دہلی ستیہ نکیتن حادثہ: اب تک سات موتیں؛ پی جی مالک گرفتار، ایم سی ڈی کے پانچ اہلکار معطل
دہلی یونیورسٹی کے ساؤتھ کیمپس کے پاس ستیہ نکیتن میں واقع ایک عمارت اتوار کی دوپہر گر گئی۔ ’ہاسٹل ڈیز‘ کے نام سے جانی جانے والی اس عمارت کو لڑکوں کے لیے پی جی کے طور پر استعمال کیا جا رہا تھا اور اس میں ساؤتھ کیمپس کے مختلف کالجوں کے طلبہ رہ رہے تھے۔ اپوزیشن نے اس معاملے پر حکومت کو تنقید کا نشانہ بنایا ہے، وہیں حادثے کے بعد دہلی میونسپل کارپوریشن نے پانچ اہلکاروں کو معطل کر دیا ہے۔
