Author Archives

دی وائر اسٹاف

(علامتی تصویر بہ شکریہ: فیس بک/بھارتیہ جنتا پارٹی)

بی جے پی اور کانگریس نے پانچ ریاستوں کے اسمبلی انتخابات میں 12 فیصد سے بھی کم خواتین کو ٹکٹ دیا

راجستھان، مدھیہ پردیش، چھتیس گڑھ، تلنگانہ اور میزورم کی 679 سیٹوں میں سے بی جے پی نے 643 اور کانگریس نے 666 سیٹوں کے لیے امیدواروں کا اعلان کیا ہے۔ ان میں سے بی جے پی نے صرف 80 خواتین امیدوار کھڑے کیے ہیں اور کانگریس نے 74 خواتین امیدوار کھڑے کیے ہیں۔ 230 رکنی مدھیہ پردیش اسمبلی انتخابات میں بی جے پی نے 28 اور کانگریس نے 30 خواتین کو میدان میں اتارا ہے۔

جنوبی غزہ پٹی کے خان یونس شہر میں بچے پانی اکٹھا کرتے ہوئے۔ (تصویر: یونیسیف/ ایاد البابا)

غزہ بچوں کے لیے قبرستان بنتا جا رہا ہے: یو این چیف

اقوام متحدہ کے سکریٹری جنرل انتونیو گوتریس نے غزہ پٹی میں فوری طور پر انسانی بنیادوں پر جنگ بندی کا مطالبہ کرتے ہوئے کہا ہے کہ ہر گزرتے گھنٹے کے ساتھ سامنے آ رہی تباہی جنگ بندی کی ضرورت کو مزید ضروری بنا دیتی ہے۔ اس دوران انہوں نے حماس کے ذریعے یرغمال بنائے گئے 200 سے زائد اسرائیلیوں کی رہائی کا مطالبہ بھی دہرایا۔

(السٹریشن: پری پلب چکرورتی/ دی وائر)

اتر پردیش حکومت گائے شماری کرائے گی

اتر پردیش کے وزیر اعلیٰ یوگی آدتیہ ناتھ نے جیو ٹیگنگ لاگو کرنے کا بھی حکم دیا ہے۔ حکومت کی جانب سے جاری بیان میں کہا گیا ہے کہ پہلے مرحلے میں گائے کی گنتی کی جائے گی۔ اگلے مرحلے میں ایک منصوبہ تیار کیا جائے گا اور اس پر عملدرآمد کو یقینی بنایا جائے گاتا کہ انہیں مناسب رہائش فراہم کی جاسکے۔

کیرالہ کے وزیر اعلیٰ پنارائی وجین۔ (تصویر بہ شکریہ: facebook/@CMOKerala)

اسرائیل فلسطین جنگ: جب ایک کمیونٹی نسل کشی کا سامنا کر رہی ہو تو غیر جانبدار نہیں رہ سکتے — وجین

کیرالہ کے وزیر اعلیٰ پنارائی وجین نے جنگ سے تباہ حال فلسطینی عوام کے ساتھ یکجہتی کا اظہار کرتے ہوئے کہا کہ جب ایک کمیونٹی نسل کشی جیسی جارحیت کا سامناکر رہی ہو تو کوئی غیر جانبدار نہیں رہ سکتا۔ انہوں نے الزام لگایا کہ اسرائیل امریکہ کی حمایت سے فلسطین کو نشانہ بنا رہا ہے۔

امت شاہ۔ (تصویر بہ شکریہ:فیس بک)

بہار کاسٹ سروے میں یادو اور مسلم آبادی بڑھا دی گئی ہے: امت شاہ

بہار میں ایک اجلاس سے خطاب کرتے ہوئے مرکزی وزیر داخلہ امت شاہ نے کہا کہ ریاست کی مہا گٹھ بندھن حکومت کی ‘اپیزمنٹ کی سیاست’ کے تحت کاسٹ سروے میں یادووں اور مسلمانوں کی آبادی بڑھا دی گئی ہے۔ انہوں نے یہ بھی کہا کہ نتیش کمار کو اپوزیشن کے انڈیا اتحاد سے کچھ حاصل نہیں ہوگا۔

