کانگریس نے بنارس سے نریندر مودی کے خلاف اجئے رائے کو دیا ٹکٹ
کانگریس نے اتر پردیش کی گورکھپور لوک سبھا سیٹ سے مدھوسودن تیواری کو انتخابی میدان میں اتارا۔ بی جے پی نے گورکھپور سے اداکار روی کشن کو ٹکٹ دیا ہے۔
سابق نوکر شاہوں نے پرگیہ سنگھ ٹھاکر کی امیدواری رد کرنے کی مانگ کی
سابق نوکر شاہوں نے اپنے کھلے خط میں لکھا ہے کہ پرگیہ نے نہ صرف سیاسی پلیٹ فارم کا استعمال شدت پسندی کو بڑھانے کے لیے کیا بلکہ کرکرے کی یادوں کی توہین بھی کی ہے۔ساتھ ہی پرگیہ کی امیدواری رد کیے جانے کو لے کر شہریوں کے ایک گروپ نے بھی صدر جمہوریہ سے مطالبہ کیا ہے۔
دہشت گردی توقربانی،ریاضت اور ایثار کی علامت ہوتی ہے : بی جے پی رہنما راکیش سنگھ
مدھیہ پردیش میں بی جے پی کے ریاستی صدر راکیش سنگھ نے کہا کہ بھگوا کبھی دہشت گرد نہیں ہوتا، بھگواپہننے والا کبھی دہشت گرد نہیں ہوتا۔
معاوضے میں ملی رقم سے ریپ متاثرین کی مدد کے لئے فنڈ مختص کریں گی بلقیس
گجرات فسادات میں گینگ ریپ کا شکار ہوئیں بلقس بانو نے کہا کہ فرقہ وارانہ تشدد کے دوسرے متاثرین کی مدد کے لئے وہ اپنی پہلی بیٹی صالحہ کی یاد میں ایک فنڈ مختص کریں گی۔ قابل ذکر ہے کہ فسادات کے دوران صالحہ کا قتل کر دیا گیا تھا۔
جھارکھنڈ آدیواسی لنچنگ معاملہ: متاثرین نے کہا، ہمیں پیٹنے والی بھیڑ جئے شری رام کے نعرے لگا رہی تھی
جھارکھنڈ کے گملا ضلعے میں گزشتہ 10 اپریل کو گئو کشی کے شک میں بھیڑ نے کچھ آدیواسیوں پر حملہ کر دیا تھا۔ اس میں ایک آدیواسی کی موت ہو گئی تھی، جبکہ 3 زخمی ہو گئے تھے۔
بی جے پی ایم پی آلوک سنجر نے بھوپال لوک سبھا سیٹ سے پارٹی کے ڈمی امیدوار کے طور پر پرچہ بھرا
مالیگاؤں دھماکے کی ملزم پرگیہ سنگھ ٹھاکر نے بھی بھوپال سے پرچہ داخل کیاہے۔ ڈمی امیدوار کو لےکر مدھیہ پردیش بی جے پی کے چیف ترجمان نے کہا کہ ایسا اس لئے کیونکہ اگر کہیں آفیشیل امیدوار کی نامزدگی کسی تکنیکی یا قانونی وجہوں سے رد ہوتی ہے تو پارٹی کے پاس اختیار موجود ہو۔
سادھوی پرگیہ کو الیکشن لڑنے سے نہیں روک سکتے: این آئی اے کورٹ
پرگیہ ٹھاکر کو الیکشن لڑنے سے روکنے سے متعلق عرضی میں عرضی گزار نے کہا تھا کہ پرگیہ نے اس بنیاد پر ضمانت لی تھی کہ وہ کسی کے سہارے کے بغیر چل بھی نہیں سکتیں،حالانکہ اب وہ اتنی سخت گرمی میں الیکشن لڑ رہی ہیں۔
کمبھ میلے کے بعد جمع کچرے کو ہٹانے کے لئے فوراً قدم اٹھائے یوگی حکومت: این جی ٹی
این جی ٹی نے یہ ہدایت ایک رپورٹ کے حوالے سے دی، جس میں کہا گیا ہے کہ الٰہ آباد کے کچھ سیویج ٹریٹمنٹ پلانٹ میں اتنا آلودہ پانی جمع ہے کہ صرف 50 فیصد کا ہی تصفیہ ہو پا رہا ہے، باقی 50 فیصد آلودہ پانی بنا تصفیہ کے ہی گنگا میں چھوڑا جا رہا ہے۔
