وزیر اعظم نریندر مودی نے اتوار کو وارانسی سے کاشی مہاکال ایکسپریس کوروانہ کیا۔ اس میں ایک سیٹ بھگوان شیو کے لئے بھی ریزرو ہے۔ شمالی ریلوے کے لئےترجمان دیپک کمار نے بتایا کہ سیٹ پر ایک مندر بھی بنایا گیا ہے تاکہ لوگ اس بات سے واقف ہوں کہ یہ سیٹ مدھیہ پردیش کی اجین کے مہاکال کے لیےہے۔
اپنے پارلیامانی حلقہ وارانسی میں مہاکال ایکسپریس کو ہری جھنڈی دکھاتےوزیر اعظم نریندرمودی ، ان کے ساتھ اتر پردیش کی گورنر آنندی بین پٹیل اور وزیراعلیٰ یوگی آدتیہ ناتھ(فوٹو : پی ٹی آئی)
نئی دہلی: وزیر اعظم نریندر مودی نے اتوار کو کہا کہ دنیابھرکے تمام دباؤ کے باوجود ان کی حکومت ترمیم شدہ شہریت قانون (سی اے اے)اورجموں و کشمیر سے آرٹیکل 370 ہٹانے کے فیصلوں پر قائم ہے اور آگے بھی رہےگی۔اپنے پارلیامانی حلقہ وارانسی میں وزیر اعظم نے پنڈت دین دیال اپادھیائےمیموریل سینٹر کو ملک کو وقف کرنے اور مختلف ترقیاتی منصوبوں کا افتتاح اور سنگ بنیاد رکھنے کے بعد کہا،ملک آج وہ فیصلے بھی لے رہا ہے جو ہمیشہ پیچھے چھوڑ دیےجاتے تھے۔ جموں و کشمیر سے آرٹیکل 370 ہٹانے کا فیصلہ ہو یا پھر شہریت ترمیم قانون (سی اے اے)، سالوں سےملک کو ان فیصلوں کا انتظار تھا۔
انہوں نے کہا،ملک کے مفاد میں یہ فیصلے ضروری تھے اور دنیا بھرکے تمام دباؤ کے باوجود ہم ان فیصلوں پر قائم ہیں اور قائم رہیںگے۔ملک کے مختلف حصوں میں سی اے اے کے خلاف جاری غیر معینہ مدت مظاہرہ کےمدنظر وزیر اعظم کا یہ بیان بہت اہم ہے۔مودی نے آر ایس ایس کے مفکر پنڈت دین دیالاپادھیائے کے انتیودیہ کے اصول کو اپنی حکومت کے ارادوں سے جوڑتے ہوئے کہا کہ دین دیال جس طرح انتیودیہ کی بات کرتے تھے، ویسے ہی ملک کے چھوٹے شہروں کا طلوع ہوناملک کی ترقی کو نئی اونچائیوں پر لے جائےگا۔
انہوں نے کہا کہ ملک کے ترقیاتی منصوبوں کا خاص فائدہ ان چھوٹے شہروں اوران میں رہنے والے لوگوں کو ہی ہوا ہے۔ ابھی حال میں جو بجٹ آیا ہے، اس میں حکومت نے اعلان کیا ہے کہ بنیادی ڈھانچے کی تعمیر پر 100 لاکھ کروڑ روپے سے زیادہ رقم خرچ کی جائےگی۔ اس کا بہت بڑا حصہ ملک کے چھوٹے شہروں کے کھاتے میں ہی جانےوالا ہے۔ حکومت کی’میک ان انڈیا’ اور ‘کرنسی’ سمیت مختلف اسکیموں کا ذکر کرتےہوئے انہوں نے کہا کہ دین دیال کہتے تھے کہ خود انحصاری اور سیلف ہیلپ تمام اسکیموں کے مرکز میں ہونا چاہیے۔ ان کے ان خیالات کو حکومت کی اسکیموں اور طریقہ کار میں مسلسل لانے کی کوشش کی جا رہی ہے۔ مجھے اعتماد ہے کہ پنڈت دین دیال کی روح جہاں بھی ہوگی، ہمیں مسلسل دعا دیتی رہےگی۔
وزیر اعظم نے تقریباً1250 کروڑ روپے کی لاگت والےتقریباً50 مختلف منصوبوں کا سنگ بنیاد رکھااور اس کاافتتاح کیا۔ ان میں کاشی ہندو یونیورسٹی میں 430 بستروں والا سپر اسپیشیلٹی سرکاری ہاسپٹل اور یونیورسٹی میں 74 بستروں والاذہنی امراض سے متعلق ہاسپٹل بھی شامل ہے۔مودی نے ایک ویڈیو لنک کے ذریعے آئی آر سی ٹی سی کی’مہاکال ایکسپریس ‘ کوبھی ہری جھنڈی دکھائی۔ ملک کی پہلی اوورنائٹ نجی ریل گاڑی تین جیو ترلنگ تیرتھ مقامات وارانسی، اجین اور اونکاریشور کو جوڑےگی۔
اس کے پہلے، مودی نے ویرشیو کمیونٹی کے جنگمباڑی مٹھ میں منعقد شری جگدگروشورادھی گروکل کی صدی تقریب کے اختتام پر کہا کہ ہندوستان کی صحیح پہچان کو آنے والی نسل تک پہنچانے کی ذمہ داری ہم سبھی پر ہے۔ ملک صرف حکومت سے نہیں بنتا، بلکہ ایک-ایک شہری کی تہذیب سے بنتا ہے۔ ایک شہری کے طور پر ہمارا رویہ ہی نئے ہندوستان کی سمت طے کرےگا۔
