راہل گاندھی، اروند کیجریوال، پنارائی وجین، ممتا بنرجی، اکھلیش یادو، مایاوتی، اسد الدین اویسی سمیت مختلف پارٹیوں کے لیڈروں نے اس واقعےکی مذمت کی ہے۔ وہیں مسلم تنظیموں نے کہا ہے کہ ملک کے مسلمان طالبانی ذہنیت کو کبھی قبول نہیں کریں گے۔
ادے پور میں درزی کے قتل کے بعد پیش آئےتشدد کا منظر۔ (تصویر: پی ٹی آئی)
نئی دہلی: راجستھان کے ادے پور میں ایک درزی کے بہیمانہ قتل پر ردعمل ظاہر کرتے ہوئے مختلف جماعتوں کے سیاستدانوں اور مذہبی رہنماؤں نے اس کی مذمت کی ہے اور سخت کارروائی کا مطالبہ کیا ہے۔
غور طلب ہے کہ منگل کو ادے پور میں دو افراد نے مبینہ طور پر ایک درزی کو تیز دھار دار ہتھیارسے قتل کر دیا تھااور اس کا ویڈیو جاری کرتے ہوئے کہا تھاکہ وہ ‘اسلام کی توہین’ کا بدلہ لے رہے ہیں۔
واقعے کے بعد علاقے میں کشیدگی پھیل گئی تھی، احتیاطی تدابیر کے طور پر انٹرنیٹ بند کرتے ہوئے ایک ماہ کے لیے امتناعی احکامات نافذ کیے گئے ہیں۔ مختلف سیاسی جماعتوں اور مذہبی تنظیموں نے اس واقعے کی شدید مذمت کی ہے۔
واقعہ کی مذمت کرتے ہوئے اجمیر درگاہ کے دیوان زین العابدین علی خان نے منگل کو کہا کہ ہندوستان کے مسلمان ملک میں طالبانی ذہنیت کو کبھی قبول نہیں کریں گے۔
خان نے ایک بیان میں کہا، کوئی بھی مذہب انسانیت کے خلاف تشدد کی حوصلہ افزائی نہیں کرتا، خاص طور پر اسلام میں تمام تعلیمات امن کادرس دیتی ہیں۔خان نے کہا کہ ملزمین کچھ شدت پسند گروہوں کا حصہ تھے جو تشدد کے راستے سے ہی حل تلاش کرتے ہیں۔
جمعیۃ علماء ہند کے جنرل سکریٹری مولانا حکیم الدین قاسمی نے بھی اس قتل کے واقعہ کی مذمت کی ہے۔
انہوں نے ایک بیان میں کہا، جس نے بھی اس واقعے کو انجام دیا اسے کسی بھی طرح سے جائزنہیں ٹھہرایا جا سکتا، یہ ملک کے قانون اور ہمارے مذہب کے خلاف ہے۔ ہمارے ملک میں قانون کی حکمرانی ہے، کسی کو بھی قانون اپنے ہاتھ میں لینے کا اختیارنہیں ہے۔
مولانا حکیم الدین قاسمی نے اس موقع پر ملک کے تمام شہریوں سے اپیل کی کہ وہ اپنے جذبات پر قابو رکھیں اور ملک میں نظم ونسق بنائے رکھنے میں اپنا کردار ادا کریں۔
#उदयपुर की घटना बहुत ही दुर्भाग्यपूर्ण और निंदनीय है: @JamiatUlama_in के महासचिव मौलाना हकीमुद्दीन कासमी ने पवित्र पैगंबर के कथित अपमान के संदर्भ में उदयपुर में की गई हत्या की निंदा की है। उन्होंने कहा, "जिसने भी इस घटना को अंजाम दिया उसे किसी भी तरह से जायज नहीं ठहराया जा सकता pic.twitter.com/xTxMe9u0F3
— Jamiat Ulama-i-Hind (@JamiatUlama_in) June 28, 2022
کیرل کے وزیر اعلیٰ پنارائی وجین نے کہا کہ اس طرح کی حرکتیں صرف خوشگوار ماحول کو خراب کرنے کا کام کریں گی۔
Strongly condemn the barbaric murder in #Udaipur. Request the authorities to take stern action against those responsible. Such heinous acts would only serve to upset our harmonious living. Appeal to everyone to maintain peace and calm and let the law take its course.
