‘میں نے پیار کیا’، ‘بازی گر’ جیسی کئی فلموں میں کام کر چکے اور اسٹینڈ اپ کامیڈی شو ‘دی گریٹ انڈین لافٹر چیلنج’ سے شہرت حاصل کرنے والے نامور کامیڈین راجو شری واستو کو 10 اگست کو جم میں ورزش کے دوران دل کا دورہ پڑا تھا۔ تب سے وہ دہلی کے ایمس اسپتال میں زیر علاج تھے۔
(تصویر: پی ٹی آئی)
نئی دہلی: نامور کامیڈین راجو شری واستو بدھ کو دہلی کے ایک اسپتال میں انتقال کر گئے۔ ان کے بھائی دیپو شری واستو نے یہ جانکاری دی۔
راجو کی عمر 58 سال تھی اور وہ 40 دن سے زیادہ سے اسپتال میں زیر علاج تھے۔
دہلی کے ایک ہوٹل میں ورزش کے دوران 10 اگست کو انہیں دل کا دورہ پڑا تھا۔ اس کے بعد انہیں آل انڈیا انسٹی ٹیوٹ آف میڈیکل سائنسز (ایمس) میں داخل کرایا گیا، جہاں ان کی ‘انجیو پلاسٹی’ کی گئی تھی۔ تب سے وہ وینٹی لیٹر پر تھے اور ہوش میں نہیں آئے ۔
دیپو شری واستو نے بتایا،تقریباً آدھا گھنٹہ پہلے گھر والوں نے مجھے فون کیا اور ان کے گزر جانے کی اطلاع دی۔ وہ 40 دن سے زیادہ سے اسپتال میں زیر علاج تھے۔
اسپتال کے سرکاری ذرائع کے مطابق راجو شری واستو کو صبح تقریباً 10.20 بجے مردہ قرار دیا گیا۔
تاہم گزشتہ ہفتے ان کی صحت میں بہتری آئی تھی۔ جمعہ کو ان کی صحت کے بارے میں جانکاری دیتے ہوئے چھوٹے بھائی دیپو نے بتایا تھا کہ وہ آہستہ آہستہ ٹھیک ہو رہے ہیں۔ حالاں کہ وہ اس وقت بھی بے ہوش تھے۔
انٹرٹینمنٹ ورلڈ میں 1980 کی دہائی کے اواخر سے سرگرم راجو شری واستو نے کئی فلموں میں چھوٹے موٹے کردار ادا کرکے اپنے کیرئیر کا آغاز کیا تھا۔ انہوں نے ‘میں نے پیار کیا’، ‘بازی گر’، ‘بامبے ٹو گوا’ (ری میک) اور ‘آمدانی اٹھنی خرچہ روپیہ’ جیسی فلموں میں کام کیا۔ وہ ‘بگ باس’ کے تیسرے سیزن میں بھی نظر آئے تھے۔
انہیں 2005 میں اسٹینڈ اپ کامیڈی شو ‘دی گریٹ انڈین لافٹر چیلنج’ کے پہلے سیزن میں حصہ لینے کے بعد شہرت ملی تھی۔
وہ اتر پردیش فلم وکاس پریشد کے صدر بھی تھے۔ سیاست اور انٹرٹینمنٹ ورلڈ کے لوگوں نے ان کے انتقال پر تعزیتی پیغام دیے ہیں۔
اتر پردیش کے وزیر اعلیٰ یوگی آدتیہ ناتھ نے کہا ہے کہ ‘راجو شری واستو اب ہمارے درمیان نہیں رہے۔ میں اتر پردیش کے لوگوں کی طرف سے ان کی روح کے سکون کے لیے دعا کرتا ہوں اور ان کے اہل خانہ سے تعزیت کا اظہار کرتا ہوں۔
Raju Srivastava is no more with us. I, on behalf of the people of UP, pray that his soul rests in peace. I extend my condolences to his family: Uttar Pradesh CM Yogi Adityanath https://t.co/Wph8ocLVNm pic.twitter.com/TUWNlsEi4I
— ANI UP/Uttarakhand (@ANINewsUP) September 21, 2022
وزیر داخلہ امت شاہ نے کہا ہے کہ شری واستو کی موت آرٹ کی دنیا کے لیے ایک بہت بڑا نقصان ہے۔
सुप्रसिद्ध हास्य कलाकार राजू श्रीवास्तव जी का एक विशिष्ट अंदाज था, उन्होंने अपनी अद्भुत प्रतिभा से सभी को प्रभावित किया। उनका निधन कला जगत के लिए एक बड़ी क्षति है। मैं उनके परिजनों व प्रशंसकों के प्रति संवेदना व्यक्त करता हूँ। ईश्वर उन्हें यह दुःख सहने की शक्ति दें। ॐ शांति शांति