ٹکٹ نہ ملنے پر مرکزی وزیر وجئے سامپلا نے کہا-بہت دکھ ہوا بی جے پی نے گئو کشی کر دی
مرکزی وزیر مملکت وجئے سامپلا نے کہا کہ علاقے میں ایئر پورٹ بنوایا، ریل گاڑیاں چلائیں، سڑکیں بنوائیں۔اگر یہی جرم ہے تو میں اپنی آنے والی نسلوں کو سمجھا دوں گا کہ وہ ایسی غلطیاں نہ کریں۔
ووٹنگ کے بعد نریندر مودی کے روڈ شو پر الیکشن کمیشن نے مانگی رپورٹ
الیکشن کمیشن نے کہا ہے کہ احمد آباد میں وزیر اعظم نریندر مودی کے منی روڈ شو کی جانچ کی جا رہی ہے۔ اپنا ووٹ ڈالنے کے بعد وزیر اعظم مودی نے ایک کھلی جیپ کی سواری کی، سڑک پر چلے اور یہاں تک کہ ایک چھوٹی سی تقریر بھی کی۔
ٹکٹ نہ ملنے سے ناراض ادت راج نے بی جے پی چھوڑی، کانگریس میں شامل
شمال مغربی دہلی لوک سبھا سیٹ سے ٹکٹ نہ ملنے سے ناراض ادت راج نے بی جے پی چھوڑ دی ہے۔ ان کی جگہ ر ہنس راج ہنس کو اس سیٹ سے ٹکٹ دیا گیا ہے۔
کشمیر: قومی شاہراہ پر شہریوں کی آمدورفت پر پابندی، عدالت نے مرکز اور ریاست سے جواب مانگا
پلواما حملے کے بعد گزشتہ 3 اپریل کو جموں و کشمیر حکومت نے لوک سبھا انتخابات کے دوران سکیورٹی فورسز کی آمد ورفت کے مدنظر ہفتے میں دو دن قومی شاہراہ نمبر 44 پر شہریوں کی آمدورفت پر پابندی لگا دی ہے۔ سپریم کورٹ میں داخل عرضی میں کہا گیا ہے کہ ایسا قدم کارگل جنگ کے وقت بھی نہیں اٹھایا گیا تھا۔
سری لنکا سیریل بلاسٹ: دہشت گرد تنظیم داعش نے لی حملے کی ذمہ داری
سری لنکا اسٹیٹ منسٹر آف ڈیفنس نے کہا کہ اسلامک فنڈامنٹلسٹ گروپ نے ان حملوں کو انجام دیا حالانکہ انھوں نے اس پر کوئی ثبوت یا اطلاع کے ذرائع کے بارے میں نہیں بتایا۔
میڈیا بول: بی جے پی رہنماؤں کے فرقہ وارانہ بیانات پر الیکشن کمیشن کی خاموشی
ویڈیو: میڈیا بول کے اس ایپی سوڈ میں سنیے بھوپال سے بی جے پی امیدوار پرگیہ ٹھاکر کے قابل اعتراض بیانات اور الیکشن کمیشن کی خاموشی پر سی ایس ڈی ایس کے پروفیسر آدتیہ نگم اور سینئر صحافی نیرجا چودھری سے ارملیش کی بات چیت۔
ڈی ڈی سی اے سے رجت شرما کو ہٹانے کی تجویز پر 8 ممبروں نے کیا دستخط
دہلی ڈسٹرک کرکٹ ایسوسی ایشن (ڈی ڈی سی اے) کے صدر رجت شرما کو ہٹانے کے لئے بورڈ آف ڈائریکٹرس کے 16 ممبروں میں سے 8 نے اس تجویز پر دستخط کئے ہیں۔ حالانکہ، بورڈ آف ڈائریکٹرس میں حکومت کے نمائندے گوتم گمبھیر نے اس پر دستخط نہیں کیا ہے۔
ثبوت مانگنے والے اپوزیشن کے رہنماؤں کو راکٹ میں باندھکر بالاکوٹ بھیج دینا چاہیے تھا: دیویندر فڈنویس
گزشتہ ہفتے مہاراشٹر کے وزیراعلیٰ دیویندر فڈنویس کی وزیر پنکجا منڈے نے کہا تھا کہ کانگریس صدر راہل گاندھی کے گلے پر بم باندھکر ان کو کسی دوسرے ملک بھیج دینا چاہیے۔ اس دوران وہاں فڈنویس اور بی جے پی کے ریاستی صدر موجود تھے۔
