خیال کیا جا رہا ہے کہ یہ شکایت اس مبینہ واقعے کے حوالے سے کی گئی ہے جب کرکٹ ورلڈ کپ کے دوران 14 اکتوبر کوہندوستان اور پاکستان کے درمیان ہوئےمیچ میں پاکستانی بلے باز محمد رضوان آؤٹ ہو کر ڈریسنگ روم کی طرف جا رہے تھے تو ہندوستانی شائقین نے انہیں دیکھ کر نعرے بازی کی تھی۔
گزشتہ 14 اکتوبر کو احمد آباد کے نریندر مودی اسٹیڈیم میں ہندوستان کے ساتھ میچ سے قبل پاکستانی ٹیم۔ (تصویر بہ شکریہ: Facebook/@PakistanCricketBoard)
نئی دہلی: پاکستان کرکٹ بورڈ نے منگل کے روز اعلان کیا ہے کہ اس نے پاکستانی میڈیا کو ویزا دینے میں تاخیر اور آئی سی سی مینز ون ڈے ورلڈ کپ 2023میں شرکت کرنے والے پاکستانی سپورٹرز کے لیے ویزا پالیسی کی عدم موجودگی کے حوالے سے انٹرنیشنل کرکٹ کونسل (آئی سی سی) میں احتجاج درج کرایا ہے۔
پاکستان نے 14 اکتوبر کو احمد آباد کے نریندر مودی اسٹیڈیم میں ہندوستان کے خلاف میچ کے دوران پاکستانی ٹیم کے ساتھ کیے گئے مبینہ ناروا سلوک کے خلاف بھی احتجاج درج کرایا ہے۔
The Pakistan Cricket Board (PCB) has lodged another formal protest with the ICC over delays in visas for Pakistani journalists and the absence of a visa policy for Pakistan fans for the ongoing World Cup 2023.
The PCB has also filed a complaint regarding inappropriate conduct…
— PCB Media (@TheRealPCBMedia) October 17, 2023
اسکرول کے مطابق، یہ واضح نہیں ہے کہ پی سی بی بدسلوکی کے کن واقعات کی شکایت کر رہا ہے۔
تاہم، ہندوستان ٹائمز کی ایک خبر میں بتایا گیا ہے کہ ہندوستان اور پاکستان کے میچ کے دوران جب پاکستانی کھلاڑی محمد رضوان آؤٹ ہونے کے بعد ڈریسنگ روم کی طرف جارہے تھے تو ہندوستانی شائقین کی جانب سے ’جئے شری رام‘ کے نعرے لگائے گئے تھے، جس کا ویڈیوایکس پر سامنے آیا تھا۔
اس سے قبل ٹاس کے دوران پاکستانی کپتان بابر اعظم کی بھی ہوٹنگ کی گئی تھی۔
PM Modi desperately wants India to host the 2036 Olympics.
But if this is what BJP has reduced our audiences to – where they heckle a Pakistani player with chants of Jai Shri Ram – massive doubts remain over whether we’re qualified & sporting enough to host ANY international… pic.twitter.com/8m4BgdAOFn
— Saket Gokhale (@SaketGokhale) October 15, 2023
پی سی بی کی عبوری انتظامی کمیٹی کے چیئرمین ذکاء اشرف نے سوموارکو ہندوستان میں ورلڈ کپ میں شرکت کے خواہشمند پاکستانی شائقین اور صحافیوں کے لیے ویزاجاری کرنے میں سست رفتاری کے حوالے سےسائرس سجاد قاضی سے ملاقات کر کے اپنی تشویش کا اظہار کیا۔
اس ہفتے کے شروع میں ایک ہندوستانی وکیل نے پاکستانی وکٹ کیپراور بلے باز محمد رضوان کے خلاف میدان میں نماز ادا کرنے کے حوالے سے آئی سی سی میں شکایت درج کرائی تھی۔
وکیل نے یہ بھی دعویٰ کیا تھا کہ رضوان نے سری لنکا کے خلاف اپنی جیت کو اسرائیل فلسطین جاری تنازعہ میں فلسطین کے متاثرین کے لیے وقف کرکے ‘اسپرٹ آف دی گیم’ کے خلاف کام کیا ہے۔
شکایت کنندہ وہی شخص ہے جس نے دس سال قبل ٹوئٹ کی بنیاد پرپاکستانی اسپورٹس اینکر زینب عباس کے خلاف اپنےایف آئی آر درج کروائی تھی۔ ورلڈ کپ کی کوریج کے لیےہندوستان آئیں زینب اس ماہ کے شروع میں ٹوئٹس پر تنازع کے درمیان واپس چلی گئی تھیں۔
Categories: خبریں