نیپال میں زلزلے سے منہدم مکانات کا ملبہ(تصویر بہ شکریہ: X/@nknayak17)

نیپال میں آدھی رات میں آئے زلزلے سے 132 لوگوں کی موت، 100 سے زائد زخمی

جمعہ کی آدھی رات کو نیپال میں آئے 6.4 شدت کے زلزلے میں کم از کم 132 افراد ہلاک اور 100 سے زائد زخمی ہو گئے۔ بتایا جا رہا ہے کہ مرنے والوں کی تعداد میں اضافہ ہو سکتا ہے۔ ہندوستان میں دہلی-این سی آر کے علاوہ راجستھان، اتر پردیش اور بہار میں بھی زلزلے کے جھٹکے محسوس کیے گئے۔

علامتی تصویر: X/@CBP

اکتوبر 2022 سے ستمبر 2023 تک تقریباً 97000 ہندوستانی امریکی سرحد پر پکڑے گئے: رپورٹ

امریکی کسٹمز اور بارڈر پروٹیکشن کے اعداد و شمار کے مطابق، اکتوبر 2022 سے ستمبر 2023 کے درمیان غیر قانونی طور پر امریکہ میں داخل ہونے کی کوشش کے دوران ریکارڈ 96917 ہندوستانی پکڑے گئے۔ ان میں سے 30010 کینیڈا کی سرحد پر اور 41770 میکسیکو کی سرحد پر پکڑے گئے۔

(علامتی تصویر بہ شکریہ: Unsplash)

اکتوبر میں بے روزگاری کی شرح دو سال کی بلند ترین سطح 10.09 فیصد پر پہنچ گئی: رپورٹ

سینٹر فار مانیٹرنگ انڈین اکانومی کے اعداد و شمار کے مطابق، اکتوبر میں ہندوستان میں بے روزگاری کی شرح دو سال کی بلند ترین سطح 10.09 فیصدپر پہنچ گئی۔ یہ اعداد و شمار ستمبر کے مقابلے میں تقریباً تین فیصد اضافے کی نمائندگی کرتا ہے، جب یہ 7.09 فیصد تھا۔ ایک اور سروے میں پایا گیا کہ 15 سے 34 سال کی عمر کے 36 فیصد ہندوستانیوں نے مانا کہ بے روزگاری ملک کو درپیش سب سے بڑا مسئلہ ہے۔

(علامتی تصویر بہ شکریہ: فیس بک)

نئی پالیسی: دہلی میں مذہبی مقامات کے 150 میٹر کے دائرے میں گوشت کی دکانوں کی اجازت نہیں

دہلی میونسپل کارپوریشن کی نئی میٹ شاپ لائسنس پالیسی کے مطابق، کسی مذہبی مقام یا شمشان گھاٹ سے گوشت کی دکان کا فاصلہ 150 میٹر سے کم نہیں ہونا چاہیے۔ گوشت کے تاجروں کی تنظیم نے اس پالیسی کی شدید مخالفت کی ہے۔ واپس نہ لینے پر عدالت جانے کی دھمکی دی ہے۔

(علامتی تصویر بہ شکریہ: ٹوئٹر)

کولکاتہ میں پاکستان اور بنگلہ دیش میچ کے دوران فلسطینی پرچم لہرانے پر چار افراد کو حراست میں لیا گیا

کولکاتہ پولیس نے بتایا کہ پاکستان بنگلہ دیش ورلڈ کپ کرکٹ میچ کے دوران فلسطینی پرچم لہرانے کے الزام میں چار افراد کو پوچھ گچھ کے بعد رہا کر دیا گیا ہے۔ وہ غزہ میں اسرائیل اور حماس کے درمیان جاری تنازع کے خلاف احتجاج کر رہے تھے۔

(السٹریشن: دی وائر)

’اسٹیٹ اسپانسرڈ جاسوسی‘ کے حوالے سے مودی حکومت پر اپوزیشن کاحملہ، کہا — یہ جمہوریت کے لیے تباہ کن ہے

