سمجھوتہ ایکسپریس ٹرین میں 18 فروری 2007کو پانی پت کے قریب 2 بم بلاسٹ ہوئے تھے جن میں 68 لوگ مارے گئے تھے،ان میں زیادہ تر پاکستانی تھےاور 12 دیگر زخمی ہوگئے تھے۔
فوٹو: رائٹرس
نئی دہلی:سمجھوتہ ایکسپریس بلاسٹ کیس میں اسیمانند سمیت 4 ملزمین کو بری کر دیا گیا ہے۔پنچکولہ کی اسپیشل این آئی اے کورٹ نے سبھی 4 ملزمین کو اس معاملے میں بری کر دیا ہے۔این ڈی ٹی وی کی ایک خبر کے مطابق؛اسیمانند کے علاوہ لوکیش شرما، کمل چوہان اور راجیندر چودھری اس معاملے میں بری ہو گئے ہیں۔غور طلب ہے کہ ہ دہلی -لاہور سمجھوتہ ایکسپریس ٹرین میں 18 فروری 2007کو پانی پت کے قریب 2 بم بلاسٹ ہوئے تھے جن میں 68 لوگ مارے گئے تھے،ان میں زیادہ تر پاکستانی تھےاور 12 دیگر زخمی ہوگئے تھے۔
Samjhauta Blast Case: All four accused -Aseemanand, Lokesh Sharma, Kamal Chauhan and Rajinder Chaudhary have been acquitted by Special NIA Court in Panchkula pic.twitter.com/9urDpWm87r
— ANI (@ANI) March 20, 2019
اس کے بعد ہریانہ پولیس نے ایک معاملہ درج کیا تھا اور جولائی 2010 میں جانچ این آئی اے کو سونپ دی تھی۔ بنا کمار سرکار عرف سوامی اسیمانند،لوکیش شرما،کمل چوہان اور راجندر چودھری عدالت میں پیش ہوئے تھے ۔
Samjhauta Blast Case: Visuals of Aseemanand from Panchkula Court. He and three others were acquitted by Court. #Haryana pic.twitter.com/chjsCm28IS
— ANI (@ANI) March 20, 2019
قابل ذکر ہے کہ دہلی -لاہور سمجھوتہ ایکسپریس ٹرین بلاسٹ کے مبینہ ماسٹر مائنڈ سنیل جوشی کی پہلے ہی موت ہو چکی ہے۔دسمبر 2007 میں اس کی موت ہو گئیتھی۔جبکہ دیگر 3 ملزم رام چندر کل سنگرا،سندیپ ڈانگے اور امت فرار ہیں۔اس سے پہلے ایک پاکستانی خاتون کے ذریعے دائر عرضی میں کہا گیا تھا کہ اس کے پاس اس کیس سے جڑے کچھ ثبوت ہیں،جس کے بعد یہ معاملہ 14 مارچ تک کے لیے ملتوی کردیا گیا تھا۔
این آئی اے کاؤنسل راجن ملہوترا نے کہا تھاکہ یہ عرضی راحیلہ ایل وکیل کی طرف سے ان کے وکیل کے ذریعے دائر کی گئی ہے۔عرضی دائر ہونے کے بعد اسپیشل این آئی اے کورٹ کے جج جگدیپ سنگھ نے اس کیس کو 14 مارچ تک کے لیے ملتوی کر دیا تھا۔واضح ہو کہ اس معاملے میں 6 مارچ کو پوری دلیل سننے کے بعد فیصلہ سنانے کے لیے 11 مارچ کی تاریخ طے کی گئی تھی۔
(خبر رساں ایجنسی اے این آئی کے ان پٹ کے ساتھ)
Categories: خبریں