رام دیو جی! اپنے کام سے کام رکھیے
ایک بڑے کاروباری ادارے کے مالک رام دیو کے نام ایمس کے ڈاکٹرکا کھلا خط۔
سی اے اے: غیر مسلم پناہ گزینوں سے شہریت کی درخواست طلب کرنے پر مسلم لیگ نے عدالت کا رخ کیا
گزشتہ28 مئی کو مرکزی حکومت نے 13اضلاع میں رہ رہے افغانستان، بنگلہ دیش اور پاکستان کے غیرمسلموں سے ہندوستانی شہریت کے لیےدرخواست طلب کرنے سےمتعلق نوٹیفکیشن جاری کیا ہے۔ انڈین یونین مسلم لیگ کی جانب سے مانگ کی گئی ہے کہ جب تک سی اے اے کے آئینی جواز کوچیلنج دینے والی عرضی عدالت میں زیرالتواہے تب تک مرکز کو شہریت سے متعلق نئے فیصلے پر روک لگانے کی ہدایت دی جائے۔
کووڈ 19: یہ بتانے کی کوشش جاری ہے کہ لوگوں نے جس سانحے کا سامنا کیا اس میں سرکار کا کوئی قصور نہیں
وہاٹس ایپ یونیورسٹی کے ذریعےیہ بتایا جا رہا ہے کہ یہ عالمی وبا ہے اور ہر ملک متاثر ہے، اس لیے مودی جی بیچارے کیا کر سکتے ہیں۔ اس نیریٹو سے سرکار کی ناکامی پر پردہ ڈالنے کی کوشش جاری ہے، جبکہ سچائی یہ ہے کہ دنیا میں کووڈ کی دوسری لہر کا سب سے زیادہ اثر ہندوستان پر ہی پڑا ہے۔ جس ملک میں صحت عامہ کا نظام مضبوط ہے، وہاں اس کا اثر نسبتاً کم ہوا۔
کووڈ کی وجہ سے نو ہزار سے زیادہ بچے بے سہارا اور یتیم ہوئے: این سی پی سی آر
نیشنل کمیشن فار پروٹیکشن آف چائلڈ رائٹس(این سی پی سی آر)نے سپریم کورٹ کو بتایا کہ 29 مئی تک صوبوں کی جانب سے فراہم کیے گئے اعدادوشمار کے مطابق 9346 ایسے بچے ہیں جو کوروناکی وجہ سے بےسہارا اور یتیم ہو گئے ہیں یا پھر اپنے والدین میں سے کسی ایک کو کھو دیا ہے۔ ایسے سب سے زیادہ 2110 بچے اتر پردیش میں ہیں۔
بہار: سات لاکھ کی ایمبولینس مبینہ طور پر 21 لاکھ میں خریدی گئی، بنا استعمال پارکنگ میں کھڑی
بہار سرکار کے سابق وزیر وکرم کنور نے وزیر اعلیٰ نتیش کمار اور محکمہ نگرانی کے پرنسپل سکریٹری سمیت دیگر اعلیٰ عہدیداروں کو خط لکھ کر ایمبولینس کی خریداری میں عہدے کاغلط استعمال کرتے ہوئے منصوبہ بند سازش کے تحت سرکاری پیسوں کےنقصان کا الزام لگایا ہے۔ ان کا الزام ہے کہ بلنگ کی رقم بڑھانے کے لیے انشورنش اور آرٹی او کا خرچ بڑھا کر دکھایا گیا۔
ندی میں لاش پھینکنے کی رپورٹ دیکھی، پتہ نہیں چینل کے خلاف سیڈیشن کا مقدمہ دائر ہوا ہے یا نہیں: کورٹ
یہ تبصرہ سپریم کورٹ کے جسٹس ڈی وائی چندرچوڑ نے کیا، جو اس تین رکنی بنچ کی سربراہی کر رہے ہیں جو کووڈ 19مینجمنٹ پر از خود نوٹس لے کرشنوائی کر رہی ہے۔
دہلی: ڈرگ کنٹرولر کے گوتم گمبھیر کو کلین چٹ دینے پر عدالت کی سرزنش، دوبارہ جانچ کا حکم
