ٹکٹ نہ ملنے سے ناراض ادت راج نے بی جے پی چھوڑی، کانگریس میں شامل

شمال مغربی دہلی لوک سبھا سیٹ سے ٹکٹ نہ ملنے سے ناراض ادت راج نے بی جے پی چھوڑ دی ہے۔ ان کی جگہ ر ہنس راج ہنس کو اس سیٹ سے ٹکٹ دیا گیا ہے۔

فوٹو: اے این آئی

نئی دہلی:لوک سبھا انتخابات 2019 کے لیے دہلی کی شمال مغربی سیٹ سے ٹکٹ نہ دیے جانے سے ناراض ایم پی ادت راج بدھ کو بی جے پی چھوڑ کر کانگریس میں شامل ہو گئے ہیں۔وہ کانگریس صدر راہل گاندھی کی موجودگی میں کانگریس میں شامل ہوئے۔ کانگریس میں شامل ہونے کے بعد ادت راج نے ٹوئٹ کر کہا،’آج میں کانگریس میں شامل ہوا۔راہل جی کا شکریہ۔’

आज मैं कांग्रेस @INCIndia में शामिल हुआ , श्री @RahulGandhi जी का धन्यवाद। pic.twitter.com/j117b1cq9m

— Dr. Udit Raj, MP (@Dr_Uditraj) April 24, 2019

انھوں نے کانگریس میں شامل ہونے سے پہلے ایک اور ٹوئٹ کر کہا تھا،’اگر مجھے پہلے بتا دیا گیا ہوتا تو اتنی تکلیف نہیں ہوتی۔پارٹی کو اتنی تکلیف کیوں کرنی پڑی کی پرچہ نامزدگی کے آخری دن ایک بجے نام کا اعلان کرنا پڑا۔پہلے کہہ دیتے تو مجھے کوئی تکلیف نہیں ہوتی۔کرائے دار ہوں بات مان لینا پڑتا۔’

अगर मुझे पहले बता दिया गया होता तो इतना कष्ट ना होता । पार्टी को इतना कष्ट क्यों करना पड़ा की नामांकन के आख़िरी दिन 1 बजे नाम की घोषणा करना पड़ा । पहले कह देते तो मुझे कोई तकलीफ़ नहीं होती । किराएदार हूँ बात मान लेना पड़ता।

— Dr. Udit Raj, MP (@Dr_Uditraj) April 24, 2019

بی جے پی نے دہلی کی شمال مغربی سیٹ سے ادت راج کو ٹکٹ نہ دے کر گلوکار ہنس راج ہنس کو ٹکٹ دیا ہے۔ اس سے پہلے شمال مغربی دہلی سیٹ سے امیدوار نہ بنائے جانے کو لے کر ادت راج نے استعفیٰ دینے اور آزادانہ امیدوار کے طور پر کھڑا ہونے کی دھمکی دی تھی۔ادت راج نے منگل کی صبح ٹوئٹ کر کے کہا تھا،’میں انتظار کررہا ہوں ، اگر مجھے ٹکٹ نہیں دیا جاتا تو میں پارٹی کو الوداع کہہ دوں گا۔’

غور طلب ہے کہ دہلی کی شمال مغربی سیٹ  سے بی جے پی امیدوار ادت راج نے فروری 2014 میں اپنی انڈین جسٹس پارٹی (آئی جے پی)کو بی جے پی میں تحلیل کردیا تھا ۔ادت راج بی جے پی کے ان 7 ایم پی میں سے ایک تھے جنھوں نے دہلی کی سبھی سیٹوں پر پارٹی کے لیے جیت حاصل کی تھی۔