بی ایس پی ایم پی دانش علی کے خلاف جنوبی دہلی کے لوک سبھا ایم پی رمیش بدھوڑی کی جانب سے ہیٹ اسپیچ کے باوجود ان پرکوئی کارروائی نہیں کی گئی ہے۔ لوک سبھا اسپیکر اوم برلا نے بدھوڑی کو خبردار کیا ہےکہ اگر ایسا دوبارہ ہوا تو ‘سخت کارروائی’ کی جائے گی، لیکن اس معاملے پر کی گئی کارروائی کے بارے میں کچھ نہیں کہا۔
![بی جے پی ایم پی رمیش بدھوڑی۔ (تصویر بہ شکریہ: فیس بک)](http://thewireurdu.com/wp-content/uploads/2023/09/Ramesh-Bidhuri.jpg)
بی جے پی ایم پی رمیش بدھوڑی۔ (تصویر بہ شکریہ: فیس بک)
نئی دہلی: بھارتیہ جنتا پارٹی (بی جے پی) کے لوک سبھا ایم پی رمیش بدھوڑی نے گزشتہ جمعرات (21 ستمبر) کی رات بہوجن سماج پارٹی (بی ایس پی) کے ایم پی دانش علی کے خلاف پرتشدد اورمسلم مخالف نازیبا کلمات کا استعمال کیا۔ بدھوڑی کے لفظوں کو لوک سبھا کی کارروائی کے ایک حصے کے طور پر نشر کیا گیا تھا۔
کارروائی کے دوران بدھوڑی کو چیختے ہوئے سنا جا سکتا ہے، ‘یہ اُگروادی (انتہا پسند)، آتنک وادی (دہشت گرد) ہے، اُگروادی ہے، یہ آتنک وادی ہے۔’انہوں نےمبینہ طور پر علی کو ‘ملاآتنک وادی’، بھ٭وا (دلال) اور کٹوا’ بھی کہا۔
جنوبی دہلی کے ایم پی بدھوڑی نے یہ بھی کہا، ‘ باہر پھینکو اس ملے کو۔’
ویڈیو میں کانگریس لیڈر کوڈی کنل سریش جو اسپیکر کی کرسی پر تھے، کو ایم پی دانش علی اور دیگر ممبران پارلیمنٹ کو بیٹھنے کے لیے کہتے ہوئے دیکھا جاسکتا ہے۔ بعد میں انہوں نے کہا کہ انہوں نے اس بات کو یقینی بنانے کو کہا ہےکہ بدھوڑی کے تبصروں کو ریکارڈ سے ہٹا دیا جائے۔
BJP MP @rameshbidhuri calling MP Danish Ali a “Bharwa” (pimp), “Katwa” (circumcised), “Mullah Atankwadi” & “Mullah Ugrawadi” ON RECORD in Lok Sabha last night.
Keeper of Maryada @ombirlakota Vishwaguru @narendramodi & BJP Prez @JPNadda along with GodiMedia- any action please? pic.twitter.com/sMHJqaGdUc
— Mahua Moitra (@MahuaMoitra) September 22, 2023
پارلیامنٹ میں ہیٹ اسپیچ کے باوجود بی جے پی نے بدھوڑی کے خلاف کوئی کارروائی نہیں کی ہے، حالانکہ مرکزی وزیر دفاع اور لوک سبھا کے ڈپٹی لیڈر راج ناتھ سنگھ نے ان کے ریمارکس پر ‘افسوس’ کا اظہار کیا ہے۔
سنگھ نے کہا، ‘اگر ممبر (بدھوڑی) کے تبصرے سے اپوزیشن کو تکلیف پہنچی ہے تو میں افسوس کا اظہار کرتا ہوں۔’ انھوں نے یہ بھی کہا کہ انھوں نے خود یہ تبصرہ نہیں سنا ہے۔
خبر رساں ایجنسی پی ٹی آئی نے بتایا کہ لوک سبھا اسپیکر اوم برلا نے بدھوڑی کو خبردار کیا کہ اگر ایسا دوبارہ ہوا تو ‘سخت کارروائی’ کی جائے گی، لیکن اس معاملے پر کی گئی کارروائی کے بارے میں کچھ نہیں بتایا۔
