مولانا اسرار الحق قاسمی کے انتقال پر صدر جمہوریہ سمیت دیگر سیاسی رہنماؤں کا اظہار تعزیت

مولانا اسرار الحق قاسمی نے کشن گنج سے5 بار کی ناکامیابی کے بعد کانگریس کے امیدوار کے طورپر2009 میں پہلی بارعام انتخاب میں کامیابی حاصل کی تھی۔

فوٹو : سوشل میڈیا

نئی دہلی : صدر جمہوریہ ہند رام ناتھ کووند نے کشن گنج سے رکن پارلیامنٹ،کانگریسی رہنما اور معروف اسلامی اسکالرمولانا اسرارالحق قاسمی کے انتقال پر اظہار تعزیت کرتے ہوئے مرحوم کے اہل خانہ اور حلقے کی عوام کو تعزیتی پیغام دیا ہے ۔ مولانا اسرارالحق قاسمی کا آج صبح ساڑھے تین بجے 76 سال کی عمر میں انتقال ہو گیا۔ان کو دل کا دورہ پڑا تھا۔وہ 1942 میں پیدا ہوئے تھے۔پسماندگان میں دو بیٹے اورتین  بیٹیاں ہیں۔

قاسمی نے کشن گنج سےکانگریس کے امیدوار کے طورپر 5 بار کی ناکامیابی کے بعد2009 میں پہلی بارعام انتخاب میں کامیابی حاصل کی تھی۔2014 کے عام انتخاب میں انہوں نے بی جے پی کے امیدوار دلیپ کمار جیسوال کو 1لاکھ سے زیادہ ووٹوں سے شکست دی تھی۔بہار کے وزیر اعلیٰ نتیش کمار نے اظہار تعزیت میں کہا کہ ، قاسمی اپنی صاف ستھری سیاست ،ایمانداری اور سادگی کے لیے جانے جاتے تھے۔وہ اپنے سماجی کاموں کی وجہ سے اپنے حلقہ میں بہت مقبول تھے۔انہوں نےکشن گنج میں  علی گڑھ مسلم یونیورسٹی کی شاخ قائم کروانے میں بھی اہم رول کیا تھا۔وزیر اعلیٰ نتیش کمار نے ان کی آخری رسومات کی ادائیگی سرکاری اعزازکے ساتھ ادا کرنے کا بھی اعلان کیا۔

किशनगंज के लोकप्रिय सांसद मौलाना असरारूल हक़ जी के असामयिक निधन पर गहरी शोक संवेदना प्रकट भावभिनी श्रद्धांजलि अर्पित करता हूँ। भगवान उनकी आत्मा को शांति प्रदान करें।

— Tejashwi Yadav (@yadavtejashwi) December 7, 2018

راشٹریہ جنتادل سپریمو لالو پرساد نے اپنے تعزیتی پیغام میں کہا ان  کے انتقال سے بہار نے ایک لائق اور اہل رہنما کو کھو دیا۔قاسمی کے انتقال پر آرجے ڈی لیڈر اور بہا رکے سابق نائب وزیراعلیٰ تیجسوی یادو نے بھی اظہار تعیزت کیا ہے ۔

My deepest condolences on the passing away of veteran Congress leader and MP Mohammad Asrarul Haque Qasmi ji.

My thoughts and prayers are with his family, friends and followers and to the people of Kishanganj and beyond. pic.twitter.com/PjnXjeHZ8Q

— Randeep Singh Surjewala (@rssurjewala) December 7, 2018

کانگریس کے ترجمان رندیپ سرجے والا نے اپنے تعزیتی پیغام میں ان کو ایک بڑے کانگریسی رہنما کے طور پر یاد کیا ۔ انہوں نے قاسمی کے اہل خانہ اور حلقے کی عوام کے لیے دعائیں کی ہیں ۔

किशनगंज से कांग्रेस पार्टी के लोकप्रिय सांसद, मौलाना असरारुल हक साहब, के निधन की ख़बर सुनकर बेहद दुःख हुआ।

मैं असरारुल हक साहब के परिजनों के प्रति अपनी गहरी शोक और संवेदना व्यक्त करता हूँ I

— Rahul Gandhi (@RahulGandhi) December 7, 2018

کانگریس صدرراہل گاندھی نے بھی ان کی موت پر افسوس کا اظہار کیاہے ۔انہوں نے اپنے ٹوئٹ میں کہا کہ ،کشن گنج سے کانگریس پارٹی کے مقبول رکن پارلیامنٹ اسرارالحق قاسمی صاحب کے انتقال کی خبر سے ان کو صدمہ پہنچا ہے ۔

My condolences to the family & friends of Maulana Asrarul Haq Qasmi sahab. He was an erudite scholar from Darululoom Deoband, MP from Kishanganj twice and an honorable man. May Allah (SWT) grant him maghfirah

— Asaduddin Owaisi (@asadowaisi) December 7, 2018

آل انڈیا مجلس اتحادالمسلمین  کے صدر اور حیدرآباد سے ممبر آف پارلیامنٹ اسد الدین اویسی نے اپنے تعزیتی پیغام میں کہا ہے کہ مولانا اسرارالحق قاسمی دارالعلوم دیوبند کے معروف اسکالر تھے ۔ وہ 2 بار کشن گنج سے رکن پارلیامنٹ منتخب ہوئے ۔

मा. किशनगंज सांसद मौलाना असरारुल हक कासमी साहब के इंतकाल की खबर से गहरा दुख पहुंचा है। वो बहुत ही नेक दिल और शरीफ इंसान थे। उनके इंतकाल की दुखद खबर पर मैं गहरी संवेदना व्यक्त करता हूं और दुआ करता हूं कि उनके परिवार को दुख को सहने की ताकत मिले। ख़ुदा उनको जन्नत में जगह अता फरमाए। pic.twitter.com/K3b30lDeSm

— Shahnawaz Hussain (@ShahnawazBJP) December 7, 2018

بی جے پی لیڈر اور کشن گنج کے سابق رکن پارلیامنٹ شہنواز حسین نے اپنے تعزیتی پیغام میں کہا ہے کہ ، مولانا اسرارالحق قاسمی صاحب کے انتقال کی خبر سے ان کو گہر ا دکھ پہنچا ہے ۔ وہ بہت ہی نیک دل اور شریف انسان تھے ۔دریں اثنا پٹنہ میں بہا رکانگریس کمیٹی کے صدردفتر صداقت آشرم میں ایک تعزیتی نشست کا انعقاد کیا گیا۔ جس میں بہار کانگریس سے اہم رہنماؤں نے شرکت کی ۔