انل امبانی ہتک عزت کیس میں ری-پبلک ٹی وی کو ہائی کورٹ کی سرزنش، کہا – حد پار مت کیجیے
بامبے ہائی کورٹ نے انل امبانی کی جانب سے ان کے مالی لین دین سے متعلق خبروں پر ری-پبلک ٹی وی اور اس کے مدیر ارنب گوسوامی کے خلاف دائر ہتک عزت مقدمے کی سماعت کرتے ہوئے نیوز چینل کو ’توہین آمیز تنقید‘ سے گریز کرنے کی ہدایت دی۔ عدالت نے گوسوامی کے شو میں کیے گئے تبصروں کو ’نامناسب‘ قرار دیتے ہوئے کہا کہ چینل کو بعض لفظوں کے استعمال سے گریز کرنا چاہیے اور’اعتدال‘ سے کام لینا چاہیے۔
