سال 2022 میں ہندوستان میں نوجوانوں کی بے روزگاری کی شرح 23.22 فیصد تھی جو پاکستان (11.3فیصد)، بنگلہ دیش (12.9فیصد) اور بھوٹان (14.4فیصد) سے کہیں زیادہ تھی۔ اسی سال چین میں بے روزگاری کی شرح 13.2 فیصد تھی۔
(السٹریشن بشکریہ: پکسابے)
نئی دہلی: ورلڈ بینک کے اعداد و شمار سے پتہ چلتا ہے کہ 2022 میں ہندوستان میں نوجوانوں کی بے روزگاری کی شرح 23.22 فیصد تھی، جو اس کے پڑوسی ممالک پاکستان (11.3فیصد)، بنگلہ دیش (12.9فیصد) اور بھوٹان (14.4فیصد) سے زیادہ تھی۔
رپورٹ کے مطابق، اسی سال چین میں بے روزگاری کی شرح 13.2 فیصد، سیریامیں22.1 فیصد، انڈونیشیا میں 13 فیصد، ملائیشیا میں 11.7 فیصد، ویتنام میں 7.4 فیصد، جنوبی کوریا میں 6.9 فیصد اور سنگاپور میں6.1 فیصد رہی۔
یہ ڈیٹا انٹرنیشنل لیبر آرگنائزیشن (آئی ایل او) سے لیا گیا ہے۔
نوجوانوں کی بے روزگاری کی شرح سے مراد افرادی قوت میں شامل وہ افراد ہیں جن کی عمریں 15 سے 24 سال ہیں اور ان کے پاس نوکری نہیں ہے، لیکن وہ سرگرمی سے نوکری کی تلاش کر رہے ہیں۔
لوک نیتی-سی ایس ڈی ایس سروے میں پایا گیا ہے کہ 15-34 سال کی عمر کے تقریباً 36فیصد ہندوستانیوں کا ماننا ہے کہ ملک میں نوجوانوں کی بے روزگاری سب سے بڑا مسئلہ ہے۔ یہ سروے نوجوان ہندوستانیوں کی کیریئر کی خواہشات، ملازمت کی ترجیحات اور توقعات کا تجزیہ کرنے کے لیے کیا گیا تھا۔
(انگریزی میں پڑھنے کے لیےیہاں کلک کریں۔)
Categories: خبریں