دہلی ہائی کورٹ نے بی جے پی ایم پی گوتم گمبھیر کے پاس بڑی مقدار میں فیبی فلو ملنے کی جانچ کرنے والے ڈرگ کنٹرولرکی رپورٹ کوخارج کرتے ہوئے کہا کہ اس ادارے سے عدالت کا بھروسہ ڈگمگا گیا ہے۔ کورٹ نے یہ بھی کہا کہ خود کو مددگار دکھانے کے لیے حالات کا فائدہ اٹھانے کے رجحان کی سخت مذمت ہونی چاہیے۔
میڈیا پر تھا اعتراض لیکن خود مرکز نے کورونا کی نئی قسم کو ’انڈین اسٹرین‘ بتایا تھا
مرکزی حکومت کی جانب سے سپریم کورٹ میں اس سلسلے میں حلف نامہ دائر کرنے کے تین دن بعد وزارت صحت نے ان میڈیا رپورٹ پر شدید اعتراض کیا تھا، جن میں کورونا وائرس کی ایک صورت ‘بی1.617’ کو ‘انڈین ویرینٹ’ کہا گیا تھا۔ سرکار نے سوشل میڈیا کمپنیوں سے کہا تھا کہ وہ اپنے پلیٹ فارم سے ‘انڈین ویرینٹ’سے متعلق مواد کو فوراً ہٹا دیں۔
گنگا کنارے دفن لا شوں کو میڈیا میں ’ایجنڈہ‘ کے تحت دکھایا گیا: آر ایس ایس
آر ایس ایس کےایک عہدیدارنریندر کمار نے ایک پروگرام کے دوران کہا کہ گنگا کنارے لاشیں ملنے کی ایسی تصویریں سال 2015 اور 2017 میں بھی سامنے آئی تھیں، لیکن تب میڈیا نے ایسا نہیں کیا تھا۔
کووڈ: سرکاری وعدوں کے باوجود مستقبل قریب میں ویکسین کی قلت کا کوئی حل نظر نہیں آتا
مرکز نے اگست سے دسمبر کے بیچ2.2ارب ٹیکے دستیاب کروانے کی بات کہی ہے، لیکن یہ نہیں بتایا کہ ان میں سے کتنے ملک میں بنیں گے اور کتنے امپورٹ کیے جائیں گے۔ اس بات میں کوئی شبہ نہیں ہے کہ ٹیکوں کی موجودہ قلت نومبر 2020 سے جنوری 2021 کے بیچ کمپنیوں کو ویکسین کا پری آرڈر دینے میں مودی سرکار کی ناکامی کا نتیجہ ہے۔
ندیوں میں تیرتی لاشوں کا معاملہ: سپریم کورٹ میں احترام کے ساتھ آخری رسومات کے لیے کمیٹی بنانے کی عرضی دائر
ایک وکیل کی جانب سے دائر عرضی میں کہا گیا ہے کہ احترام کے ساتھ آخری رسومات کے لیے پنچایت، صوبہ اور مرکز کی سطح پر سہ سطحی کمیٹی کا قیام کیا جائے۔ انہوں نے یہ بھی مانگ کی ہے کہ گنگا ندی کے علاقے کو ماحولیاتی نقطہ نظر سے حساس علاقہ قرار دیا جائے، جس کو تحفظ اور نگرانی فراہم کرنے کی ضرورت ہے۔
رام دیو کے ایلوپیتھی والےبیان کی مخالفت میں ڈاکٹر کریں گے ملک گیر مظاہرہ، بنگال میں بھی شکایت درج
ایلوپیتھی پر یوگ گرو رام دیو کےتبصرے سے ناراض ریزیڈنٹ ڈاکٹروں کے ایسوسی ایشن کے کنفیڈریشن نے کہا ہے کہ وہ ایک جون کو ملک بھر میں مظاہرہ کریں گے۔ انہوں نے رام دیو سے بنا شرط عوامی طور پر معافی مانگنے کو بھی کہا ہے۔ اسی بیان پر آئی ایم اے کی مغربی بنگال اکائی نے پولیس میں شکایت درج کروائی ہے۔
