طبلہ نواز ذاکر حسین کا انتقال
عالمی شہرت یافتہ طبلہ نوازاستاد ذاکر حسین امریکہ کے شہر سان فرانسسکو میں انتقال کر گئے۔ حسین چار مرتبہ گریمی ایوارڈ یافتہ تھے اور انہیں پدم شری (1988)، پدم بھوشن (2002) اور پدم وبھوشن (2023) سے نوازا گیا تھا۔
دی وائر اسٹاف
لوک سبھا میں اپنی پہلی تقریر میں پرینکا گاندھی نے حکومت پر ڈر پھیلانے کا الزام لگایا
لوک سبھا میں اپنی پہلی تقریر میں پرینکا گاندھی واڈرا نے آئین، ریزرویشن اور ذات پر مبنی مردم شماری کے معاملوں پر حکومت کو نشانہ بنایا۔ 1975 کی ایمرجنسی کا ذکر کرتے ہوئے پرینکا نے سبق لینے کی بات کہی اور آئین کے تحفظ پر زور دیا۔
سپریم کورٹ نے مذہبی مقامات کے سروے پر پابندی لگائی، مرکز سے جواب طلب کیا
عبادت گاہوں کے قانون کے آئینی جواز کو چیلنج کرنے والی عرضیوں کے سلسلے میں عدالت عظمیٰ نے کسی بھی قسم کے نئے سروے اور کیس کے اندراج پر پابندی لگاتے ہوئے مرکزی حکومت کو چار ہفتے کے اندر اپنا موقف واضح کرنے کو کہا ہے۔
آسام: این آر سی لنک کے ساتھ آدھار کی تصدیق شروع، وزیراعلیٰ نے ’بنگلہ دیشی گھس پیٹھیوں‘ کا حوالہ دیا
اب آسام میں آدھار کارڈ جاری کرنے کے لیے این آر سی درخواست نمبر دینا ہوگا۔ چیف منسٹر ہمنتا بسوا شرما نے کہا کہ بنگلہ دیش سے دراندازی تشویشناک ہے، اسی لیے ہمیں اپنے نظام کو مضبوط کرنے کی ضرورت ہے۔
دہلی ہائی کورٹ نے سماجی کارکن ندیم خان کو گرفتاری سے تحفظ فراہم کیا
دہلی ہائی کورٹ نے انسانی حقوق کے کارکن ندیم خان کو دشمنی کو فروغ دینے اور مجرمانہ سازش کے الزام والے معاملے میں گرفتاری سے تحفظ فراہم کیا ہے۔ عدالت نے تحقیقات میں تعاون کے پیش نظر خان کے خلاف جاری کیے گئے غیر ضمانتی وارنٹ کو بھی رد کر دیا ہے۔
انسانی حقوق کی بین الاقوامی تنظیموں نے محمد زبیر کے خلاف درج مقدمے کی مذمت کی
انسانی حقوق کی تنظیموں نے ایک خط جاری کرتے ہوئے زبیرکے خلاف درج کی گئی حالیہ ایف آئی آر کو فوراً واپس لینے اور مرکزی حکومت سے اظہار رائے کی آزادی کے تحفظ کا مطالبہ کیا ہے۔
سپریم کورٹ نے وی ایچ پی کے پروگرام میں جسٹس شیکھر یادو کی فرقہ وارانہ تقریر کا نوٹس لیا
جسٹس یادو نے اتوار (8 دسمبر) کو اپنی تقریر میں کہا تھا کہ ہندوستان اکثریتی برادری کی خواہشات کے مطابق چلے گا۔ اس دوران انہوں نے مسلمانوں کے لیے ‘کٹھ ملا’ کا لفظ بھی استعمال کیا تھا۔
آر ٹی آئی کے سوال پر ریسرچ اسکالر کو ہندوستانی شہریت ثابت کرنے کو کہا گیا: رپورٹ
ماہر اقتصادیات امرتیہ سین کے پرتیچی (انڈیا) ٹرسٹ سے وابستہ ایک محقق صابر احمد نے آر ٹی آئی درخواست میں بنگال کے تمام میڈیکل کالجوں سے ان کے طلباء، اساتذہ اور انتظامی عملے کے سماجی طبقے سے متعلق ڈیٹا طلب کیا تھا۔ جواب میں ریاستی پبلک انفارمیشن آفیسر نے انہیں اپنی شہریت ثابت کرنے کو کہا۔
