نائب وزیر اعلیٰ سشیل مودی نے ریکھا مودی کو دور کی چچا زاد بہن بتاتے ہوئے کہا کہ ان کے ساتھ ان کا کوئی تجارتی یا اقتصادی رشتہ نہیں ہے ۔ وہیں تیجسوی یادو کا الزام ہے کہ مودی نے ہی سرجن این جی او سے اپنی بہن کے اکاؤنٹ میں کروڑوں ٹرانسفر کروائے تھے۔
بہا رکے نائب وزیر اعلیٰ سشیل مودی،فوٹو: پی ٹی آئی
نئی دہلی : انکم ٹیکس محکمے نے کروڑوں روپے کے سرجن گھوٹالے معاملے میں جمعرات کو بہا رکے نائب وزیر اعلیٰ سشیل کمار مودی کی بہن ریکھا مودی کے پٹنہ واقع رہائش گاہ پر چھاپے ماری کی ۔سرکاری ذرائع نے بتایا کہ پولیس اہلکاروں کے ساتھ انکم ٹیکس افسران نےدوپہر کے وقت ریکھا مودی کے ایس پی ورما روڈ پر واقع رہائش گاہ پر چھاپے ماری کی۔ذرائع نے بتایا کہ بھاگلپور جہاں سے سرجن گھوٹالہ جڑا ہے ،میں بھی کچھ مقامات پر انکم ٹیکس محکمے کی ٹیم نے چھاپے ماری کی ۔ اس معاملے کی جانچ سی بی آئی کے ذریعے کی جارہی ہے۔
Srijan scam case: Income Tax Department conducts raids at residence of Bihar Deputy CM Sushil Modi's sister Rekha in Patna. Police team also present. pic.twitter.com/OxVWtDVgFx
— ANI (@ANI) September 6, 2018
بہار اسمبلی کے اپوزیشن کے لیڈر تیجسوی یادو نے سرجن گھوٹالے کو لے کر سشیل پر حملہ کرتے ہوئے الزام لگایا کہ سرکاری رقم این جی او کے اکاؤنٹ میں ٹرانسفر کی جاتی رہی ، لیکن ریاست کے مالیاتی وزیر کو اس کی خبر تک نہیں ہوئی ۔پٹنہ کے صحافیوں سے بات چیت کرتے ہوئے تیجسوی یادو نے کہا کہ وہ سرجن گھوٹالے پر لگاتار بولتے رہے ہیں اور اس میں وزیر اعلیٰ نتیش کمار اور نائب وزیر اعلیٰ سشیل کمار مودی کا کیا رول تھا ،یہ پبلک ہونا چاہیے۔
सृजन घोटाले में मेरे ख़ुलासे के बाद सुशील मोदी को बचाने के लिए उनकी बहन के घर IT की छापेमारी हो रही है।
सुशील मोदी असली गुनाहगार है। उनके वितमंत्री रहते ही बिहार के वितीय बजट का 2500 करोड़ लुटाया गया। मोदी ने ही सृजन NGO के खाते से अपनी बहन के A/C में करोड़ों ट्रान्स्फ़र करवाया।
— Tejashwi Yadav (@yadavtejashwi) September 6, 2018
انہوں نے الزام لگایا کہ سرجن گھوٹالہ تو برسوں سے چل رہا تھا اور سشیل مودی کو بچانے کے لیے ان کی بہن کے گھر انکم ٹیکس محکمے نے چھاپے ماری کی ہے۔تیجسوی نے الزام لگایا کہ سرجن گھوٹالے کے اسٹیج مینجر سشیل مودی اور نتیش کمار ہیں ۔ سینٹرل ایجنسیاں انکم ٹیکس محکمہ اور سی بی آئی کو ان دونوں سے کڑی پوچھ تاچھ کرنی چاہیے ۔کانگریس کے ودھان پریشد ممبر پریم چندر مشرا نے کہا کہ سشیل کمار مودی نے بدعنوانی کے معاملے میں دوسروں کے خلاف جو معیارات متعین کیے ہیں اس کے حساب سے ان کو استعفیٰ دے دینا چاہیے۔
اس بیچ سشیل مودی نے ریکھا مودی کو دور کی اپنی چچازاد بہن بتاتے ہوئے کہا کہ ان کے ساتھ ان کا کوئی کاروباری یا اقتصادی رشتہ نہیں ہے ۔ ان پر اپنے بھائی کے ساتھ کئی مجرمانہ سمیت دوسرے معاملے چل رہے ہیں ۔ اسی طرح کے ایک معاملے میں انہوں نے ان کا نام بھی گھسیٹا تھا۔ انہوں نے کہا ؛میری ان ے گزشتہ 10برسوں سے ملاقات نہیں ہوئی ہے۔
(خبررساں ایجنسی بھاشا کے ان پٹ کے ساتھ)
Categories: خبریں