— Pinarayi Vijayan (@pinarayivijayan) June 28, 2022
انہوں نے حکام سے ملزمین کے خلاف سخت کارروائی کرنے کی اپیل کرتے ہوئے امن وامان برقرار رکھنے کو کہا۔
آل انڈیا مجلس اتحاد المسلمین کے سربراہ اسدالدین اویسی نے بھوپال میں بلدیاتی انتخابات کے لیے اپنی پارٹی کے لیےمہم چلاتے ہوئے ایک اجتماع سے خطاب کے دوران اس قتل کے واقعہ کی مذمت کی اور ساتھ ہی پیغمبر اسلام کے خلاف بیان دینے والی بی جے پی ترجمان کی گرفتاری کا مطالبہ کیا۔
انہوں نے کہا، میں اس واقعے کی مذمت کرتا ہوں۔ قانون میں کسی کو قتل کرنے کی اجازت نہیں ہے۔ کوئی بھی کسی دوسرے کو نہیں مار سکتا۔ ہم قانون اپنے ہاتھوں میں نہیں لیں گے۔ یہ جرم ہے۔ لیکن ہمارا مطالبہ ہے کہ نوپور شرما کو بھی گرفتار کیا جائے۔
قتل کو ہولناک قرار دیتے ہوئے انہوں نے کہا کہ حکومت کو سخت کارروائی کرنی چاہیے۔ ساتھ ہی یہ بھی کہا کہ اس طرح کے تشدد کی مخالفت کرناایم آئی ایم آئی ایم کا ہمیشہ سے موقف رہا ہے۔
I strongly condemn the Udaipur incident… We hope the Rajasthan govt takes strict action. Had the police been more alert, this wouldn't have happened… Radicalisation is spreading… Nupur Sharma should be arrested; mere suspension was not enough: AIMIM chief Asaduddin Owaisi pic.twitter.com/t8WCPZjoX0
— ANI (@ANI) June 29, 2022
انہوں نے یہ بھی کہا کہ اگر پولیس مزید چوکس ہوتی تو یہ واقعہ پیش نہ آتا۔ انتہا پسندی پھیل رہی ہے۔ نوپور شرما کو صرف معطل کرنا کافی نہیں تھا۔
اس واقعہ کی مذمت کرتے ہوئے کانگریس کے سابق صدر راہل گاندھی نے کہا کہ مذہب کے نام پر بربریت برداشت نہیں کی جاسکتی اور دہشت پھیلانے والوں کو سخت سزا دی جانی چاہیے۔
انہوں نے ٹوئٹ کیا، ادے پور میں پیش آئے قتل کے سنگین واقعے سے بہت صدمے میں ہوں۔ مذہب کے نام پربربریت برداشت نہیں کی جا سکتی۔ اس قدر حیوانیت سے دہشت پھیلانے والوں کو فوراً سخت سزا دی جائے۔
उदयपुर में हुई जघन्य हत्या से मैं बेहद स्तब्ध हूं।
धर्म के नाम पर बर्बरता बर्दाश्त नहीं की जा सकती। इस हैवानियत से आतंक फैलाने वालों को तुरंत सख़्त सज़ा मिले।
हम सभी को साथ मिलकर नफ़रत को हराना है। मेरी सभी से अपील है, कृपया शांति और भाईचारा बनाए रखें।
— Rahul Gandhi (@RahulGandhi) June 28, 2022
راہل گاندھی نے یہ بھی کہا، ہم سب کو مل کر نفرت کوہرانا ہے۔ میں سب سے اپیل کرتا ہوں کہ امن و امان اور بھائی چارہ بنائے رکھیں۔
کانگریس لیڈرپون کھیرا نے ٹوئٹ کیا، کنہیا کمار، اخلاق اور پہلو خان سب اس نفرت کا شکار ہوئے ۔ ملک میں شدت پسندی کا ماحول کون بنا رہا ہے؟ معاشرے میں تنازعات کون پیدا کر رہا ہے؟ یہ کون ہے جو نفرت پھیلا کر سیاسی فائدہ اٹھا رہا ہے؟