— Amit Shah (@AmitShah) September 21, 2022
بی جے پی کے قومی صدر جے پی نڈا، مرکزی وزیر راج ناتھ سنگھ، انوراگ ٹھاکر، اتراکھنڈ کے وزیر اعلیٰ پشکر سنگھ دھامی، دہلی کے وزیر اعلی اروند کیجریوال، سماج وادی پارٹی وغیرہ سبھی نے شری واستو کی موت پر تعزیت کا اظہار کرتے ہوئے اسے بہت بڑا نقصان قرار دیا ہے۔
एक बेहतरीन कलाकार, ज़िंदादिल इंसान और अपनी कला-प्रतिभा से अनेकों कलाकारों के प्रेरणास्रोत श्री राजू श्रीवास्तव जी का निधन दुःखद है।
उनका जाना हास्य कला की एक एक विधा के युग का समापन है, उनके निधन से हुई रिक्तता की भरपाई सम्भव नहीं है। pic.twitter.com/7RaUIXhnzV
— Anurag Thakur (@ianuragthakur) September 21, 2022
تاریخ دان ایس عرفان حبیب نے ٹوئٹر پر لکھا، ‘ہمارے پاپولر اسٹینڈ اپ کامیڈین راجو شری واستو کے انتقال کے بارے میں سن کر دکھ ہوا۔ سیاست میں آنے سے پہلے، شروع میں ایس پی پھر بی جے پی، انہوں نے کئی دہائیوں تک پورے ہندوستان میں لوگوں کو محظوظ کیا۔ آپ یاد کیے جائیں گے۔
Sad to hear about the tragic demise of our popular stand up comedian Raju Shrivastava. Before getting into politics, first SP than BJP, he spent decades to entertain people across India. You will be missed. #rajusrivastava
— S lrfan Habib एस इरफान हबीब عرفان حبئب (@irfhabib) September 21, 2022
دی گریٹ انڈین لافٹر چیلنج کے جج رہے شیکھر سمن نے لکھا، ‘راجو سب سے زیادہ ہنسانے والے زندہ شخص تھے۔ ہم سب انہیں ہمیشہ یاد رکھیں گے۔ مجھے کئی شوز میں انہیں جج کرنے کا اعزاز حاصل ہوا، جن میں دی گریٹ انڈین لافٹر چیلنج بھی شامل ہے، جس نے انہیں ناقابل تصور بلندیوں تک پہنچایا۔ وہ منفرد تھے۔
Raju was the funniest man alive.we will all miss him forever.I had the privilege and honour of judging him on many shows including "The Great Indian Laughter Challenge that catapulted him to unimaginable heights"He was unique and inimitable.Long live Raju!
— Shekhar Suman (@shekharsuman7) September 21, 2022
اداکار نیل نتن مکیش نے لکھا، ہمارے پیارے راجو شری واستو بھائی کے انتقال کی خبر واقعی بہت افسوسناک ہے۔ آپ ہمیں اسکرین پر اور اسکرین کے باہر مسکان اور ہنسی کا تحفہ دے کر چلے گئے۔
Truly upsetting news of the untimely demise of our dearest Raju Shrivastava bhai. You have left us with a gift of smiles and laughs on & off the screen forever.
The Mukesh family extend our deepest condolences to the family, may the lord give them strength 🙏 pic.twitter.com/cSeSE25K08— Neil Nitin Mukesh (@NeilNMukesh) September 21, 2022
(خبررساں ایجنسی بھاشا کے ان پٹ کے ساتھ)
Categories: خبریں