یہ واقعہ اورنگ آباد میں بدناپور اور کرماڈ کے بیچ ہوا۔ سبھی مزدور اورنگ آباد سے مدھیہ پردیش جانے والی ٹرین پکڑنے کے لیے پیدل جا رہے تھے اور تھک کر ریل پٹریوں پر ہی سو گئے تھے۔
اورنگ آباد ضلع میں ریلوے ٹریک پر ہوئی مزدوروں کی موت کے بعد جانچ کرتی پولیس۔ (فوٹو: پی ٹی آئی)
نئی دہلی:مہاراشٹر کے اورنگ آباد ضلع میں جمعہ کو علی الصبح ایک مال گاڑی کی چپیٹ میں آنے سے 16 مہاجر مزدوروں کی موت ہو گئی۔انڈین ایکسپریس کی رپورٹ کے مطابق، ان میں سے 14 مزدوروں کی موقع پر ہی موت ہو گئی جبکہ دو نے بعد میں دم توڑ دیا۔یہ مہاجر مزدور اپنی آبائی ریاست مدھیہ پردیش لوٹنے کے لیے شرمک اسپیشل ٹرین میں سوار ہونے کے لیے مہاراشٹر کے جالنا سے بھساول جا رہے تھے کہ وہ تھک کر ریل کی پٹریوں پر ہی سو گئے۔
A freight train ran over 15 migrant labourers between Jalna and Aurangabad of Nanded Divison of South Central Railway (SCR): Railway official #Maharashtra https://t.co/0sxdrbhCJs pic.twitter.com/aCF3mXVEI6
— ANI (@ANI) May 8, 2020
یہ معاملہ ناندیڑ ڈویژن میں بدناپور سے کرماڈ ریلوے اسٹیشنوں کے بیچ ہوئی۔اورنگ آباد(دیہی)کے انسپکٹر سنتوش کھیت مال کا کہنا ہے کہ تھکان کی وجہ سے مزدور ریلوے ٹریک پر ہی سو گئے تھے۔انہوں نے بتایا،20 مزدور جالنا سے بھساول جا رہے تھے۔ وہ لگ بھگ 45 کیلومیٹر چلنے کے بعد آرام کرنے کے لیے رک گئے اور ریلوے ٹریک پر ہی سو گئے۔جمعہ کو علی الصبح لگ بھگ 5:15 بجے ایک مال گاڑی نے انہیں کچل دیا۔’
یہ خالی مال گاڑی حیدرآباد کے پاس چیرلاپلی اسٹیشن سے ناسک میں منماڑ کے پاس پنےواڈی اسٹیشن جا رہی تھی۔ ٹرین کے موٹر مین نے ٹرین روکنے کی کوشش کی لیکن وہ ایسا کرنے میں کامیاب نہیں ہوا۔ساؤتھ سینٹرل ریلوے کے چیف پبلک ریلیشن آفیسر راکیش نے بتایا،‘ٹرین کے لوکو پائلٹ نے ٹریک پر کچھ لوگوں کو دیکھا۔اس نے ہارن بجایا اور ٹرین روکنے کی کوشش کی لیکن وہ ایسا نہیں کر پایا۔’
انہوں نے بتایا کہ ریلوے سکیورٹی کمشنر ایس سی آر کے تحت جانچ کے آرڈردیےگئے ہیں۔
During early hours today after seeing some labourers on track, loco pilot of goods train tried to stop the train but eventually hit them between Badnapur and Karmad stations in Parbhani-Manmad section
Injureds have been taken to Aurangabad Civil Hospital.
Inquiry has been ordered— Ministry of Railways (@RailMinIndia) May 8, 2020
وزارت ریل نے ٹوئٹ کرکے کہا، ‘جمعہ کو علی الصبح ریلوے ٹریک پر کچھ مزدوروں کے دکھنے کے بعد مال گاڑی کے لوکو پائلٹ نے ٹرین روکنے کی کوشش کی لیکن پربھنی منماڑ اسٹیشنوں کے بیچ بدناپور اور کرماڈ اسٹیشنوں کے بیچ ریل گاڑی نے مزدوروں کو کچل دیا۔ زخمیوں کو اورنگ آباد سول اسپتال لے جایا گیا۔ جانچ کے آرڈر دیےگئے ہیں۔’
اس حادثےمیں ایک شخص شدیدطورپرزخمی ہوا ہے اور اس کا اسپتال میں علاج چل رہا ہے۔ ریلوے ٹریک سے دور سو رہے مزدور اس حادثے میں بال بال بچ گئے۔ریلوے ٹریک پر مزدوروں کی لاش کے ساتھ روٹیاں بھی بکھری ہوئی تھیں، جو انہوں نے کھانے کے لیے اپنے پاس رکھی تھیں۔
Extremely anguished by the loss of lives due to the rail accident in Aurangabad, Maharashtra. Have spoken to Railway Minister Piyush Goyal and he is closely monitoring the situation. All possible assistance required is being provided: Prime Minister Narendra Modi (File pic) pic.twitter.com/lThx0GAk7L
— ANI (@ANI) May 8, 2020
اس حادثے پر رنج کا اظہار کرتے ہوئے وزیر اعظم نریندر مودی نے ٹوئٹ کرکے کہا، ‘مہاراشٹر کے اورنگ آباد میں ریل حادثے میں لوگوں کے مارے جانے سے صدمے میں ہوں۔وزیر ریل پیوش گوئل سے بات کی ہے اور وہ صورتحال پر قریب سے نظر رکھ رہے ہیں۔ ہرممکن مدد فراہم کرائی جا رہی ہے۔’
औरंगाबाद में हुए रेल हादसे से हृदय पर ऐसा कुठाराघात हुआ है की मैं उसे शब्दों में व्यक्त नहीं कर सकता! संवेदना से मन भर जाता है…
मैंने रेल मंत्री श्री @PiyushGoyal जी से बात की है और उनसे त्वरित जाँच और उचित व्यवस्था की माँग की है।
— Shivraj Singh Chouhan (@ChouhanShivraj) May 8, 2020
وہیں، مدھیہ پردیش کے وزیر اعلیٰ شیوراج سنگھ چوہان نے اورنگ آباد کے حادثے پر دکھ کا اظہار کرتے ہوئے مرنے والے مزدوروں کے اہل خانہ کو پانچ پانچ لاکھ روپے کا معاوضہ دینے کا اعلان کیا ہے۔انہوں نے ٹوئٹ کرکے کہا،‘اورنگ آباد میں ہوئے ریل حادثے سے دل پر ایسا اثرہوا ہے کہ میں اس کو لفظوں میں اظہارنہیں کر سکتا۔
ریاستی سرکار کی طرف سے ہر ایک مرنے والے مزدور کے اہل خانہ کو پانچ پانچ لاکھ دیےجا ئیں گے اور زخمیوں کے علاج کامکمل انتظام کیا جائے گا۔’مدھیہ پردیش سرکار ایک خصوصی جہاز اور ٹیم اورنگ آباد بھیج رہی ہے۔ یہ ٹیم زخمی مزدوروں کے علاج سمیت مرنے والے مزدوروں کا مناسب انتظام کرےگی۔
Categories: خبریں