ایلوپیتھی تنازعہ: ٹی وی پر رام دیو کو ڈانٹنے والے ڈاکٹر جیش لیلے کا کیا کہنا ہے …
ویڈیو: رام دیو نے ایلوپیتھک دواؤں پر اپنے بیان کو بھلے ہی واپس لے لیا، لیکن تنازعہ ابھی ختم ہوتا نہیں دکھ رہا ہے۔ گزشتہ دنوں انڈین میڈیکل ایسوسی ایشن(آئی ایم اے)کےجنرل سکریٹری ڈاکٹر جیش لیلے نے ایک ٹی وی بحث کے دوران رام دیو کی سرزنش کی تھی۔ ڈاکٹر لیلے سے د ی وائر کی سینئر ایڈیٹر عارفہ خانم شیروانی کی بات چیت۔
سی اے اے کے اصول و ضوابط ابھی طے نہیں، لیکن مرکز نے غیر مسلم پناہ گزینوں کی شہریت کا راستہ کھولا
مرکز کی مودی حکومت نے ایک نوٹیفکیشن جاری کرکے گجرات، چھتیس گڑھ، راجستھان، ہریانہ اور پنجاب کے 13اضلاع میں رہ رہے افغانستان، بنگلہ دیش اور پاکستان کے ہندو، سکھ، بودھ، جین، پارسی اور عیسائی کمیونٹی کے لوگوں کو ہندوستانی شہری کے طور پررجسٹر کرنے کی ہدایت دی ہے۔
گنگا میں ملی لا شوں پر یوپی سرکار نے مرکز سے کہا-مرنے والوں کو ندیوں میں بہانے کا چلن رہا ہے
گزشتہ دنوں بہار اور اتر پردیش میں گنگا اور اس کی معاون ندیوں میں بڑی تعداد میں مشتبہ کورونا متاثرین کی لاش ملنے کے بعد مرکز نے دونوں صوبوں کی سرکار سے اس پر روک لگانے کو کہا تھا۔ جل شکتی منترالیہ کے ساتھ بیٹھک میں یوپی سرکار نے کہا ہے کہ صوبےکے کچھ حصوں میں لاشوں کو بہانے کی روایت رہی ہے۔
کانگریس رہنما راہل گاندھی کے بعد اے آئی ایم آئی ایم سربراہ اویسی نے ٹیکہ کاری کو لے کر وزیر اعظم کو نشانہ بنایا
اس سے پہلے کانگریس رہنما راہل گاندھی نے کہا کہ آپ وزیر اعظم ہیں، آپ ذمہ داری کسی اور پر نہیں ڈال سکتے ہیں۔ آپ ذمہ دار ہیں۔ اب تک ہندوستان کی صرف 3 فیصد آبادی کی ہی ٹیکہ کاری کیوں کی گئی ہے؟ وزیر اعظم نے ٹیکوں کا ایکسپورٹ کیا، کیونکہ وہ یہ سمجھ ہی نہیں پائے کہ ہو کیا رہا ہے۔
ایلوپیتھی والے بیان پر رام دیو کے خلاف شکایت درج، پتنجلی نے کہا- ہتک عزت کی نوٹس کا کرارا جواب دیں گے
انڈین میڈیکل ایسوسی ایشن نے دہلی کے آئی پی اسٹیٹ تھانے میں درج کروائی گئی شکایت میں کہا کہ رام دیو نے کووڈ 19 کی صورتحال کا فائدہ اٹھانے کے لیے ایلوپیتھک دواؤں اور ماڈرن میڈیکل سائنس کےدیگرمتعلقہ علاج ومعالجے کی تکنیکوں کے بارے میں گمراہ کن اور غلط بیان بازی کی ہے۔
سینٹرل انفارمیشن کمیشن نے کورونا سے متعلق آر ٹی آئی معاملوں پر ترجیحی بنیادوں پر شنوائی شروع کی
