آبنائے ہرمز، ابن خلدون اور بدلتی ہوئی عالمی سیاست
ایران آخر اس مقام تک کیوں پہنچا؟اس کا جواب صرف موجودہ جنگ میں نہیں بلکہ گزشتہ دو دہائیوں کی عالمی سیاست میں پوشیدہ ہے۔امریکہ نے ایران پر معاشی پابندیاں عائد کیں، اس کی تیل کی برآمدات محدود کیں، بینکاری نظام تک رسائی ختم کی اور اسے عالمی مالیاتی نظام سے بڑی حد تک الگ تھلگ کرنے کی کوشش کی۔ امریکہ برسوں سے پابندیوں، ڈالر، بینکاری نظام اور ٹکنالوجی پر اپنی گرفت کو خارجہ پالیسی کے ہتھیار کے طور پر استعمال کرتا آیا ہے۔ ایران نے شاید اسی منطق کو الٹ دیا ہے۔