وشو ہندو پریشد کے پروگرام میں الہ آباد ہائی کورٹ کے جج بولے- ملک اکثریت کی خواہش کے مطابق چلے گا
الہ آباد ہائی کورٹ کے جسٹس شیکھر کمار یادو نے وشو ہندو پریشد کے پروگرام میں کئی متنازعہ بیانات دیے، جس میں ایک خاص مذہب کے بارے میں بھی کئی قابل اعتراض باتیں کہی گئیں۔ سوشل میڈیا پر کئی جماعتوں کے رہنماؤں نے ان کو تنقید کا نشانہ بنایا ہے۔
اترپردیش: مراد آباد میں مسلم فیملی کو مکان فروخت کرنے کے خلاف کالونی کے رہائشیوں کا احتجاج
منگل کو مراد آباد کی ٹی ڈی آئی سٹی ہاؤسنگ سوسائٹی میں اس وقت احتجاج شروع ہوگیا، جب کالونی میں ایک مکان اس کے ہندو مالک نے ایک مسلمان ڈاکٹر کو بیچ دیا۔ رہائشیوں نے رجسٹری رد کرنے کا مطالبہ کرتے ہوئے کہا کہ اس معاہدے سے آبادیاتی تبدیلیاں ہو سکتی ہیں۔
اندور: 2021 میں ہجوم کے ہاتھوں ہراسانی کا شکار ہونے والے چوڑی فروش چھیڑ چھاڑ کیس میں بری، کہا – مذہب کی وجہ سے پھنسایا گیا تھا
اگست 2021 میں مدھیہ پردیش کے اندور میں ہندو خواتین کو مبینہ طور پرہراساں کرنے کے الزام میں ایک بھیڑ نے چوڑی فروش تسلیم علی کو بری طرح سے زدوکوب کیا تھا۔ اب مقامی عدالت نے انہیں چھیڑ چھاڑ کے اس معاملے میں بری کر دیا ہے، جس کے لیے انہیں 107 دن جیل میں گزارنے پڑے۔
بھوپال گیس ٹریجڈی کے 40 سال بعد بھی نئی بیماریوں کا خطرہ برقرار: سمبھاونا ٹرسٹ کلینک
سمبھاونا ٹرسٹ کلینک کے ڈاکٹر رگھورام نے کہا ہے کہ گردے سے متعلق بیماریاں، جو ممکنہ طور پر زہریلی گیس لگنے کے کچھ وقت بعد شروع ہوگئی تھیں، گیس ٹریجڈی کے متاثرین میں سات گنا زیادہ پائی جا رہی ہیں۔
راجستھان: اجمیر درگاہ کے بعد ’ڈھائی دن کا جھونپڑا‘ مسجد کے سروے کا مطالبہ
اجمیر کے ڈپٹی میئر نیرج جین نے ‘ڈھائی دن کا جھونپڑا’ مسجد کے حوالے سے جاری بیان میں دعویٰ کیا ہے کہ اس میں سنسکرت کالج اور مندر ہونے کے ثبوت ملے ہیں۔ درگاہ شریف سے پانچ منٹ کی دوری پر واقع یہ مسجد اے ایس آئی کے ذریعے محفوظ کردہ یادگار ہے۔
محبوبہ مفتی نے ملک میں اقلیتوں کے احوال کو بنگلہ دیش سے جوڑا، پوچھا – یہاں اور وہاں میں کیا فرق ہے
محبوبہ مفتی نے ایک بیان میں ملک کی اقلیتوں کی حالت پر تشویش کا اظہار کرتے ہوئے کہا کہ بنگلہ دیش اور ہندوستان کے حالات میں کوئی فرق نہیں ہے۔ جہاں بنگلہ دیش میں ہمارے ہندو بھائی ظلم و جبر کا شکار ہیں،یہاں (ہندوستان میں) ہم اقلیتوں پر ظلم کر رہے ہیں۔
اترکاشی کی مسجد کے خلاف ہندوتوا گروپوں کی مہاپنچایت، ’لو اور لینڈ جہاد‘ کے خلاف متحد ہونے کی اپیل
