فیس بک کے بی جے پی رہنما کی مسلم مخالف پوسٹ کی ان دیکھی کی رپورٹ پر غور کرے گی پارلیامانی کمیٹی

امریکی اخبار وال اسٹریٹ جرنل نے ایک رپورٹ میں بتایا تھا کہ فیس بک نے ناراضگی کے ڈر سے بی جے پی رہنما کی مسلم مخالف پوسٹ پر کارروائی نہیں کی تھی۔انفارمیشن ٹکنالوجی پر پارلیامنٹ  کی اسٹینڈنگ کمیٹی  کے چیئر مین ششی تھرور نے کہا ہے کہ وہ اس معاملے میں فیس بک کی بات سننا چاہیں گے۔

(السٹریشن: رائٹرس)

نئی دہلی: انفارمیشن ٹکنالوجی پر پارلیامنٹ  کی اسٹینڈنگ کمیٹی امریکی اخبار وال اسٹریٹ جرنل کی اس رپورٹ پرغور کرےگی جس میں یہ کہا گیا ہے کہ فیس بک نے ناراضگی کے ڈر سے بی جے پی رہنما کی مسلم مخالف پوسٹ پر کارروائی نہیں کی۔رپورٹ میں یہ بتایا گیا ہے کہ ہندوستان میں فیس بک کے ایک اعلیٰ عہدیدار نے بی جے پی کے ایک رہنما اور دیگر‘ہندو نیشنلسٹ لوگوں اور گروپوں’کی نفرت بھری پوسٹ کو لےکر ان پر فیس بک کے ہیٹ اسپیچ ضابطہ لگائے جانے کی مخالفت کی تھی۔

پارلیامانی کمیٹی کے چیئرمین اور کانگریس رہنما ششی تھرور نے کہا، ‘کمیٹی ان رپورٹس کے بارے میں ضرور فیس بک سے سننا چاہے گی اور یہ بھی جاننا چاہےگی کی ہندوستان  میں ہیٹ اسپیچ ختم کرنے کے لیے ان کی کیا تجویز ہے۔’

. The Parliamentary Standing Committee on Information Technology would certainly wish to hear from @Facebook about these reports & what they propose to do about hate-speech in India.

— Shashi Tharoor (@ShashiTharoor) August 16, 2020

تھرور نےمزیدکہا کہ، ‘ہماری پارلیامانی کمیٹی ‘شہریوں کےحقوق کےتحفظ اورسوشل/آن لائن نیوز میڈیا پلیٹ فارموں کے غلط استعمال  کو روکنے’سے متعلق  اس رپورٹ پر غورکرےگی۔ یہ معاملہ انفارمیشن ٹکنالوجی کے دائرہ اختیار میں ہے اور اس سے پہلے بھی فیس بک کو طلب کیا جا چکا ہے۔’

حالانکہ تھرور کےتبصرے پر بی جے پی ایم پی  اور اس کمیٹی کے ممبر نشی کانت دوبے نے کہا کہ انہی معاملات کو کمیٹی  کے سامنے اٹھایا جا سکتا ہے جو قابل قبول  ہیں اور پارلیامنٹ کی اسٹینڈنگ کمیٹی  کے اصولوں  کے مطابق ہیں۔انہوں نے کہا کہ ان کمیٹیوں کوممبروں کے ذریعے اپنی پارٹی کے رہنماؤں کی‘انا’کی تسکین کے لیے سیاسی پلیٹ فارم نہیں بنانا چاہیے۔

دوبے نے کہا، ‘اسٹینڈنگ کمیٹی کے چیئرمین کے پاس اپنے ممبر کے ساتھ ایجنڈے  پر چرچہ  کے بنا کچھ بھی کرنے کا اختیار نہیں ہے۔ششی تھرور کو کمیٹی اور اسپیکر کی رضامندی کے بنا اس طرح راہل گاندھی کے ایجنڈہ کی تشہیر نہیں کرنی چاہیے۔’

The Chairman of Standing Commitee does not have the authority to do anything without discussion of the agenda with its member. ⁦@ShashiTharoor⁩ stop ⁦@RahulGandhi⁩ agenda without authorisation by the Committee and Speaker ⁦@ombirlakota⁩ https://t.co/4mKjoBgx6k

— Dr Nishikant Dubey (@nishikant_dubey) August 17, 2020

غورطلب ہے کہ وال اسٹریٹ جرنل کی رپورٹ میں کہا گیا ہے کہ ہندوستان میں فیس بک کی جنوبی  اور وسط  ایشیاانچارج  کی پالیسی ڈائریکٹرآنکھی داس نے بی جے پی رہنما ٹی راجہ سنگھ کے خلاف فیس بک کے ہیٹ اسپیچ ضابطوں  کے نفاذکی مخالفت کی  تھی کیونکہ انہیں ڈر تھا کہ اس سے کمپنی کے رشتے  بی جے پی سے خراب ہو سکتے ہیں۔

ٹی راجہ سنگھ تلنگانہ اسمبلی میں بی جے پی کے واحد ایم ایل اے ہیں اور وہ اپنے فرقہ وارانہ بیانات  کے لیے معروف  ہیں۔امریکی اخبار کی اس رپورٹ میں فیس بک کے کچھ سابق  اور کچھ موجودہ  ملازمین  کے حوالے سے کہا گیا ہے کہ آنکھی داس نے اپنے اسٹاف کو بتایا کہ مودی کے رہنماؤں کی جانب سےضابطوں کی خلاف ورزی پر کارروائی کرنے سے ہندوستان  میں کمپنی کے کاروباری امکانات  کو نقصان پہنچ سکتا ہے۔

