لوک سبھا کے سابق اسپیکر سومناتھ چٹرجی کا انتقال

سومناتھ چٹرجی 10بار لوک سبھا ممبر رہے ۔ حالاں کہ ایک بار انہیں ممتا بنرجی سے شکست کا سامنا کر ناپڑا تھا۔ چٹرجی کمیونسٹ پارٹی آف انڈیا(مارکسسٹ)کےپولت بیورو بھی رہے۔

سومناتھ چٹرجی ،فوٹو: پی ٹی آئی

نئی دہلی : لوک سبھا کے سابق اسپیکر سومناتھ چٹرجی کا سوموار کو انتقال ہوگیا ۔ وہ 89سال کے تھے ۔ خبر رساں ایجنسی اے این آئی کے مطابق چٹرجی نے کولکاتہ کے ایک ہاسپٹل میں اپنی آخری سانسیں لیں ۔سومناتھ چٹرجی نے مغربی بنگال کے الگ الگ حلقوں سے 10بار لوک سبھا الیکشن میں جیت حاصل کی ۔ایک بار ان کو مغربی بنگال کی وزیر اعلیٰ ممتا بنرجی سے شکست کا سامنا کرنا پڑا۔گزشتہ مہینے سابق لوک سبھا اسپیکرکو ہاسپٹل میں بھرتی کرایا گیا تھا۔ اتوار کو سومناتھ چٹرجی کو دل کا دورہ پڑنے کی وجہ سے ان کی حالت زیادہ نازک ہوگئی جس کے بعد ان کو وینٹی لیٹر پر رکھا گیا تھا ۔ چٹرجی گردے سے متعلق عارضے سے جوجھ رہے تھے ۔

Former Lok Sabha Speaker Somnath Chatterjee dies at 89

Read @ANI Story | https://t.co/f8uGM644cR pic.twitter.com/D3HP6cQPOa

— ANI Digital (@ani_digital) August 13, 2018

ایک سینئر افسر نے کہا کہ ؛ گزشتہ 40 دنوں سے چٹرجی کا علاج چل رہا تھا ۔ وہ 2004سے 2009کے بیچ لوک سبھا کے اسپیکر رہے تھے ۔حالاں کہ جب ان کی پارٹی نے یوپی اے ون کی حکومت سے حمایت واپس لے لی تھی تو ان سے لوک سبھا اسپیکر کے عہدے سے استعفی دینے کا مطالبہ کیا گیا تھا۔انہوں نے اس سے انکار کردیا تھا ۔جس کی وجہ سے 2008میں ان کو کمیونسٹ پارٹی آف انڈیا(مارکسسٹ)سے نکال دیا گیا تھا۔ ہند امریکی جوہری معاہدے ایکٹ کی مخالفت میں سی پی ایم نے اس وقت کی منموہن حکومت سے حمایت واپس لے لی تھی ۔ چٹرجی 1968میں سی پی ایممیں شامل ہوئے تھے۔

غورطلب ہے کہ وہ پہلے کمیونسٹ تھے جنہوں نے اسپیکر کا عہدہ سنبھالا تھا۔چٹرجی تیز پور آسام میں پیدا ہوئے ۔پسماندگان میں ان کی اہلیہ رینو اور ایک بیٹے اور دو بیٹیا ں ہیں ۔چٹرجی کے انتقال پر کئی پارٹیوں کے لیڈروں نے اپنے رنج و غم کا اظہار کیا ہے ۔ وزیر اعظم نریندر مودی نے ٹوئٹ کر کے کہا ہے کہ سابق رکن پارلیامان اور اسپیکر سومناتھ چٹرجی ہندوستانی سیاست میں ایک مضبوط رکن تھے ۔ انہوں نے ہماری پارلیامانی جمہوریت کو مستحکم بنیا اور وہ غریبوں اور کمزور لوگوں کی فلا ح و بہبود کے لیے ایک توانا آواز تھے ۔ ان کے انتقال سے مجھے صدمہ پہنچا ہے ۔

Former MP & Speaker Shri #SomnathChatterjee was a stalwart of Indian politics. He made our Parliamentary democracy richer & was a strong voice for well-being of the poor & vulnerable. Anguished by his demise. My thoughts are with his family & supporters, tweets PM Modi.(File pic) pic.twitter.com/2qh41pE0cP

— ANI (@ANI) August 13, 2018

صدر جمہوریہ رام ناتھ کووند نے اپنے تعزیتی پیغام میں کہا ہے کہ سومناتھ چٹرجی کے انتقال کی خبر سن کو صدمے میں ہوں ۔ یہ ہندوستان اور بنگال میں عام لوگوں کا بڑا نقصان ہے ۔

I mourn the passing away of Shri Somnath Chatterjee, 10 term MP and former Speaker of the Lok Sabha. He was an institution. Greatly respected and admired by all parliamentarians, across party lines. My condolences to his family at this time of grief. #SomnathChatterjee

— Rahul Gandhi (@RahulGandhi) August 13, 2018

کانگریس صدر راہل گاندھی نے بھی چٹرجی کے انتقال پر ٹوئٹ کر کے کہا ہے کہ 10بار لوک سبھا اپیکر رہے سومناتھ چٹرجی کے انتقال پر میں اظہار تعزیت کرتا ہوں ۔ وہ بذات خود ایک ادارہ تھے ۔ تمام پارٹیوں کے رکب پارلیامان ان کا احترام کرتے تھے ۔