موبائل فون بنانے والی کمپنی ایپل نے حزب اختلاف کے کئی رہنماؤں اور انڈیا اتحاد میں شامل کچھ صحافیوں کو ایک ای میل بھیج کر وارننگ دی ہے کہ ان کے آئی فون کے ساتھ اسٹیٹ اسپانسرڈ حملہ آور چھیڑ چھاڑ کرنے کی کوشش کر رہے ہیں۔ اپوزیشن لیڈروں کا کہنا ہے کہ یہ ایمرجنسی سے بھی بدتر صورتحال ہے۔

مہوا موئترا، ششی تھرور، سدھارتھ وردراجن، سیتارام یچوری، پرینکا چترویدی، اکھلیش یادو۔

ایپل نے حزب اختلاف کے رہنماؤں اور صحافیو ں کے فون پر ’اسٹیٹ اسپانسرڈ‘ حملے کے بارے میں وارننگ دی

موبائل فون بنانے والی کمپنی ایپل نے حزب اختلاف کے کئی رہنماؤں اور کچھ صحافیوں کو ایک ای میل بھیج کر وارننگ دی ہے کہ ان کے آئی فون سے اسٹیٹ اسپانسرڈ حملہ آور چھیڑ چھاڑ کرنے کی کوشش کر رہے ہیں۔ کمپنی نے اس کو سنجیدگی سے لینے کی بات کہی ہے۔ وہیں اپوزیشن رہنماؤں نے کہا کہ سرکار کا ڈر دیکھ کر اس پر ترس آتا ہے۔

(علامتی تصویر بہ شکریہ: فیس بک/انڈین نیوی)

وزیر اعظم کو مداخلت کرنی چاہیے، اب وقت نہیں بچا: قطر میں موت کی سزا پانے والے ہندوستانی بحریہ کے سابق افسر کی بہن

قطر میں ہندوستانی بحریہ کے آٹھ سابق افسران کو سزائے موت سنائے جانے کے بعد کمانڈر پورنیندو تیواری (ریٹائرڈ) کی بہن میتو بھارگو نے کہا کہ عدالتی کارروائی میں شفافیت نہیں ہے۔ اس سے قطر کے قانونی نظام پر ہمارا اعتماد کمزور ہوتا ہے۔ ہمارے لیے یہ کبھی واضح نہیں ہوا کہ ان کے خلاف الزامات کیا ہیں۔

(علامتی تصویر بہ شکریہ: پی آئی بی)

مرکزی کابینہ کو بھیجی گئی وزارت کی تجویز میں ’انڈیا‘ کی جگہ ’بھارت‘ لکھا گیا

این سی ای آر ٹی کی ایک کمیٹی کی جانب سے حال ہی میں اسکول کی نصابی کتابوں میں ‘انڈیا’ کی جگہ ‘بھارت’ لکھنے کی سفارش کے بعد یہ بات سامنے آئی ہے کہ ریلوے کی وزارت نے مرکزی کابینہ کو بھیجی گئی ایک تجویز میں ‘انڈیا’ کو ہٹا کر ‘بھارت’ لکھا ہے۔

(تصویر بہ شکریہ: Facebook/@/RSSOrg)

ڈی یو: طالبعلموں کے درمیان اپنے نظریے کی تشہیر کے لیے کالجوں میں  ہو رہی ہیں آر ایس ایس کی شاکھائیں

ایک میڈیا رپورٹ کے مطابق، راشٹریہ سویم سیوک سنگھ نے 20 اکتوبر کو دہلی یونیورسٹی سے منسلک سوامی شردھانند کالج میں طالبعلموں کے درمیان نظریات کی تشہیر کے لیے ایک شاکھا کا اہتمام کیا تھا۔ لکشمی بائی کالج کے ایک فیکلٹی ممبر نے بتایا ہے کہ ستمبر سے ان کے کیمپس میں آر ایس ایس نے کئی شاکھائیں کی ہیں۔

اقوام متحدہ کی جنرل اسمبلی کا ایک منظر جس میں ووٹنگ کا نتیجہ بتایا گیا ہے۔ (تصویر: یو این)

اقوام متحدہ کی جنرل اسمبلی میں انسانی بنیادوں پر غزہ میں جنگ بندی کی تجویز کی ہندوستان نے حمایت نہیں کی

