گورکھپور کی ضلع عدالت نے ایک گینگ ریپ معاملے میں یوگی آدتیہ ناتھ کے ہیٹ اسپیچ پر عرضی دائرکرنے والے کارکن پرویز پرواز کو عمر قید کی سزا سنائی ہے۔ ان کے ساتھیوں کا کہنا ہے کہ بی جے پی رہنماؤں کے خلاف عرضی دائر کرنے کی وجہ سے انہیں فرضی معاملے میں پھنسایا جا رہا ہے۔
گزشتہ دنوں گورکھپور کی ایک عدالت نے صحافی پرویز پرواز کے خلاف ایک ایف آئی آر درج کرنے کا حکم دیا ہے۔غور طلب ہے کہ 2007 میں اس صحافی نے یوپی کے وزیر اعلیٰ یوگی آدتیہ ناتھ پرہیٹ اسپیچ معاملے میں مقدمہ درج کرایا تھا۔
حقوق انسانی کے لیے کام کرنے والی تنظیم رہائی منچ کا کہنا ہے کہ یہ سب قانون کے پرے جاکر یوگی آدتیہ ناتھ کے حکم پر کھلم کھلا ہورہا ہے ۔ ورنہ ایس ایس پی بتائیں کہ کیسے آرڈر سے پہلے نیا تجزیہ سامنے آجاتا ہے اور رپورٹ بھی دے دیتا ہے۔