بابری مسجد پر متنازعہ تبصرہ کرنے کے معاملے میں پرگیہ ٹھاکر کے خلاف ایف آئی آر درج
پرگیہ ٹھاکر نے ایک انٹرویو کے دوران کہا تھا کہ رام مندر ہم بنائیں گے اور شاندار بنائیں گے،ہم توڑنے گئے تھے ڈھانچہ، میں نے چڑھ کر توڑا تھا ڈھانچہ ،اس پر مجھے بہت فخر ہے۔مجھے ایشور نے طاقت دی تھی،ہم نے ملک کا کلنک مٹایا ہے۔
کورٹ نے جے این یو اسٹوڈنٹ نجیب کے لاپتہ ہونے کی کلوزر رپورٹ ان کی ماں کو دینے کے لیے کہا
جے این یو کے ایم ایس سی بایوٹکنالوجی کے فرسٹ ایئر کے اسٹوڈنٹ نجیب احمد 15 اکتوبر 2016 کو جے این یو کیمپس سے لاپتہ ہو گئے تھے۔ تب سے ان کا کچھ پتہ نہیں چل سکا ہے۔
گجرات: پیپسکو انڈیا نے آلو اگانے کے لئے 3 کسانوں کے خلاف کورٹ میں عرضی دائر کی
امریکی کمپنی پیپسکو ے عدالت میں دعویٰ کیا کہ اپنے مصنوعات لیز چپس بنانے کے لئے آلو کی یہ قسم اگانے کا حق صرف اس کے پاس ہے۔ عدالت نے تینوں کسانوں پر آلو کی خاص قسم اگانے پر روک لگائی۔
بابری مسجد گرائے جانے کا افسوس نہیں، فخر ہے: پرگیہ سنگھ ٹھاکر
مالیگاؤں بم بلاسٹ کی ملزم اور بھوپال سے بی جے پی کی امیدوار پرگیہ سنگھ ٹھاکر نے کہا، ’ہمارے پربھو رام جیکے مندر میں غیر ضروری چیزیں تھی ہم نے ان کو ہٹا دیا۔ ہم فخر کرتے ہیں اس بات پر ہمارے ملک کی خودداری جاگی ہے۔ بھگوان رام کا شاندار مندر بھی بنائیںگے۔ ‘
دہلی: کانگریس نے کیا 6 سیٹوں پر امیدواروں کا اعلان، منوج تیواری کے سامنے ہوں گی شیلا دکشت
دہلی کی 7 لوک سبھا سیٹوں میں سے کانگریس نے 6 پر امیدوار وں کے نام کا اعلان کر دیا ہے۔ نارتھ ایسٹ دہلی سیٹ پر شیلا دکشت کا مقابلہ بی جے پی کے منوج تیواری سے ہوگا۔ جنوبی دہلی سیٹ سے کسی نام کا اعلان نہیں کیا گیا ہے۔
والد اور ان کی وراثت ملی تو موت لے گئی روہت کو
ڈی این اے ٹیسٹ کے بعد این ڈی تیواری نے قبول کر لیا کہ روہت انہیں کا بیٹا ہے اور 15 مئی 2014 کو “آروہی” 1، مال ایونیو لکھنؤ میں اپنی پرانی معشوقہ اجولہ سے شادی کر لی۔
جب چودھری چرن سنگھ نے کہا-اگر میری پارٹی کا امیدوار کسان-مزدوروں سے دھوکہ کرتا ہو، تو ووٹ نہ دینا
الیکشن کے قصے: چودھری چرن سنگھ نے ایک انتخابی جلسہ میں رائےدہندگان سے کہا تھا کہ اگر ان کی پارٹی کے امیدوار کا کردار خراب ہو یا وہ شراب پیتا ہو، تو وہ اس کو ہرانے میں نہ جھجکیں۔
امیٹھی-رائے بریلی کے امیدوار کی ضمانت پر چرچہ نہیں، بھوپال کے امیدوار پر طوفان آ گیا: مودی
مالیگاؤں بم بلاسٹ کی ملزم پرگیہ سنگھ ٹھاکر کو بھوپال سے ٹکٹ دینے کا بچاؤ کرتے ہوئے وزیر اعظم نریندر مودی نے کہا کہ دنیا میں پانچ ہزار سال تک جس عظیم تہذیب اور روایت نے وسودھیو کٹم بکم کا پیغام دیا، ایسی تہذیب کو آپ نے بنا ثبوت دہشت گرد کہہ دیا۔