اقوام متحدہ کی جنرل اسمبلی میں پیش کی گئی قرارداد میں انسانی ہمدردی کی بنیاد پر غزہ میں جنگ بندی کی اپیل کرتے ہوئے بین الاقوامی انسانی قانون کی اہمیت پر زور دیا گیا۔ اس میں یرغمال بنائے گئے تمام شہریوں کی غیر مشروط رہائی اور غزہ کو ضروری سامان کی بلا تعطل فراہمی کی بھی اپیل کی گئی۔ ہندوستان نے اس تجویز پر ووٹنگ میں حصہ نہیں لیا۔

ٹی ایم سی ایم پی مہوا موئترا۔ (تصویر: دی وائر)

رشوت معاملہ: ایتھکس کمیٹی کی جانب سے شکایت کنندگان کو  پہلے بلائے جانے پر مہوا موئترا نے اٹھائے سوال

ٹی ایم سی ایم پی مہوا موئترا نے یہ بھی کہا ہے کہ اگر بزنس مین درشن ہیرانندانی – بی جے پی ایم پی نشی کانت دوبے نے جن کے ذریعے موئترا کو رشوت ملنے کا الزام لگایا ہے – کو ایتھکس کمیٹی کے سامنے پیش ہونے کو کہا جاتا ہے، تو انہیں ان سے جرح کرنے کا موقع دیا جانا چاہیے۔

بی جے پی ایم ایل اے کشواہا ششی بھوشن مہتہ۔ (تصویر بہ شکریہ: فیس بک)

جھارکھنڈ: بی جے پی ایم ایل اے نے کہا – اگر مندروں کے آس پاس داڑھی — ٹوپی والے پائے گئے تو ان کی پٹائی ہوگی

سوشل میڈیا پر سامنے آئے ایک ویڈیو میں پلامو ضلع کے پانکی سے بی جے پی ایم ایل اے کشواہا ششی بھوشن مہتہ مبینہ طور پر کسی برادری کا نام لیے بغیر دھمکی دیتے ہوئے نظر آ رہے ہیں کہ اگر داڑھی، ٹوپی والے اور گائے کا گوشت کھانے والے ہندو مذہبی مقامات کے قریب نظر آئے تو ان کی پٹائی کی جائے گی۔

نریندر مودی۔ (تصویر بہ شکریہ: پی آئی بی)

’رتھ پربھاری‘ کو اب نوڈل افسر کہا جائے گا، الیکشن کمیشن نے کہا – انتخابی حلقوں میں نہ ہو مہم

گزشتہ دنوں مرکزی حکومت کی جانب سے تمام وزارتوں کو جاری کیے گئے ایک سرکلر میں کہا گیا تھا کہ وہ ملک کے تمام اضلاع سے ایسے سرکاری افسران کے نام دیں، جنہیں مودی سرکار کی ‘حصولیابیوں کو دکھانے/ جشن منانے’ کی مہم میں’ ضلع رتھ پربھاری (اسپیشل افسر)’ کے طور پر تعینات کیا جاسکے۔

(تصویر بہ شکریہ: اے این آئی)

دہلی ہائی کورٹ نے تہواروں کے پیش نظر مسلم مہاپنچایت کی اجازت نہیں دی

دہلی ہائی کورٹ نے 29 اکتوبر کو قومی دارالحکومت کے رام لیلا میدان میں ‘آل انڈیا مسلم مہاپنچایت’ منعقد کرنے کی اجازت دینے سے انکار کر دیا ہے۔ عدالت نے کہا کہ اس وقت ہونے والے کئی ہندو تہواروں کے دوران فرقہ وارانہ کشیدگی پھیل سکتی ہے۔

قطر اور ہندوستان کا پرچم۔ (تصویر بہ شکریہ: Visit Qatar/Unsplash/Public Domain)

قطر: ہندوستانی بحریہ کے 8 سابق افسران کو سزائے موت؛ ہندوستان نے کہا – تمام قانونی راستے تلاش کر رہے ہیں

