کشمیر: سجاد لون کے بعد میر واعظ کو بھی اپنے والد کی برسی کے موقع پر خراج عقیدت پیش کرنے سے روکا گیا، نظر بندی کا الزام
میر واعظ عمر فاروق نے الزام لگایا ہے کہ انہیں اپنے والد کی برسی کے موقع پر خراج عقیدت پیش کرنے سے پہلے نظر بند کر دیا گیا۔ اس سے قبل جموں و کشمیر پیپلز کانفرنس کے صدر سجاد لون نے بھی ایسا ہی الزام عائد کیا تھا۔ دونوں رہنماؤں نے اسے جابرانہ کارروائی قرار دیتے ہوئے کہا کہ اس سے لوگوں کے جذبات اور تاریخ کو مٹایا نہیں جا سکتا۔