اتوار کو اترکاشی میں پولیس کی سخت سیکورٹی کے درمیان دائیں بازو کے گروپوں کی جانب سے منعقد مہاپنچایت نےشہر کی دہائیوں پرانی مسجد کے خلاف ضلع گیر احتجاج کے منصوبے کا اعلان کیا، ساتھ ہی ‘لینڈ جہاد’ سے نمٹنے کے لیے ‘بلڈوزر’ کے استعمال کی بات کہی گئی۔
اترکاشی مسجد پر بڑھتے ہوئے تناؤ کے درمیان حکومت نے کہا – مہاپنچایت کی اجازت نہیں
اترکاشی میں دہائیوں پرانی مسجد کو لے کر بڑھتے ہوئے تناؤ کے درمیان اتراکھنڈ حکومت نے کہا ہے کہ اس نے 1 دسمبر کو ہندو تنظیموں کی طرف سے منعقد ہونے والی مہاپنچایت کی اجازت نہیں دی ہے، جس میں وہ مسجد کو گرانے کو لے کر دباؤ بنانا چاہتے ہیں۔ دوسری طرف، سنیوکت سناتن دھرم رکشا سنگھ اور وی ایچ پی جیسی تنظیمیں اصرار کر رہی ہیں کہ وہ طے شدہ پروگرام کے ساتھ آگے بڑھیں گی۔
کیرالہ: غریبوں کو ملنے والی سوشل ویلفیئر پنشن غیر قانونی طور پر سرکاری ملازمین کی جیب میں گئی
کیرالہ کے محکمہ خزانہ کی تحقیقات میں یہ بات سامنے آئی ہے کہ تقریباً 1500 ریاستی سرکاری ملازمین غیر قانونی طور پر مختلف سوشل ویلفیئر پنشن کا فائدہ اٹھا رہے تھے، جو صرف سماج کے کمزور طبقات کے لیےمختص کی گئی ہے۔
یوپی پولیس نے محمد زبیر پر ملک کے اتحاد اور سالمیت کو خطرے میں ڈالنے کا الزام لگایا: رپورٹ
اتر پردیش پولیس نے کٹر ہندوتوا لیڈر یتی نرسنہانند کی مبینہ ہیٹ اسپیچ پر پوسٹ کرنے کے معاملے میں فیکٹ چیکر اورآلٹ نیوز کے صحافی محمد زبیر کے خلاف ہندوستان کی خود مختاری، اتحاد اور سالمیت کو خطرے میں ڈالنے والی کارروائیوں سے نمٹنے سے متعلق قانون کا استعمال کیا ہے۔
تلنگانہ: سی ایم ریڈی نے اسکل یونیورسٹی کے لیے اڈانی گروپ سے 100 کروڑ روپے کا چندہ قبول کرنے سے منع کیا
اڈانی گروپ نے کارپوریٹ سوشل رسپانسیبلٹی (سی ایس آر) کے تحت تلنگانہ کی ینگ انڈیا اسکل یونیورسٹی کو 100 کروڑ روپے کا ڈونیشن دیا تھا۔ اب ریاست کی کانگریس حکومت نے اڈانی گروپ کے خلاف حالیہ الزامات کے پیش نظر اس چندے کو قبول کرنے سے انکار کر دیا ہے۔
وقف بل: اپوزیشن ارکان نے لوک سبھا اسپیکر سے جے پی سی کی مدت میں توسیع کی درخواست کی
وقف (ترمیمی) بل 2024 پر بنی جوائنٹ پارلیامانی کمیٹی میں شامل اپوزیشن پارٹی کے ارکان کا کہنا ہے کہ کئی ریاستی حکومتوں اور مختلف اسٹیک ہولڈرز نے ابھی تک کمیٹی کے سامنے اپنا موقف پیش نہیں کیا ہے، اس لیے مزید وقت دیا جانا چاہیے۔ کمیٹی کو سرمائی اجلاس میں ہی اپنی رپورٹ پیش کرنی تھی۔
پَ (ری) وار بنام پَ (ری) وار: اجیت نے شرد سے چھینی این سی پی کی باگ ڈور
جہاں دونوں پارٹیاں 38 سیٹوں پر براہ راست ایک دوسرے سے مقابلہ کر رہی ہیں، وہاں اجیت پوار کی قیادت والی این سی پی 29 سیٹوں پر آگے چل رہی ہے۔ اس طرح اجیت پوار نے ثابت کر دیا ہے کہ این سی پی اب ان کے نام سے جانی جائے گی۔
