یہ ہماری حکومت ہے؛ جسے ہم شہریوں نے منتخب کیا ہے اور جو ہمارے سامنے جوابدہ ہے۔ اسے جائز تنقید، تبصروں اور صحافت پر پابندی لگانے اور اسے دبانے کی روش سے باز آنا چاہیے۔حکومت کو ملک میں سینسرشپ نافذ کرنے والے تمام قدم فوراً پیچھے کھینچنے چاہیے۔
اطلاعات و نشریات کی مرکزی وزارت نے دو میڈیا اداروں اور متعدد یوٹیوب چینلوں کو نوٹس جاری کرتے ہوئے اڈانی گروپ کا ذکر کرنے والے 138ویڈیو اور 83 انسٹاگرام پوسٹ ہٹانے کو کہا ہے۔ یہ احکامات اڈانی انٹرپرائزز کی جانب سے دائر ہتک عزت کے ایک معاملے میں 6 ستمبر کو دہلی ڈسٹرکٹ کورٹ کی طرف سے جاری یکطرفہ فیصلے پر مبنی ہیں۔