سینٹرل انفارمیشن کمیشن کا یہ فیصلہ مدراس ہائی کورٹ ذریعے28 اپریل کو جاری اس ہدایت کے بعد آیا ہے، جس میں عدالت نے کہا تھا کہ کورونا معاملوں کی شنوائی کے لیےکمیشن کو ایک خصوصی بنچ کی تشکیل کرنی چاہیے۔آر ٹی آئی کارکن سورو داس نے اس معاملے میں عرضی دائر کی تھی۔داس کو اس لیے ہائی کورٹ کا رخ کرنا پڑا تھا، کیونکہ سی آئی سی ان معاملوں کو ترجیح کی بنیاد پر نہیں لے رہی تھی۔
ٹوئٹر کا مرکز پر ڈرانے-دھمکانے کا الزام، سرکار نے کہا-بیان بے بنیاد اور ملک کی امیج کوخراب کرنے والا
ٹوئٹرنے دہلی پولیس کے‘ٹول کٹ’جانچ معاملے میں اس کے دفاتر میں آنے کو ‘ڈرانے دھمکانے کی چال’بتایا تھا۔ اسے لےکر مودی سرکار نے کہا ہے کہ ٹوئٹر دنیا کی سب سے بڑی جمہوریت پر اپنی شرطیں تھوپنے کی کوشش کر رہا ہے۔ وہیں دہلی پولیس نے کمپنی کے بیان کو سچائی سے پرے بتایا ہے۔
اتر پردیش: اگلے چھ مہینوں تک سرکاری ملازمین کی ہڑتال پر پابندی برقرار
اتر پردیش سرکار نے گزشتہ سال مئی میں چھ مہینے کی مدت کے لیے ای ایس ایم اے نافذ کیا تھا۔ بعد میں نومبر 2020 میں اس کے اہتماموں کو اور چھ مہینے کے لیے بڑھا دیا گیا تھا۔
دہلی: میونسپل کارپوریشنوں میں کووڈ سے ہوئی اموات میں آدھی تعداد صفائی ملازمین کی
دہلی کے شمالی،جنوبی اورمشرقی میونسپل کارپویشنوں کے اعدادوشمار کے مطابق کوروناانفیکشن سے ہوئی کل 94اموات میں سے 49 صفائی ملازمین ہیں۔ اس کے بعد سب سے زیادہ ہیلتھ ورکرز کی کووڈ 19 سے موت ہوئی ہے۔
بنگلورو: کووڈ 19 بیڈ بکنگ گھوٹالے میں بی جے پی ایم ایل اے ستیش ریڈی کا معاون گرفتار
بی جے پی ایم ایل اے ستیش ریڈی کا گرفتار معاون بابو گزشتہ چار مئی کو جنوبی بنگلورو سے بی جے پی ایم پی تیجسوی سوریہ اور پارٹی کے دیگررہنماؤں اور کارکنوں کے ساتھ بنگلورو میونسپل کارپوریشن کے اس کووڈ 19 وار روم پہنچا تھا، جہاں سوریہ نے 16 مسلم ملازمین پرمبینہ کووڈ 19 بیڈ گھوٹالے میں شامل ہونے کا الزام لگایا گیا تھا۔
آئی ایم اے کا مطالبہ، رام دیو پر سیڈیشن کا مقدمہ ہو، رام دیو نے کہا-ان کے باپ بھی نہیں کر سکتے گرفتار
انڈین میڈیکل ایسوسی ایشن نے وزیر اعظم کو خط لکھ کر مانگ کی ہے کہ کووڈ 19 کے ایلوپیتھک علاج کے خلاف پروپیگنڈہ چلانے کے لیے رام دیو پرسیڈیشن کا معاملہ درج ہونا چاہیے۔ ادارے نے رام دیو کو ہتک عزت کا نوٹس بھی بھیجا ہے۔ اس بیچ رام دیو کا ایک اور ویڈیو سامنے آیا ہے، جس میں وہ مبینہ طور پر کہہ رہے ہیں کہ ان کے باپ بھی انہیں گرفتار نہیں کر سکتے۔
یوپی میں ہیلتھ ورکرز کی لاپرواہی، پہلی خوراک میں کووی شیلڈ اور دوسری میں دے دی کوویکسین
