائیں کمزور ہو سکتی ہیں۔پچھلے دو سالوں میں جھارکھنڈ حکومت نے حصول اراضی کے لئے گرام سبھاؤں کی رضامندی کی ضرورت کو کمزور کرنے کے لئے سی این ٹی-ایس پی ٹی قانون اور حصول اراضی قانون میں ترمیم کرنے کی کئی کوششیں کی ہیں۔ گرام سبھاؤں اور گاؤں والوں کے ذریعے ان کوششوں کی کڑی مخالفت ہوئی ہے۔اس لئے،اگر آدیواسیوں کی زمین ان کی مرضی کے خلاف حاصل کرنی ہے، تو کمزور گرام سبھائیں حکومت کے لئے مدد گار ثابت ہوںگی۔
گرام پنچایت مکھیا، پردھان اور عوامی تنظیم حکومت کی قبائلی / گرام ترقی کمیٹی کی پالیسی کی مخالفت کرنے کے لئے مظاہرہ، پریس ریلیز وغیرہ ذرائع کا سہارا لے رہے ہیں، لیکن حکومت اپنی ہی دھن میں چل رہی ہے۔یہ ریاستی حکومت کی خودمختارنظام مخالف پالیسیوں کی ایک مثال محض ہے۔ 2016 میں ہرایک گرام پنچایت کے چار 18 سے 35 سالہ باشندوں کو ‘ پنچایت سیوک ‘ کے طور پر تقرر ی ہوئی۔ حالانکہ، حکومت یہ دعویٰ کرتی ہے کہ ‘ سیوک ‘ نے گرام پنچایت کو مضبوط کیا ہے، لیکن زمینی حقیقت کچھ اور بتاتی ہے۔ زیادہ تر ‘سیوک ‘ بلاک ترقیاتی افسرکے احکام پر کام کرتے ہیں، نہ کہ پنچایت کے ماتحت۔اب انتظامیہ ان سے ہی اسکیموں کا انتخاب وغیرہ کروا رہی ہے، جس سے گرام سبھاؤں اور عوام کے ذریعے منتخب وارڈ ممبروں کے کردار نہ کے برابر ہو گیا ہے۔
سرکاری ذرائع کے مطابق، وزیراعلیٰ دفتر نے خود خدمتگاروں کی فہرست منظور کی تھی۔ حکومت کی اسپیشل برانچ نے امید واروں کے ذریعے دی گئی جانکاری کی تصدیق کے لئے متعلقہ مکھیاؤں سے رابطہ کیا تھا۔ تصدیق کے ساتھ ساتھ ان سے یہ بھی پوچھا تھا کہ کیا امید وار کسی سیاسی جماعت سے جڑے ہیں؟ کئی مکھیاؤں کا کہنا ہے کہ اپوزیشن جماعتوں سے جڑے امید وار کی تقرری نہیں کی گئی۔بی جے پی شروعاتی دنوں سے ہی ایڈمنسٹریشن کو پارٹی کی توسیع کے لئے استعمال کرنے کی کوشش کر رہی ہے۔ اس کی ایک عمدہ مثال ہے مرکزی حکومت کے بیس نکاتی پروگرام کی نگرانی کے لئے بلاک، ضلعی اور ریاستی سطحوں پر تشکیل شدہ نگرانی کمیٹیاں۔
1975 سے چلے آ رہے بیس نکاتی پروگرام میں مرکزی حکومت سماجی و اقتصادی ترقی پر مرکوز 20 معیارات (غریبی کا خاتمہ، غذائی تحفظ وغیرہ) کی بنیاد پر مختلف اسکیموں کا تجزیہ اور نگرانی کرتی ہے۔ مرکزی حکومت کی نگرانی کمیٹی کی تشکیل سے متعلق گائیڈلائنکے مطابق ریاست، ضلع اور بلاک سطحوں پر تشکیل شدہ کمیٹیوں میں عوامی نمائندہ (رکن پارلیامان، ایم ایل اے، پنچایتی راج نمائندہ)غیر-سرکاری اداروں کے نمائندے اور اہلکار ممبر ہونے ہیں۔
(علامتی فوٹو : رائٹرس)
مثال کے لئے، بلاک سطح کی کمیٹی علاقے کے سب سے سینئر ایم ایل اے کی صدارت میں تشکیل ہونی ہے جس میں تمام مقامی رکن پارلیامان، ایم ایل اے، پنچایت کمیٹی سربراہ، غیر-سرکاری اداروں کے نمائندے اور مقامی اہلکار ممبر ہوںگے۔2016 میں جھارکھنڈ حکومت نے بیس نکاتی کمیٹیوں کی تشکیل کی۔ بلاک کمیٹی کی صدارت اور ضلع کمیٹی کی نائب صدارت بی جے پی کے مقامی صدور کو دے دی گئی۔
ساتھ ہی، بڑے پیمانے پر پارٹی کے کارکنوں کو کمیٹیوں کا ممبر بنایا گیا۔یہاں تک کہ ریاستی سطح سے ہی اسکیم معاون مالی محکمے نے مقامی انتظامیہ کو تمام ضلعوں اور بلاکوں کی کمیٹیوں کی فہرست ان کے ممبروں کی تفصیل کے ساتھ بھیج دی تھی۔ ان کمیٹیوں کے ذریعے دیہی ترقی کی مختلف اسکیموں کے سودمند انتخاب اور ریگولیشن میں مداخلت کی خبریں بھی سننے کو ملتی ہیں۔
یہ غور کرنے کی ضرورت ہے کہ بلاک سطح پر گاؤں والوں کے ذریعے منتخب حکومت پنچایت کمیٹی ہے جس کے تحت بلاک انتظامیہ کو کام کرنا ہے۔ لیکن، انتظامی اہلکاروں کی پنچایت کمیٹی کے تئیں کوئی جوابدہی نہیں دکھتی ہے۔ حکومت کے ذریعے اس جانب کسی قسم کی پہل بھی نہیں کی گئی ہے۔ریاستی حکومت نے جھارکھنڈ کے خودمختارنظام کے اصل مدعوں، جیسے پنچایتی راج قانون اور پیسا میں داخلی انتشار کو حل کرنا، پیسا ریگولیشن بنانا، پنچایتی راج حکومتوں کو آئینی ڈھانچے کے مطابق مختلف محکمہ جات کا مالی اور انتظامی کنٹرول منتقل کرنا، ریاستی مالی کمیشن کی تشکیل کرنا وغیرہ، پر کسی قسم کی پہل نہیں کی ہے۔رگھوور داس حکومت کی ایسی پالیسیاں اور رویہ شاید کسی سے چھپا نہیں ہے۔ سوال یہ ہے کہ کیا 2019 کے انتخاب میں بی جے پی کو سرکاری عملے کی مدد سے ہوئی توسیع سے فائدہ ملےگا؟یا پھر اس کو لوگوں کے خودمختار نظام پر لگاتار حملہ کرنے کے لئے جواب ملےگا؟
(مضمون نگار سماجی کارکن ہیں اور جھارکھنڈ میں رہتے ہیں۔ )
Categories: فکر و نظر