انہوں نے شری سدھانت شکھ منی گرنتھ کے 19 بھاشاؤں میں ترجمہ شدہ ایڈیشن اور اس کے موبائل اپلی کیشن کا افتتاح کیا۔ بھگتی سے آزادی کاراستہ دکھانے والے اس علم فلسفہ کو آنے والی نسل تک پہنچایا جانا چاہیے۔ ایک موبائل اپلی کیشن کے ذریعے یہ فلسفہ نوجوانوں تک پہنچکر ان کو ترغیب دےگا۔وزیر اعظم نے آبی تحفظ میں لوگوں کی خدمات کی اہمیت کا ذکر کرتے ہوئے کہاکہ ہمیں پانی کی بچت اور اس کی تنظیم نو پر دھیان دینا ہوگا۔ گھر ہوں، کھیت ہوں یادوسری جگہ ہوں ہمیں پانی بچانے پر دھیان دینا ہے۔ ملک میں اتنی بڑی مہم کو صرف حکومت نہیں چلا سکتی۔ ان کی کامیابی کے لئے عوام کی شرکت ضروری ہے۔ ہندوستان کو سوکھاسے آزادکرنے میں ہرایک شہری کی شراکت اہم ہے۔
مودی نے سودیشی اپنانے پر زور دیتے ہوئے کہا کہ ملک میں بنا سامان، ہمارےبنکروں اور دستکاروں کے بنائے سامان کا استعمال کریں۔ سبھی سے اپیل ہے کہ آپ مقامی سطح پر بنی چیزیں خریدیں۔ ہمارے ملک میں عالمی سطح کی پیداوار ہو رہی ہے،ہمیں یہ ذہنیت بدلنی ہوگی کہ دوسرےملک میں بنی چیزیں بہتر ہوتی ہیں۔ایودھیا میں رام مندر تعمیر کے تناظر میں وزیر اعظم نے کہا کہ آج ملک میں ایسے فیصلے ہو رہے ہیں، ان پرانے مسائل کا حل کیا جا رہا ہے، جن کا کسی نے تصورنہیں کیا تھا۔ رام مندر تنازعہ دہائیوں سے عدالتوں میں الجھا ہوا تھا، لیکن اب مندر تعمیر کا راستہ صاف ہو گیا ہے۔
انہوں نے کہا کہ یہ ہمارے سنتوں کی دعا سے ہوا ہے۔ ایودھیا میں حکومت کے ذریعے مقبوضہ 67 ایکڑ زمین تشکیل نو ٹرسٹ کو سونپ دی جائےگی۔دونوں پروگراموں کو وزیراعلیٰ یوگی آدتیہ ناتھ نے بھی خطاب کیا۔ شیوکمیونٹی کے پروگرام کے دوران کرناٹک کے وزیراعلیٰ بی ایس یدیورپا بھی موجود تھے۔
مودی نے کاشی مہاکال ایکسپریس روانہ کی، ایک سیٹ بھگوان شیو کے لئے ریزرو
وزیر اعظم نریندر مودی نے اتوار کو وارانسی سے کاشی مہاکال ایکسپریس کوروانہ کیا۔ اس میں ایک سیٹ بھگوان شیو کے لئے بھی ریزرو ہے۔ یہ ایکسپریس دوریاستوں کے تین جیو ترلنگ کا سفر کرےگی۔ ٹرین میں بھگوان شیو کے لئے سیٹ ریزرو کرنے کے نئے خیال کے بعد ریلوےانتظامیہ اس پر غور کر رہی ہے کہ ٹرین میں مستقل طور پر ‘ بھولے بابا ‘ کے لئے ایک سیٹ ریزرو کی جائے۔
یہ ٹرین اندور کے قریب اونکاریشور، اجین میں مہاکالیشور اور وارانسی میں کاشی وشوناتھ کو جوڑےگی۔ شمالی ریلوے کے لئے ترجمان دیپک کمار نے بتایا کہ کوچ نمبر بی5 کی سیٹ نمبر 64 بھگوان کے لئےخالی کی گئی ہے۔ ریلوے نے آئی آر سی ٹی سی کے ذریعے چلائی جارہی تیسری سروس شروع کی ہے۔ یہ ٹرین اتر پردیش کے وارانسی سے مدھیہ پردیش کے اندور تک جائےگی۔
کمار نے کہا، ‘ ایسا پہلی بار ہوا ہے جب ایک سیٹ بھگوان شیو کے لئے ریزرواور خالی رکھی گئی ہے۔’
انہوں نے کہا، سیٹ پر ایک مندر بھی بنایا گیا ہے تاکہ لوگ اس بات سےواقف ہوں کہ یہ سیٹ مدھیہ پردیش کی اجین کے مہاکال کے لئے ہے۔ ‘ کمار نے کہا کہ ایسا مستقل طور پر کرنے کے لئے غور کیا جا رہا ہے۔ وارانسی سے اندور کے درمیان ہفتے میں تین بار چلنے والی اس ٹرین میں بھگتی بھاؤ والی ہلکی آواز سے موسیقی بجےگی اور ہرایک کوچ میں دو پرائیویٹ گارڈ ہوںگے اور مسافروں کوویج کھانا دیاجائےگا۔
(خبررساں ایجنسی بھاشا کے ان پٹ کے ساتھ)
Categories: خبریں