اتر پردیش کے سدھارتھ نگر ضلع میں نیپال سے ملحقہ بڑھنی پرائمری ہیلتھ سینٹر کا معاملہ۔ چیف میڈیکل افسرنے اس کو قبول کرتے ہوئے کہا کہ جن لوگوں کو ویکسین لگائی گئی ان میں اب تک کوئی پریشانی دیکھنے کو نہیں ملی ہے۔ اس کے لیےذمہ دار لوگوں سے وضاحت طلب کی گئی ہے۔ قصوروارلوگوں کے خلاف سخت کارروائی کی جائےگی۔
ایک اپریل سے 577 بچوں کے کووڈ 19کی وجہ سے یتیم ہونے کی جانکاری ملی: اسمرتی ایرانی
خواتین و بچوں کی ترقی کی مرکزی وزیرا سمرتی ایرانی نے کہا ہے کہ حکومت ہند ہر اس بچے کی مدد اورتحفظ کے لیے پرعزم ہے جس نے کووڈ 19 کی وجہ سے اپنے والدین کو کھو دیا ہے۔
کووڈ 19: بلیک اور وہائٹ فنگس کے بعد یلو فنگس کے معاملے سامنے آئے
ویڈیو: کورونا وائرس سے جڑے بلیک اور وہائٹ فنگس کے معاملے ملک میں سامنے آنے کے بعد یلو فنگس کے بھی کچھ معاملے درج کیے گئے ہیں۔ صفائی بنائے رکھنے میں ناکام رہنا ان فنگس کے پھیلاؤ کی سب سے اہم وجہ ہو سکتی ہیں۔
آئی ایم اے کی اتراکھنڈ یونٹ نے رام دیو کو ہزار کروڑ روپے کی ہتک عزت کانوٹس بھیجا
انڈین میڈیکل ایسوسی ایشن(اتراکھنڈ)نے رام دیو سے ایلوپیتھی والےبیان پرتحریری معافی کی مانگ کی اور کہا کہ 15 دن کے اندر ایسا نہ ہونے پر 50 لاکھ روپے فی آئی ایم اےممبر کی شرح سے ان سے ہزار کروڑ روپے کا معاوضہ مانگا جائےگا۔ ایسوسی ایشن نے یہ بھی کہا کہ رام دیو تمام توہین آمیزالزامات کی تردید کرتے ہوئے ویڈیو بناکر ان تمام جگہوں پر ڈالیں جہاں پچھلا کلپ نشر ہوا تھا۔
گنگا میں بہہ رہی لاشوں کے لیے ’ننگے راجہ‘ پر انگلی اٹھانے والی گجراتی شاعرہ بی جے پی کے نشانے پر
گنگا میں بہتی لاشوں کو دیکھ کر افسردہ گجراتی شاعرہ پارل کھکر نے اپنی افسردگی کو چودہ مصرعوں کی ایک نظم میں ڈھال دیا ہے، جسے ادیبوں کے علاوہ عام لوگوں نے بھی پسند کیا۔ حالانکہ اس کے بعد بنیادی طور پرغیرسیاسی پارُل مقتدرہ بی جے پی کی ٹرول آرمی کے نشانے پر آ گئیں۔
الہ آباد: کیمرے سے بچنے کے لیے یوگی حکومت نے گنگا کنارے دفن لاشوں پر لگی چنری ہٹوائی
گزشتہ دنوں سوشل میڈیا سے لےکرقومی اوربین الاقوامی میڈیا میں ایسی کئی خبریں، تصویریں اور ویڈیوسامنے آئے ہیں، جس میں یہ دکھایا گیا ہے کہ کس طرح کورونا مہاماری کے بیچ آخری رسومات کا خرچ بڑھنے کی وجہ سے لوگوں کو مجبور ہوکر لاشوں کو گنگا کنارے ریت میں ہی دفن کرنی پڑ رہی ہیں۔ اس کی وجہ سے مرکز کی مودی اور صوبےکی یوگی حکومت کو خوب شرمنداٹھانی پڑی ہے۔ اس سے بچنے کے لیےانتظامیہ اب لا شوں سے چنری ہٹوا رہی ہے۔
ٹول کٹ معاملہ: بی جے پی رہنماؤں کے ٹوئٹ کو ’مینی پولیٹیڈ‘ بتانے پر ٹوئٹر کے دفاتر پر چھاپہ