رویش کا بلاگ: مودی کے لیے الگ سے الیکشن کمیشن کھول دیجیے جس کا دفتر ان کے موبائل میں ہو
وزیر اعظم کی وجہ سے الیکشن کمیشن ہر دن اپنا بھروسہ کھو رہا ہے۔ الیکشن کمیشن نے اڑیسہ کے آبزرور محمد محسن کو برخاست کر دیا۔ وزیر اعظم مودی کے ہیلی کاپٹر کی تلاشی کی وجہ سے کمیشن نے جن اصولوں کا حوالہ دیتے ہوئے محسن کو برخاست کیا […]
مودی کی پرچہ نامزدگی اور ریلی، روبیکا لیاقت کے دعوے اور برکھا دت کے ٹوئٹ کا سچ
روبیکا اپنے پروگرام کے درمیان کئی مرتبہ وہ بی جے پی یا ان کے لیڈروں کی حمایت کرتی ہوئی نظر آئیں۔
میرے بیان سے ملک کے دشمنوں کو فائدہ مل رہاہے، اس لئے بیان واپس لیتی ہوں : پرگیہ ٹھاکر
مالیگاؤں بم بلاست معاملے کی ملزم اور بھوپال سے بی جے پی امیدوار پرگیہ سنگھ ٹھاکر نے کہا تھا، ’ ہیمنت کرکرے سے میں نے کہا تھا کہ تیرا سروناش ہوگا۔‘
کرکرے پر پرگیہ ٹھاکر کے بیان پر آئی پی ایس ایسوسی ایشن نے کہا-شہیدوں کی قربانی کا احترام ہونا چاہیے
آئی پی ایس ایسوسی ایشن نے بھوپال لوک سبھا سیٹ سے بی جے پی امیدوار پرگیہ سنگھ ٹھاکر کے ذریعے مہاراشٹر اے ٹی ایس چیف ہیمنت کرکرے کوشراپ دینے والے بیان کی مذمت کی ہے۔
بی جے پی رہنما نے کہا، مسلمانوں کی نسلوں کو برباد کرنے کے لیے بی جے پی کو ووٹ دیں
بارہ بنکی کے بی جے پی کے سینئر رہنما رنجیت بہادر شریواستوا نےایک عوامی اجلاس کو خطاب کرتے ہوئے کہا کہ پارٹی لوک سبھا الیکشن کے بعد چین سے مشینیں منگوا کر مسلمانوں کی حجامت کرائے گی اور پھر ان کا جبراً مذہب تبدیل کرا کر ہندو بنائے گی۔
دوردرشن نے سی پی آئی کی انتخابی تقریر سے’ آر ایس ایس‘ لفظ ہٹانے کو کہا، پارٹی نے کیا انکار
سی پی آئی کی طرف سے کہا گیا ہے کہ دوردرشن نے تقریر سے آر ایس ایس اور فاشزم جیسے الفاظ کو ضابطہ اخلاق کی خلاف ورزی بتاتے ہوئے ہٹانے کے لئے کہا ہے۔ پارٹی نے کہا کہ مودی حکومت کے اشارے پر ایسی متعصب کارروائی ہو رہی ہے۔
کانگریس سے استعفیٰ دینے کے بعد پرینکا چترویدی شیو سینا میں شامل
پرینکا چترویدی نے اتر پردیش کے متھرا میں پارٹی کے کچھ کارکنوں کے ذریعے ان کے ساتھ مبینہ طور پر بد سلوکی کی شکایت کی تھی۔ ان کارکنوں کو باہر کا راستہ دکھانے کے بعد پارٹی نے ان کو پھر سے بحال کر دیا تھا، جس سے پرینکا ناراض تھیں۔
5 لوگوں کے قتل کے معاملے میں بی جے پی ایم ایل اے کو عمر قید
سزا کا اعلان ہوتے ہی بی جے پی ایم ایل اے اشوک سنگھ چندیل کورٹ سے فرار ہو گئے ۔ہائی کورٹ نے ایم ایل اے اور دیگر ملزمین کو پولیس کسٹڈی میں لینے کا حکم دیا ہے۔
