این جی ٹی نے یہ جرمانہ دہلی حکومت پر رہائشی کالونی کے آس پاس چلنے والی اسٹیل پکلنگ اکائیوں پر کارروائی نہ کرنے کی وجہ سے جرمانہ لگایا ہے۔
فوٹو: وکی پیڈیا
نئی دہلی: نیشنل گرین ٹریبونل (این جی ٹی)نے منگل کو دہلی حکومت پر 50 کروڑ روپے کا جرمانہ لگایا ہے۔ خبر رساں ایجنسی پی ٹی آئی کے مطابق؛یہ جرمانہ رہائشی کالونی سے چلنے والی اسٹیل پکلنگ اکائیوں پر کارروائی نہ کرنے کی وجہ سے لگایا گیا ہے۔ ایسی اکائیاں ان صنعتی سرگرمیوں کی فہرست میں آتی ہیں ،جن پر پابندی عائد ہے۔ پکلنگ ،اسٹیل سے داغ اور ان آرگینک آلودگی جیسی گندگی کو ہٹانے کے پروسیس کو کہتے ہیں۔ این جی ٹی نے دہلی سرکار کو ایسی سبھی اکائیوں کو جلد از جلد بند کروانے کی ہدایت دی ہے۔
National Green Tribunal imposes Rs 50 crore fine on Delhi government for failing to stop polluting industries from working in the city. pic.twitter.com/eIpU55EzW6
— ANI (@ANI) October 16, 2018
لوک ادھیکار سنگٹھن کے ذریعے دائر عرضی کی شنوائی کرتے ہوئے این جی ٹی کے چیئر پرسن جسٹس اے کے گوئل نے عام آدمی پارٹی کی قیادت والی ریاستی حکومت کی کھنچائی کرتے ہوئے کہا کہ اس بارے میں پہلے بھی ہدایت دی جا چکی ہے، لیکن اس کے بعد بھی پکلنگ اکائیوں کو بند نہیں کیا جا سکا ہے۔ اس عرضی میں ایسی اکائیوں کو بند کرنے کی مانگ کی گئی ہے۔
غور طلب ہے کہ اس سے پہلے جنوری میں دہلی حکومت نے این جی ٹی کو بتایا تھا کہ دہلی ماسٹر پلان 2021 کے تحت اسٹیل پکلنگ اکائیاں ان صنعتی سرگرمیوں کی فہرست میں آتی ہیں ،جن پر پابندی عائد ہے اور رہائشی علاقوں میں اس کو نہیں چلایا جا سکتا ہے۔
(خبر رساں ایجنسی پی ٹی آئی کے ان پٹ کے ساتھ)
Categories: خبریں