دہلی پولیس کی اسپیشل سیل کی دو ٹیمیں قومی راجدھانی کے باہری علاقے دہلی کے لاڈو سرائے اور گڑگاؤں واقع ٹوئٹر انڈیا کے دفاتر گئی تھیں۔ اسپیشل سیل کے ایک سینئر افسر نے کہا کہ ہم جاننا چاہتے ہیں کہ ٹوئٹر کے پاس ٹول کٹ کے بارے میں کیا جانکاری ہے اور اس نے کانگریس کے مبینہ ٹول کٹ سے متعلق بی جے پی کے ترجمان سمبت پاترا کے ایک ٹوئٹ کو ‘مینی پولیٹیڈ میڈیا’ کا ٹیگ کیوں دیا ہے۔
ڈرگ کنٹرولر جانچ کرے کہ قلت کے بیچ گوتم گمبھیر کو کووڈ 19 کی دوا کیسے ملی: ہائی کورٹ
دہلی ہائی کورٹ نے کہا کہ بی جے پی ایم پی گوتم گمبھیر اچھی منشا سے دوائیں بانٹ رہے تھے،لیکن مہاماری کے بیچ ان کی جانب سےاٹھائے گئے اس قدم کو عدالت ‘ذمہ دارانہ سلوک’ نہیں مانتی ہے۔ کورٹ نے عام آدمی پارٹی کے اراکین اسمبلی کے خلاف بھی جانچ کے حکم دیے ہیں۔
طبی وسائل کی کمی نے کووڈ مریضوں کو خود آلات خریدنے کو مجبور کیا: ہائی کورٹ
ملک میں کورونا مہاماری کے دوران طبی سہولیات کی کمی کی وجہ سےکچھ لوگوں نے اپنے رشتہ داروں کے لیےبیرون ملک سے آکسیجن کنسنٹریٹر منگایا تھا، جس پر مرکزی حکومت نے ایک مئی سے 12فیصد جی ایس ٹی لگا دیا تھا۔ دہلی ہائی کورٹ نے مرکز کے اس قدم کو غیر آئینی قرار دیتے ہوئے اس سلسلے میں جاری کیے گئے نوٹیفکیشن کو خارج کر دیا ہے۔
وزیر اعظم کے آنسوؤں میں کتنی سچائی ہے؟
ویڈیو:گزشتہ17اپریل کو ملک میں جب کووڈ 19 کے ایک دن میں234692 معاملے آئے تھے اور 1341 لوگوں کی موت ہوئی تھی، تب اتراکھنڈ میں کمبھ میلہ جاری تھا اور دوسری طرف وزیر اعظم نریندر مودی بنگال انتخاب میں اپنی ریلیوں میں جمع ہونے والی بھیڑ کی تعریف کر رہے تھے۔ اب وہ ملک کےحالات پر آنسو بہا رہے ہیں۔
آئی ایم اے اور ایمس سمیت کئی اداروں نے ایلوپیتھی پر رام دیو کے بیان کے لیے کارروائی کا مطالبہ کیا
سوشل میڈیا پر شیئر کیے جا رہے ایک ویڈیو کا حوالہ دیتے ہوئے انڈین میڈیکل ایسوسی ایشن(آئی ایم اے)نے کہا کہ رام دیو کہہ رہے ہیں کہ‘ایلوپیتھی ایک اسٹپڈ اور دیوالیہ سائنس ہے’۔ آئی ایم اے، ایمس، آرڈی اے، دہلی میڈیکل ایسوسی ایشن سمیت کئی اسپتالوں نے وزیر صحت ڈاکٹر ہرش وردھن کو خط لکھ کر رام دیو کے خلاف وبائی ایکٹ کے تحت معاملہ درج کرنے کی مانگ کی ہے۔
سیرم انسٹی ٹیوٹ کے ایگزیکٹو ڈائریکٹر نے کہا- سرکار نے بنا غور کیے بڑھادیا ٹیکہ کاری کا دائرہ