وال اسٹریٹ جرنل کی رپورٹ کے بارے میں پوچھے جانے پر فیس بک کے ترجمان نے انڈین ایکسپریس کو بتایا، ‘ہم ہیٹ اسپیچ اورتشدد پھیلانے والے موادپر روک لگاتے ہیں۔ ہم کسی بھی سیاسی پارٹی یا اس سے رشتےکی پراہ کیے بناعالمی سطح  پر ان ضابطوں کونافذکرتے ہیں۔ حالانکہ ہمارا ماننا ہے کہ ہمیں اس سمت  میں اور قدم اٹھانے ہیں، ہم اس سمت میں ترقی  کر رہے ہیں اورغیرجانبداری اور درستگی کو یقینی بنانے کے لیے ہم ریگولر آڈٹ کرواتے ہیں۔’

اس رپورٹ کے بعد سے کانگریس اور بی جے پی کے بیچ الزام تراشیاں  شروع ہو گئی ہیں۔ کانگریس رہنما راہل گاندھی نے رپورٹ کو لےکر بی جے پی اورآر ایس ایس  پر فیس بک اور وہاٹس ایپ کا استعمال کرتے ہوئے رائے دہندگان کو متاثر کرنے کے لیے‘فرضی خبریں’ پھیلانے کاالزام لگایا۔

اس پرشدید ردعمل کا اظہار کرتے ہوئے انفارمیشن ٹکنالوجی کے مرکزی وزیر روی شنکر پرساد نےاپوزیشن پارٹی  کو کیمبرج انالیٹیکاوالےمدعے کی یاد دلانے کی کوشش کی۔پرساد نے ٹوئٹ کیا، ‘جو ہارنے والے لوگ اپنی ہی پارٹی میں لوگوں کو متاثر نہیں کر سکتے، وہ ایسا ماحول بناتے رہتے ہیں کہ پوری دنیا پر بی جے پی اور آر ایس ایس کا کنٹرول ہے۔’

انہوں نے کہا،‘آپ انتخاب سے پہلےاعدادوشمارکو ہتھیار بنانے کے لیے کیمبرج انالیٹیکااور فیس بک کے ساتھ گٹھ جوڑ کرتے ہوئے رنگے ہاتھ پکڑے گئے تھے اور اب ہم سے سوال پوچھنے کی جرأت کر رہے ہیں۔’

The fact is that today access to information and freedom of expression has been democratized. It is no longer controlled by retainers of your family and that is why it hurts.

Btw, haven’t yet heard your condemnation of the Bangalore riots. Where did your courage disappear?

— Ravi Shankar Prasad (@rsprasad) August 16, 2020

اس سے پہلے راہل گاندھی نے رپورٹ کی ایک تصویر ڈالتے ہوئے ٹوئٹ کیا تھا اور بی جے پی اور سنگھ کو نشانہ بنایاتھا۔انہوں نے کہا، ‘بی جے پی اور آر ایس ایس ہندوستان  میں فیس بک اور وہاٹس ایپ پر کنٹرول  کرتے ہیں۔ وہ اس کے ذریعےفرضی خبریں اورنفرت پھیلاتے ہیں اور رائے دہندگان  کو لبھانے کے لیے اس کا استعمال کرتے ہیں۔ آخرکار امریکی میڈیا نے فیس بک کے بارے میں سچ سامنے لا دیا ہے۔’

راہل کے بیانات پر جواب دیتے ہوئے پرساد نے یہ بھی کہا، ‘سچ یہ ہے کہ آج انفارمیشن حاصل کرنے اور اظہار رائے کی آزادی  کوجمہوری شکل دیا گیا ہے۔ اب ان پر آپ کی فیملی کےپیروکاروں  کا قبضہ نہیں رہا ہے اور اس لیےیہ بات آپ کو چبھتی ہے۔’پرساد نے جس کیمبرج انالیٹیکا کا ذکر کیا وہ 2018 میں کانگریس پر لگے الزامات سے متعلق ہیں۔

الزام تھے کہ برٹش کمپنی نے 2019 کے لوک سبھاانتخاب میں رائے دہندگان کو متاثرکرنے کے لیے کانگریس کو فیس بک کے کئی  پوسٹ کاتجزیہ کرنے کی پیشکش کی تھی۔ کانگریس نے الزامات کو خارج کر دیا تھا۔وہیں، کانگریس نے رپورٹ میں لگائے گئے الزامات کی جانچ جوائنٹ پارلیامانی کمیٹی(جے پی سی)سے کرانے کی مانگ کرتے ہوئے کہا کہ یہ ہندوستانی جمہوریت کی بنیاد کے لیے خطرہ  ہیں اور ان کی جانچ کی جانی چاہیے۔

کانگریس ترجمان  اجئے ماکن نے ایک ڈیجیٹل پریس کانفرنس میں ان الزامات میں جےپی سی جانچ کرانے کی مانگ کرتے ہوئے کہا کہ فیس بک نے بی جے پی اراکین پارلیامنٹ کے معاملے میں اپنے ضابطے کی ان دیکھی کی۔

(خبررساں  ایجنسی بھاشاکے ان پٹ کے ساتھ)