مہاراشٹر انتخابات: غیر معمولی سبقت کے ساتھ شندے نے ’حقیقی‘ شیوسینا پر اپنا دعویٰ پختہ کیا
شندے کی شیو سینا نے 81 اور ادھو ٹھاکرے کی شیو سینا (یو بی ٹی) نے 95 انتخابی حلقوں سے انتخاب لڑا تھا۔ ان دونوں جماعتوں کے درمیان 53 حلقوں میں براہ راست مقابلہ تھا۔ ان میں سے زیادہ تر سیٹوں پر شندے کی پارٹی آگے چل رہی ہے۔
اڈانی رشوت معاملہ: اپوزیشن جماعتوں نے ایجنسیوں سے تحقیقات کا مطالبہ کیا، بی جے پی نے کہا – عدالت جائیں
صنعتکار گوتم اڈانی پر امریکہ میں رشوت خوری کے الزام کے بعد اپوزیشن جماعتوں نے وزیر اعظم نریندر مودی پر اڈانی کو تحفظ دینے کا الزام لگاتے ہوئے سی بی آئی اور جے پی سی تحقیقات کا مطالبہ کیا ہے۔ وہیں، بی جے پی نے کانگریس کو الزامات کو لے کر سپریم کورٹ جانےکی صلاح دی ہے۔
کینیا نے جانچ ایجنسیوں سے موصولہ جانکاری کا حوالہ دیتے ہوئے اڈانی گروپ کے ساتھ تمام سودے رد کیے
امریکی محکمہ انصاف اور سکیورٹیز ایکسچینج کمیشن کی جانب سے رشوت ستانی کے الزام میں ہندوستانی کاروباری گوتم اڈانی کے خلاف فرد جرم عائد کیے جانے کے بعد کینیا کے صدر نے اڈانی گروپ کے ساتھ تمام سودے فوری اثر سے رد کرنے کا اعلان کیا ہے۔
امریکی فرد جرم کے بعد اڈانی گروپ کو 2 لاکھ کروڑ روپے کا نقصان، بڑے سرمایہ کاروں کا اسٹاک 20 فیصد گرا
امریکہ کی جانب سے کاروباری گوتم اڈانی اور دیگر پر رشوت ستانی کے الزامات کے بعد جمعرات کو اڈانی گروپ کی کمپنیوں کے شیئرز میں گراوٹ کا مشاہدہ کیا گیا۔ بتایا گیا ہے کہ گروپ کے شیئروں کو 10 فیصد سے 20 فیصد کے درمیان خسارہ ہوا، جس کے نتیجے میں تقریباً 2 لاکھ کروڑ روپے کا نقصان ہوا ہے۔
نجر مرڈر کیس میں پی ایم مودی کے کردار سے متعلق کینیڈین میڈیا کی رپورٹ کو ہندوستان نے خارج کیا
کینیڈین اخبار دی گلوب اینڈ میل نے بدھ کے روز ایک نامعلوم ‘سینئر نیشنل سکیورٹی’ اہلکار کا حوالہ دیتے ہوئے رپورٹ شائع کی ہے کہ ‘کینیڈین سکیورٹی ایجنسیوں کا ماننا ہے کہ ہندوستانی وزیر اعظم نریندر مودی کو برٹش کولمبیا میں ایک سکھ علیحدگی پسند رہنما کے قتل اور دیگر پرتشدد سازشوں کے بارے میں معلوم تھا۔
امریکہ: گوتم اڈانی پر ہندوستانی سرکاری افسران کو کروڑوں کی رشوت دینے کا الزام، اریسٹ وارنٹ جاری
امریکی اٹارنی کے آفس نے کہا ہے کہ گوتم اڈانی شخصی طور پر رشوت خوری کی اس سازش میں ملوث تھے، جب ‘شمسی توانائی کے معاہدوں کو حاصل کرنے کے لیے ہندوستانی حکومت کے اہلکاروں کو 250 ملین ڈالر سے زیادہ کی رشوت دینے کا وعدہ کیا گیا تھا۔’ اس فرد جرم کے بعد امریکی جج نے اڈانی کے خلاف ‘اریسٹ وارنٹ جاری کیا ہے۔’
اجمیر: حکومت نے مشہور خادم ہوٹل کا نام بدل کر اجے میرو کیا