ملک میں کووڈ 19 ٹیکوں کی شدیدقلت کے بیچ پونے واقع سیرم انسٹی ٹیوٹ آف انڈیا کے ایگزیکٹو ڈائریکٹر سریش جادھو نے الزام لگایا ہے کہ سرکار نے ٹیکوں کے دستیاب اسٹاک اور ڈبلیو ایچ او کے گائیڈ لائن کو دھیان میں رکھے بغیرمختلف عمر کے گروپوں کے لوگوں کو ٹیکہ لگانا شروع کر دیا ہے۔
حکومت نے سوشل میڈیا کمپنیوں سے کہا-کورونا وائرس کے ’انڈین ویرینٹ‘ سے متعلق مواد ہٹائیں
الکٹرانکس اینڈ انفارمیشن ٹکنالوجی کی وزارت نےتمام سوشل میڈیا پلیٹ فارم کو خط لکھ کر کہا ہے کہ ڈبلیو ایچ او نے اپنی کسی بھی رپورٹ میں‘انڈین ویرینٹ’کی اصطلاح کو کورونا وائرس کے بی 1.617 ویرینٹ کے ساتھ نہیں جوڑا ہے۔ ادارے نے 11 مئی کو کہا تھا کہ ہندوستان میں پچھلے سال پہلی بار سامنے آیا کو رونا وائرس کا بی1.617ویرینٹ44 ممالک میں پایا گیا ہے اور یہ‘ویرینٹ باعث تشویش ’ہے۔
بدری ناتھ-کیدارناتھ میں کووڈ ضابطہ کی خلاف ورزی پر کورٹ نے کہا، ہم باربار شرمندگی کی وجہ کیوں بن رہے ہیں
اتراکھنڈ ہائی کورٹ نے یہ تبصرہ ان ویڈیوزکی بنیاد پر کیا، جس میں یہ دیکھا جا سکتا ہے کہ چار دھاموں میں سے دو بدری ناتھ اور کیدارناتھ میں بڑی تعداد میں سادھو/پجاری کوروناضابطوں کی خلاف ورزی کرتے ہوئے گھوم رہے ہیں۔ اس کے ساتھ ہی عدالت نے صوبے کے دور دراز کے علاقوں میں رہ رہے لوگوں کی طبی ضرورتوں پر دھیان نہیں دینے کے لیے مرکزی حکومت کی سرزنش کرتے ہوئے کہا کہ وہ پہاڑی علاقوں کے ساتھ سوتیلا سلوک کر رہی ہے۔
’ کانگریس ٹول کٹ‘ سے متعلق سمبت کے ٹوئٹ کو ٹوئٹر نے ’توڑ مروڑ کر پیش کیا گیا‘ قرار دیا
گزشتہ18 مئی کو ایک مبینہ ٹول کٹ کے توسط سے بی جے پی نے کانگریس پر کورونا مہاماری کے دوران عوام کو گمراہ کرنے اور وزیر اعظم نریندر مودی کی امیج کو خراب کرنے کا الزام لگایا تھا۔ کانگریس نے اس ٹول کٹ کو فرضی بتاتے ہوئے ٹوئٹر سے کہا تھا کہ وہ بی جے پی صدر جےپی نڈا اورمرکزی وزیراسمرتی ایرانی سمیت کئی بی جے پی رہنماؤں کے اکاؤنٹ مستقل طور پر سسپنڈ کر دے۔ کانگریس نے اس سلسلے میں دہلی پولیس میں شکایت بھی درج کرائی تھی۔
کووڈ 19: اتراکھنڈ میں 16 ہزار سے زیادہ بچوں کا متاثر ہونا کیا بڑے خطرے کا اشارہ ہے؟
ویڈیو: اتراکھنڈ میں 16 ہزار سے زیادہ بچے کورونا وائرس کی زد میں آگئے ہیں۔ اس واقعہ نے مہاماری کی تیسری لہر آنے کے خدشات کو بڑھا دیا ہے۔
جموں و کشمیر: دہشت گردانہ معاملے میں گرفتار پولیس افسر کو برخاست کیا گیا
جموں وکشمیر پولیس نے جنوری2020 میں پولیس افسر دیویندر سنگھ کو سری نگر جموں ہائی وے پر ایک گاڑی میں دو دہشت گردوں کے ساتھ پکڑا تھا۔ سنگھ پر این آئی اے نے حزب المجاہدین کی مدد کرنے کا الزام لگایا ہے۔