بی جے پی حکومت میں صحافیوں پر حملے میں اضافہ: رپورٹ
رپورٹرس ودآؤٹ بارڈرس کی طرف سے جاری ورلڈ پریس فریڈم انڈیکس میں ہندوستان 180 ممالک میں سے 140ویں مقام پر ہے۔ 2018 میں اپنے کام کی وجہ سے ہندوستان میں کم سے کم 6 صحافیوں کی موت ہوئی تھی۔رپورٹ میں کہا گیا ہے کہ ہندوستان میں 2019 کے عام انتخابات کے دوران حکمراں بی جے پی کے حامیوں کے ذریعے صحافیوں پر حملے بڑھے ہیں۔
سادھوی پرگیہ کو الیکشن لڑنے سے روکنے کے لیے عدالت میں عرضی دائر
کورٹ نے سادھوی پرگیہ کو اس عرضی پر جواب دینے کو کہا ہے۔عرضی گزار نے اپنی عرضی میں کہا ہے کہ پرگیہ نے اس بنیاد پر ضمانت لی تھی کہ وہ کسی کے سہارے کے بغیر چل بھی نہیں سکتیں،حالانکہ اب وہ اتنی سخت گرمی میں الیکشن لڑ رہی ہیں۔
سادھوی پرگیہ نے کہا–ہیمنت کرکرے کو اپنے کیے کی سزا ملی
ہیمنت کرکرے ممبئی میں ہوئے دہشت گردانہ حملے(2008) میں دہشت گردوں کی گولیوں کا شکار ہوئے تھے ۔ کرکر ے اس مالیگاؤں سیریل بلا سٹ کی جانچ کررہے تھے جس میں سادھوی پرگیہ ملزم ہیں ۔
مدھیہ پردیش: الیکشن کمیشن نے کانگریس کے اشتہار ’چوکیدار چور ہے‘ کی نشریات پر لگائی روک
بی جے پی نے شکایت درج کرائی تھی کہ اس اشتہار میں ’چوکیدار ‘کے خلاف قابل اعتراض زبان کا استعمال کیا گیا ہے اور یہاں ’چوکیدار ‘سے مراد وزیراعظم مودی سے ہے۔
اڑیسہ: کندھمال ضلع میں نکسلیوں نے خاتون الیکشن افسر کو گولی ماری
پولیس کے مطابق، ماؤوادیوں نے اڑیسہ کے کندھمال ضلع کے لوگوں سے ووٹنگ کا بائیکاٹ کرنے کو کہا تھا۔ ضلع کے فرنگیا پولیس تھانہ حلقہ کے ایک دوسرے گاؤں میں ماؤوادیوں نے الیکشن افسروں کو پولنگ بوتھ لے جا رہی گاڑی میں آگ لگا دی۔
الہ آباد یونیورسٹی کیمپس اور ہاسٹل مجرموں کی پناہگاہ بن گئے ہیں: ہائی کورٹ
الٰہ آباد ہائی کورٹ نے گزشتہ اتوار کو پی سی بی ہاسٹل میں ہوئے اسٹوڈنٹ کے قتل پر از خود نوٹس لیتے ہوئے یہ تبصرہ کیا۔ ساتھ ہی رجسٹرار کو ایک حلف نامہ میں یونیورسٹی کیمپس کو مجرموں سے آزاد کرنے کے لئے اٹھائے گئے اقدامات کی جانکاری دینے کی ہدایت دی۔
سادھوی پرگیہ کو امیدوار بنا کر بی جے پی دیکھنا چاہتی ہے کہ ہندوؤں کو کتنا نیچے گھسیٹا جا سکتا ہے
لوگ کہہ رہے ہیں کہ اس انتخاب میں بی جے پی کا بھروسہ چھوٹ رہا ہے، اس نے سادھوی کو لاکر برہماستر چلایا ہے۔ یہ امتحان اصل میں بی جے پی کا نہیں ہے، یہ ہندوؤں کا امتحان ہے۔ کیا وہ مذہب کے اس مطلب کو قبول کرنے […]
ریلائنس انفراٹیل پر 230 کروڑ کی ادائیگی نہ کرنے کا الزام، این سی ایل ٹی نے انل امبانی سے مانگا جواب
ایچ ایس بی سی ڈیزی کمپنی نے نیشنل کمپنی لاء ٹریبونل میں ریلائنس گروپ کی کمپنی کے خلاف ہتک عزت عرضی دائر کی ہے۔