راجستھان ٹورازم ڈیولپمنٹ کارپوریشن کے ہوٹل خادم کا نام تبدیل کرتے ہوئے انتظامیہ نے دعویٰ کیا کہ اس کا مقصد شہر کے شاندار ثقافتی ورثے کو ظاہر کرنا ہے۔ تاہم، اجمیر درگاہ شریف کے خادمین نے اس پر تنقید کرتے ہوئے کہا کہ بی جے پی شہر کی تاریخ کو مٹانے کی کوشش کر رہی ہے۔
منی پور: بی جے پی ایم ایل اے نے کہا- سی ایم بیرین سنگھ جھوٹے ہیں، ان کی نیت پر بھروسہ نہیں
منی پور کے بی جے پی ایم ایل اے پاؤلن لال ہاؤکیپ نے ایک انٹرویو میں سی ایم بیرین سنگھ کو تشدد کو روکنے میں ناکام قرار دیتے ہوئے کہا کہ اگر ایوان میں اعتماد کے ووٹ کی ضرورت پڑی تو وہ اور ان کے ساتھی دیگر چھ بی جے پی کُکی ایم ایل اے بھی بیرین سنگھ حکومت کی حمایت نہیں کریں گے۔
ماہرین تعلیم نے غیر قانونی تارکین وطن کے حوالے سے ’مسلم مخالف‘ جے این یو سیمینار کو تنقید کا نشانہ بنایا
اس مہینے11 نومبر کو جے این یو کے زیر اہتمام ایک سیمینار میں ممبئی میں غیر قانونی امیگریشن کے سماجی، اقتصادی اور سیاسی نتائج کا تجزیہ کیا گیا۔ جے این یو ٹی اے کا الزام ہے کہ یہ مہاراشٹر اسمبلی انتخابات سے قبل مسلم مخالف تعصبات کو تقویت بخشنے کی کوشش تھی۔
اتراکھنڈ: اترکاشی کے بعد اب پتھورا گڑھ میں ’غیر قانونی‘ مسجد گرائے جانے کو لے کر احتجاجی مظاہرہ
اتراکھنڈ کے پتھورا گڑھ ضلع کے بیریناگ علاقے میں دائیں بازو کے ایک گروپ نے مقامی لوگوں کے ساتھ مل کر ایک احتجاجی ریلی نکال کر مطالبہ کیا کہ علاقے میں گھر کے اندر غیر قانونی طور پر بنائی گئی مسجد کو ہٹایا جانا چاہیے۔ انتظامیہ کا کہنا ہے کہ اس نے اس عمارت کے مالک سے وضاحت طلب کی ہے۔
اترپردیش: سپریم کورٹ نے یوگی آدتیہ ناتھ حکومت کی 2019 بلڈوزر کارروائی کو ’من مانی‘ قرار دیا
سپریم کورٹ نے اترپردیش میں ایک شہری پروجیکٹ کے لیے رہائشی مکانات کو غیر قانونی طور پر مسمار کرنے پر ریاست کی یوگی آدتیہ ناتھ حکومت کو پھٹکار لگائی ہے۔ عدالت نے کارروائی کو زیادتی قرار دیتے ہوئے کہا کہ ‘آپ بلڈوزر لے کر راتوں رات گھر نہیں گرا سکتے’۔
بار ایسوسی ایشن کے صدر نے سی جے آئی کو لکھا – عوامی تقریبات میں قیمتی وقت ضائع ہو رہا ہے
آل انڈیا بار ایسوسی ایشن کے صدر آدیش اگروال کا دعویٰ ہے کہ سی جے آئی ڈی وائی چندر چوڑ کی میعاد 10 نومبر کو ختم ہونے والی ہے، ایسے میں چندر چوڑ نے عدلیہ کے اندر کے سنگین خدشات کو نظر انداز کرتے ہوئے ملک بھر کے پروگراموں میں شرکت کرنے کو ترجیح دی ہے۔
صحافی صدیقی کپن کو عدالت سے راحت، ہر ہفتے یوپی تھانے میں رپورٹ کرنے کی ضرورت نہیں
کیرالہ کے صحافی صدیق کپن کو اکتوبر 2020 میں اس وقت گرفتار کیا گیا تھا، جب وہ یوپی کے ہاتھرس میں گینگ ریپ کیس کی رپورٹنگ کرنے جا رہے تھے۔ ستمبر 2022 میں سپریم کورٹ نے انہیں ضمانت دیتے ہوئے ہر ہفتے یوپی کے ایک تھانے میں حاضری لگانے کو کہا تھا۔ اب یہ شرط ختم کر دی گئی ہے۔
