دہلی کے مینڈیٹ نے کہا، کیجریوال دہشت گرد نہیں، دیش بھکت ہیں: سنجے سنگھ

بی جے پی ایم پی  پرویش ورما نے انتخابی تشہیر  کے دوران ایک ریلی میں کیجریوال کو شاہین باغ میں سی اے اےکے خلاف  چل رہے مظاہرے کو مبینہ  طور پرحمایت دینے کاالزام  لگاتے ہوئے انہیں ‘دہشت گرد’ بتا دیا تھا۔

فوٹو: پی ٹی آئی

نئی دہلی: دہلی اسمبلی انتخاب  کی گنتی کے رجحانات میں عآپ کی فیصلہ  کن جیت کے واضح اشارہ ملنے پرعآپ کے راجیہ سبھا ممبر سنجے سنگھ نے کہا کہ دہلی کے بھرپور مینڈیٹ نے صاف پیغام  دیا ہے کہ وزیر اعلیٰ  اروند کیجریوال دہشت گرد نہیں بلکہ پکے دیش بھکت ہیں۔

سنگھ نے کہا کہ دہلی کی حکومت حاصل کرنے کے لئے بی جے پی نے پوری طاقت لگا دی لیکن اس انتخابی  جنگ میں‘دہلی کا بیٹا’ جیت گیا۔

ये चुनाव केजरीवाल Vs ऑल था अमित शाह जी उनकी पूरी कैबिनेट तमाम मुख्यमंत्री कई पूर्व मुख्यमंत्री 300 सांसद नीतीश कुमार सब लग गये सत्ता और नफ़रत की ताक़त झोंक दी लेकिन दिल्ली के 2 करोड़ परिवार के लोगों ने कहा वो अपने बेटे से साथ खड़े हैं। pic.twitter.com/41xcfgac3l

— Sanjay Singh AAP (@SanjayAzadSln) February 11, 2020

قابل ذکر  ہے کہ گنتی  کے شروعاتی رجحانات  کی بنیادپرعآپ 62 سیٹوں پر اور بی جےپی آٹھ سیٹ پر آگے چل رہی ہے۔

سنگھ نے ٹوئٹر پر اپنے ردعمل کا اظہار کرتے ہوئے کہا، ‘دہلی کی دو کروڑ فیملی  کے لوگوں نے بتا دیا کہ ان کا بیٹا اروند کیجریوال دہشت گرد نہیں، پکا دیش بھکت ہے۔بھرپور مینڈیٹ سے جیت دینے کے لیے دہلی کی عظیم عوام  کو سر جھکاکر بصد شکریہ۔’

قابل ذکر  ہے کہ بی جے پی ایم پی  پرویش ورما نے انتخابی تشہیرکے دوران ایک ریلی میں کیجریوال کو شاہین باغ  میں سی اے اےکے خلاف چل رہے مظاہرے کومبینہ طورپرحمایت دینے کاالزام  لگاتے ہوئے انہیں ‘دہشت گرد’ بتا دیا تھا۔

اس بیچ سنگھ نے پارٹی دفتر میں کارکنوں کوخطاب  کرتے ہوئے کہا، ‘بی جےپی نے انتخاب  جیتنے کے لیے پوری طاقت جھونک دی تھی، لیکن انتخاب میں جیت ملی دہلی کے بیٹے کو۔ دہلی والوں نے وکاس کے نام پر ووٹ دیا۔’

(خبررساں ایجنسی بھاشا کے ان پٹ کے ساتھ)