انہوں نے کہا،سب جانتے ہیں کہ وہ کون ہے۔ سب دیکھ رہے ہیں، وہ خاموش ہے۔
कन्हैया कुमार, अख़लाक़ और पहलू खान यह सब नफ़रत के शिकार हुए। कौन है जो देश में कट्टरता का माहौल बना रहा है? कौन है जो समाज में विवाद पैदा कर रहा है? कौन है जो नफ़रत फैला कर राजनैतिक लाभ प्राप्त कर रहा है? सब जानते हैं वो कौन है।
सब देख रहे हैं वो मौन है। #उदयपुर— Pawan Khera 🇮🇳 (@Pawankhera) June 28, 2022
کانگریس لیڈر پرینکا گاندھی نے کہا کہ ادے پور میں پرتشدد واقعہ کی مذمت کی جانی چاہیے۔
انہوں نے ٹوئٹ کیا،ادے پور کے پرتشدد واقعے کی جتنی مذمت کی جائے کم ہے۔ مجرموں کو سخت سے سخت سزا ملنی چاہیے۔ مذہب کے نام پر نفرت، تعصب اور تشدد پھیلانے والے منصوبےہمارے ملک اور معاشرے کے لیے مہلک ہیں۔ ہمیں مل کر امن اور عدم تشدد کی کوششوں کو مضبوط کرنا ہوگا۔
उदयपुर में घटी हिंसक घटना की जितनी निंदा की जाए उतनी कम है। दोषियों को सख्त से सख्त सजा मिलनी चाहिए।
धर्म के नाम पर नफरत, घृणा व हिंसा फैलाने वाले मंसूबे हमारे देश व समाज के लिए घातक हैं।
हमें मिलकर शांति व अहिंसा के प्रयासों को मजबूत करना होगा।
— Priyanka Gandhi Vadra (@priyankagandhi) June 28, 2022
ششی تھرور نے بھی اس واقعہ کے خلاف ٹوئٹ کیا۔ انہوں نے کہا کہ قاتلوں کو کڑی سے کڑی سزا دی جائے۔
تھرور نے ٹوئٹر پر کہا، میں ادے پور میں دکاندار کنہیا لال کے دو مسلم نوجوانوں کے ہاتھوں ہولناک قتل کی مذمت کرتا ہوں، جنہوں نے سوشل میڈیا پر اس قتل کے واقعے کا لرزہ خیز ویڈیو پوسٹ کیا۔
تھرور نے کہا، شدت پسندی اور تشدد کی ہمارے معاشرے میں کوئی جگہ نہیں ہے، فوراً کارروائی کی جانی چاہیے اور کی جا رہی ہے۔
انہوں نے کہا کہ قاتلوں کو مناسب سزا ملنی چاہیے۔ کسی کو اس وہم میں نہیں رہنا چاہیے کہ وہ ایسے جرائم سے بچ سکتا ہے، خواہ کوئی بھی اُکساوے کا معاملہ ہو۔
تھرور نے سوشل میڈیا کمپنیوں سے اپیل کی کہ وہ ویڈیو کو ہٹا دیں تاکہ تشدد نہ بھڑکے۔ انہوں نے کہا کہ پولیس کو اشتعال انگیز بیان دینے والوں کے خلاف بھی کارروائی کرنی چاہیے۔
1/2 I unreservedly condemn the horrific beheading of shopkeeper KanhaiyaLal in Udaipur by two Muslim youth, who then posted a gruesome video of the murder on social media. https://t.co/lC0JFFcNBe
Bigotry &violence have no place in our society. Swift action must be &is being taken— Shashi Tharoor (@ShashiTharoor) June 28, 2022