کینیڈا میں ہوئے تشدد میں امت شاہ کے ملوث ہونے کے دعوے کو ہندوستان نے ’بے تکا‘ اور ’بے بنیاد‘ قرار دیا
ہندوستان نے کینیڈا کے نائب وزیر خارجہ کے اس دعوے کو ‘بے تکا’ اور ‘بے بنیاد’ قرار دیا ہے، جس میں وزیر داخلہ امت شاہ کو کینیڈین شہریوں کو قتل کرنے کی سازش میں ‘ملوث’ بتایا گیا تھا۔ ہندوستان نے کینیڈا کو وارننگ دی ہے کہ اس طرح کے غیر ذمہ دارانہ اقدامات کے دو طرفہ تعلقات پر سنگین نتائج ہوں گے۔
دستاویز رکھنے کے لیے صحافیوں پر مقدمہ چلانا تشویشناک اور قابل مذمت ہے: میڈیا ادارے
جی ایس ٹی چوری کے مبینہ کیس میں گرفتار سینئر صحافی مہیش لانگا کے خلاف گجرات میری ٹائم بورڈ کے خفیہ دستاویز رکھنے کے الزام میں بھی ایک مقدمہ درج کیا گیا ہے۔ اس پر میڈیا اداروں کا کہنا ہے کہ صحافیوں کو کام کے دوران حساس دستاویز کی ضرورت ہوتی ہے، اس کے لیے تعزیری کارروائی شروع کرنا تشویشناک ہے۔
سابق نوکرشاہوں کا وزیر داخلہ کو خط، کہا – اتراکھنڈ میں سسٹم نفرت کی نئی نرسری تیار کر رہا ہے
کانسٹی ٹیوشنل کنڈکٹ گروپ کی جانب سے لکھے گئے خط میں سابق نوکرشاہوں نے فرقہ پرستی کے حوالے سے تشویش کا اظہار کرتے ہوئے کہا کہ اتراکھنڈ میں جان بوجھ کر فرقہ پرستی کا زہر گھولا جا رہا ہے۔ یہ ایک منظم کوشش ہے، جس میں اقلیتوں کو اکثریت کی ماتحتی قبول کرنے کے لیے مجبور کیا جا رہا ہے۔
سربراہان مملکت سے ججوں کی ملاقات کا مطلب یہ نہیں ہے کہ کوئی سودا ہوا ہے: سی جے آئی چندر چوڑ
چیف جسٹس آف انڈیا ڈی وائی چندر چوڑ کا کہنا ہے کہ جب بھی ہائی کورٹس اور سپریم کورٹ کے چیف جسٹس ریاستوں اور مرکز میں حکومتوں کے سربراہوں سے ملاقات کرتے ہیں تو وہ کبھی زیر التواء مقدمات پر تبادلہ خیال نہیں کرتے۔ ملاقاتیں اکثر انتظامی امور سے متعلق ہوتی ہیں۔
اتراکھنڈ: مسجد گرانے کا مطالبہ کرتے ہوئے دائیں بازو کا پرتشدد مظاہرہ، کئی زخمی
اترکاشی میں مسجد کو غیر قانونی قرار دیتے ہوئے گرانے کے لیے دائیں بازو کی تنظیموں نے مظاہرہ کیا، اس حوالے سے اترکاشی کے ڈی ایم نے اس ماہ کے شروع میں ہی کہا تھا کہ مسجد کے پاس تمام ضروری دستاویز ہیں اور یہ وقف بورڈ کے تحت رجسٹرڈ بھی ہے۔
یوپی: غازی آباد کی رہائشی سوسائٹی میں اردو ٹیچر کے ساتھ بدسلوکی، زبردستی ’جئے شری رام‘ بولنے کو کہا
معاملہ غازی آباد کے کراسنگ ریپبلک کی ایک رہائشی سوسائٹی کا ہے، جہاں محمد عالمگیر ایک فلیٹ میں اردو پڑھانے جاتے ہیں۔ منگل کو جب وہ سوسائٹی پہنچے تو ایک شخص نے ان سے سوال جواب شروع کر دیا اور بعد میں انہیں لفٹ سے باہر نکال دیا۔