اپنے خلاف بدسلوکی اور نازیبا کلمات کے بارے میں بی ایس پی ایم پی دانش علی نے لوک سبھا اسپیکر اوم برلا کو ایک خط لکھ کر درخواست کی ہے کہ بدھوڑی کے تبصرے لوک سبھا کی استحقاق کمیٹی کو بھیجے جائیں۔
انہوں نے کہا کہ یہ واقعہ انتہائی افسوسناک ہے اور یہ حقیقت ہے کہ یہ سب اسپیکر کے طور پرآپ کی قیادت میں پارلیامنٹ کی نئی عمارت میں پیش آیا ہے، اس عظیم ملک کے ایک اقلیتی رکن اور ایک منتخب ایم پی ہونے کے ناطے یہ میرے لیے بھی واقعی دل دہلا دینے والا ہے۔
انہوں نے خط میں لکھا، ‘چونکہ ایک تجربہ کار ممبر کو ڈسپلن کرنے کا یہی واحد طریقہ ہے، تاکہ ہمارے ملک کا ماحول مزید خراب نہ ہو۔ میری آپ سے گزارش ہے کہ اس معاملے کی تحقیقات کا حکم دینے کی مہربانی کریں۔’
![بی ایس پی رکن پارلیامنٹ دانش علی کا لوک سبھا اسپیکر اوم برلا کو لکھا خط۔](http://thewireurdu.com/wp-content/uploads/2023/09/Danish-Ali-Ramesh-Bidhuri-Loksabha.jpg)
بی ایس پی رکن پارلیامنٹ دانش علی کا لوک سبھا اسپیکر اوم برلا کو لکھا خط۔
کانگریس لیڈر جے رام رمیش نے راج ناتھ سنگھ کی معافی کو ‘فریب’ قرار دیا۔ انہوں نے نامہ نگاروں سے کہا، ‘بدھوڑی نے جو کہا وہ پوری طرح سےشرمناک ہے۔ راجناتھ سنگھ کی معافی قابل قبول نہیں ہے، یہ معافی بادل نخواستہ ہے۔ یہ دکھاواہے۔
جے رام رمیش نے مزید کہا، ‘رمیش بدھوڑی نے ایسی زبان کا استعمال کیاہے، جو نہ صرف پارلیامنٹ کی بلکہ ہر ہندوستانی کی توہین ہے۔’ انہوں نے حیرت کا اظہار کیا کہ ایم پی کو ابھی تک سسپنڈ کیوں نہیں کیا گیا۔
کمیونسٹ پارٹی آف انڈیا (مارکسسٹ) نے کہا کہ بدھوڑی کو گرفتار کیا جانا چاہیے، کیونکہ پارلیامانی استحقاق نفرت پھیلانے والی تقریر تک نہیں بڑھ سکتا۔
No Privilege for Hate Speech
Arrest Ramesh BidhuriFilthy abusive language used by BJP MP Ramesh Bidhuri against Danish Ali ( BSP) on the floor constitutes the worst kind of hate speech indicted by the SC. No MP can claim privilege for such speech. He should be arrested. pic.twitter.com/7VrbYJw05E
— CPI (M) (@cpimspeak) September 22, 2023
ویڈیو میں بدھوڑی کی جانب سے دانش علی کے خلاف نازیبا الفاظ استعمال کرنے کے دوران بی جے پی ایم پی ہرش وردھن کو ہنستے ہوئے دیکھا جا سکتا ہے ۔ کچھ سوشل میڈیا صارفین نے اس کی وجہ سے ان کو تنقید کا نشانہ بنایا ہے۔
بدھوڑی کی جانب استعمال کی گئی فرقہ وارانہ زبان کے بارے میں کچھ کہے بغیر ہرش وردھن نے دعویٰ کیا کہ دونوں ارکان پارلیامنٹ نے ایک دوسرے کے خلاف غیر پارلیامانی زبان کا استعمال کیا تھا۔ اس کے بعد انہوں نے بتایا کہ کیسے ان کے کئی مسلمان دوست ہیں۔
انگریزی میں پڑھنے کے لیے یہاں کلک کریں۔
Categories: خبریں