سماج وادی پارٹی (ایس پی) اور بہوجن سماج پارٹی (بی ایس پی) نے بھی قصورواروں کے خلاف سخت کارروائی کا مطالبہ کیا ہے۔
ایس پی سربراہ اکھلیش یادو نے ٹوئٹر پر لکھا، ادے پور میں وحشیانہ قتل کی جتنی مذمت کی جائے کم ہے۔ آج سماج کے ایک ایک فرد کو آگے آنا ہوگا اور ملک کے بھائی چارے کو نفرت کی بھینٹ چڑھنے سے بچانا ہوگا۔
انہوں نے مزید لکھا کہ ،ایسے جرائم پیشہ عناصر کو بروقت سخت سزا دی جانی چاہیے تاکہ ملک کے امن و چین کے دشمن اس کا فائدہ نہ اٹھا سکیں۔
उदयपुर में जो उन्मादी हत्या हुई है उसकी जितनी निंदा हो वो कम है। आज समाज के हर एक व्यक्ति को आगे आना होगा और देश के भाईचारे को नफ़रत की भेंट चढ़ने से बचाना होगा।
ऐसे आपराधिक तत्वों को समय रहते सख़्त से सख़्त सज़ा दी जाए जिससे देश के अमन-चैन के दुश्मन इसका लाभ न उठा सकें।
— Akhilesh Yadav (@yadavakhilesh) June 28, 2022
بی ایس پی صدر مایاوتی نے بھی اس واقعہ کی سخت مذمت کی ہے اور سبھی سے امن وامان برقرار رکھنے کی اپیل کی ہے۔
انہوں نے سلسلہ وار ٹوئٹ میں کہا، راجستھان کے ادے پور میں ایک درزی کا وحشیانہ قتل بہت افسوسناک ہے، جس کی جتنی مذمت کی جائے کم ہے۔ تمام لوگوں سے تحمل سے کام لینے اور امن و امان برقرار رکھنے کی اپیل ہے۔
ایک اور ٹوئٹ میں انہوں نے کہا، راجستھان کی حکومت کو قصورواروں کو سخت قانونی سزا دینے کے ساتھ ساتھ حالات کو معمول پر رکھنے کے لیے تمام ضروری اقدامات کرنے چاہیے۔
2. राजस्थान की सरकार दोषियों को सख्त कानूनी सजा दिलाना सुनिश्चित करने के साथ-साथ हालात को सामान्य बनाए रखने के लिए सभी ज़रूरी कदम तत्काल उठाए। 2/2
— Mayawati (@Mayawati) June 28, 2022
اس قتل کو ہولناک قرار دیتے ہوئے دہلی کے وزیر اعلیٰ کیجریوال نے ٹوئٹ کیا، ادے پور کا واقعہ بہت ہولناک اور خوفناک ہے۔ مہذب معاشرے میں اس کی کوئی جگہ نہیں۔ ہم اس کی شدیدلفظوں میں مذمت کرتے ہیں۔ اس جرم کے مرتکب افراد کو سخت سے سخت سزا دی جائے۔
उदयपुर की वारदात बेहद भयावह और वीभत्स है। ऐसे नृशंस कृत्य की सभ्य समाज में कोई जगह नहीं है। हम इसकी कड़े शब्दों में निंदा करते हैं। इस वारदात को अंजाम देने वाले अपराधियों को कड़ी सज़ा दी जाए।
— Arvind Kejriwal (@ArvindKejriwal) June 28, 2022
مغربی بنگال کی وزیر اعلیٰ ممتا بنرجی نے بدھ کو واقعے کی مذمت کرتے ہوئے کہا کہ تشدد اور انتہا پسندی ناقابل قبول ہے۔
بنرجی نے ٹوئٹ کیا،تشدد اور انتہا پسندی ناقابل قبول ہے، چاہے کچھ بھی ہو۔ ادے پور میں جو کچھ ہوا میں اس کی مذمت کرتی ہوں۔ قانون اپنا کام کرے گا۔ میں لوگوں سے امن وامان برقرار رکھنے کی اپیل کرتی ہوں۔
Violence and extremism are UNACCEPTABLE, no matter what!
I STRONGLY CONDEMN what happened in Udaipur.
As law takes its own course of action, I urge everyone to maintain peace.
— Mamata Banerjee (@MamataOfficial) June 29, 2022
وہیں، راجستھان کے وزیر اعلیٰ اشوک گہلوت نے بدھ کو کہا کہ ادے پور واقعہ کوئی معمولی واقعہ نہیں ہے اور یہ اس وقت تک نہیں ہو سکتا جب تک کہ ان (ملزمین) کے بین الاقوامی یا قومی سطح پر تعلقات نہ ہوں۔
ان کا کہنا تھا کہ اس واقعے کی تحقیقات اس بات کودھیان میں رکھ کر کی جارہی ہے کہ جن لوگوں نے قتل کیا، ان کی سازش کیا تھی، کس سے ان کے رابطے ہیں، کیا وہ کسی قومی و بین الاقوامی ایجنسی سے رابطے میں ہیں، یہ سب سامنے آ جائے گا۔
بدھ کو جے پور میں امن و امان کی جائزہ میٹنگ سے پہلے نامہ نگاروں سے بات کرتے ہوئے گہلوت نے کہا، ہم اس واقعہ کو سنجیدگی سے لے رہے ہیں۔ یہ واقعہ معمولی نہیں ہے اور جب تک اس کا تعلق بین الاقوامی یا قومی سطح پر کسی ریڈیکل عنصر سے نہ ہو، ایسا نہیں ہو سکتا۔ اس لیے اس کی تحقیقات شروع کر دی گئی ہے۔
گہلوت نے کہا کہ یہ واقعہ بہت بڑا اور سنگین ہے۔ انہوں نے کہا، کل بھی میں نے کہا تھا کہ جتنی مذمت کی جائے کم ہے اور اسی لیے ہم نے ایس آئی ٹی تشکیل دی ہے، ایس آئی ٹی نے اپنا کام شروع کر دیا ہے۔
ملزم گرفتار، این آئی اے تحقیقات کرے گی
معاملے میں ملوث دونوں ملزمین کو پولیس نے حراست میں لے لیا ہے۔ پولیس کے مطابق، ملزمین کو راجسمند ضلع کے بھیم حلقہ سے گرفتار کیا گیا۔
راجسمند کے پولیس سپرنٹنڈنٹ سدھیر چودھری نے بتایا کہ دونوں ملزمین ہیلمٹ پہنے موٹر سائیکل پر فرار ہونے کی کوشش کر رہے تھے لیکن بھیم علاقے میں ناکہ بندی کے دوران پکڑے گئے۔
انہوں نے کہا، ہم نے ملزم کی شناخت کر لی ہے۔ ملزمین کی تلاش میں 10 ٹیمیں تعینات کی گئی تھیں۔
دریں اثنا، مرکزی حکومت نے کیس کی تحقیقات قومی تحقیقاتی ایجنسی (این آئی اے) کو سونپ دی ہے۔
MHA has directed the National Investigation Agency (NIA) to take over the investigation of the brutal murder of Shri Kanhaiya Lal Teli committed at Udaipur, Rajasthan yesterday.
The involvement of any organisation and international links will be thoroughly investigated.
— गृहमंत्री कार्यालय, HMO India (@HMOIndia) June 29, 2022
اس حوالے سے وزارت داخلہ کے دفتر نے بدھ کو ایک ٹوئٹ میں لکھا، اس معاملے میں کسی بھی تنظیم کے ملوث ہونے اور بین الاقوامی رابطے کی تحقیقات کی جائے گی۔
(خبررساں ایجنسی بھاشاکے ان پٹ کے ساتھ)
Categories: خبریں