قطر میں بحریہ کی تربیت اور دیگر خدمات فراہم کرنے والی کمپنی کے ساتھ کام کرنے والے ہندوستانی بحریہ کے آٹھ سابق افسران ایک سال سے زیادہ عرصے سے حراست میں ہیں۔ خبروں کے مطابق، ان پر جاسوسی کا الزام ہے۔

ہندوستان میں اسرائیلی سفیر ناؤر گیلون۔ (تصویر بشکریہ: X/@NaorGilon)

اسرائیل نے ہندوستان سے حماس کو دہشت گرد تنظیم قرار دینے کی اپیل کی

اسرائیلی سفیر ناؤر گیلون نے کہا کہ انسداد دہشت گردی کی کارروائیوں میں ہندوستان ہماری بھرپور حمایت کر رہا ہے۔ اب وقت آگیا ہے کہ وہ حماس کو ہندوستان میں دہشت گرد تنظیم قرار دے۔ انہوں نے حماس کے خلاف انسداد دہشت گردی کی کارروائیوں میں اسرائیل کی حمایت کرنے پر ہندوستان کا شکریہ ادا کیا۔

(تصویر بہ شکریہ: فیس بک/دھرمیندر پردھان)

چندریان پر این سی ای آر ٹی ماڈیول میں سائنس کو اساطیری واقعات سے منسلک کرنے پر ناراضگی

ماہرین تعلیم اور طلبہ تنظیموں نے کہا کہ بچوں میں سائنسی مزاج پیدا کرنے کے بجائے مرکزی حکومت این سی ای آر ٹی کے ذریعے اساطیر اور سائنس کو ضم کر کےاپنے ‘بھگوا نظریات’ کو مسلط کرنے کی کوشش کر رہی ہے۔ چندریان 3 مشن پر این سی ای آر ٹی کے ذریعے جاری ایک ریڈنگ ماڈیول میں اسرو اور سائنسدانوں کی خدمات کا اعتراف کرنے کے بجائے وزیر اعظم کی تعریف و توصیف کی گئی ہے۔

الہ آباد یونیورسٹی کا وجے نگرم ہال۔ (علامتی تصویر بہ شکریہ: allduniv.ac.in/)

الہ آباد یونیورسٹی کے اسسٹنٹ پروفیسر کے خلاف ہندوؤں کے جذبات مجروح کرنے کے الزام میں کیس درج

الہ آباد یونیورسٹی میں تاریخ کے اسسٹنٹ پروفیسر وکرم ہریجن کے خلاف وشو ہندو پریشد کے ایک عہدیدار نے مقدمہ درج کرایا ہے۔ انہوں نے الزام لگایا ہے کہ وکرم اکثر اپنے سوشل میڈیا اکاؤنٹ پر ہندو دیوی دیوتاؤں کے بارے میں توہین آمیز اور نفرت انگیز پوسٹ لکھتے رہتے ہیں۔

کیرالہ کے دارالحکومت ترواننت پورم میں واقع ولیاسلا مہادیو مندر۔ (تصویر بہ شکریہ: keralatourism.org)

مندر کے احاطے میں آر ایس ایس کی سرگرمیوں کی اجازت نہ دیں: کیرالہ ٹیمپل بورڈ

کیرالہ کے تراونکور دیواسووم بورڈ نے ایک سرکلر جاری کرتے ہوئے کہا ہے کہ مندروں کے تہواروں اور رسومات کے علاوہ اس کے احاطے کو کسی اور مقصد کے لیے استعمال نہیں کیا جانا چاہیے اور جو اہلکار اس حکم کی تعمیل کرنے میں ناکام رہیں گے، انہیں سخت کارروائی کا سامنا کرنا پڑ سکتا ہے۔

ٹی راجہ سنگھ۔ (تصویر بہ شکریہ: فیس بک)

تلنگانہ انتخابات سے پہلے بی جے پی نے پیغمبر اسلام پر تبصرے کی وجہ سے ٹی راجہ سنگھ پر عائد کی گئی معطلی کو ہٹایا

تلنگانہ کے بی جے پی ایم ایل اے ٹی راجہ سنگھ کو پارٹی نے گزشتہ سال اگست میں پیغمبر اسلام کے بارے میں ان کے مبینہ توہین آمیز تبصروں کی وجہ سے معطل کر دیا تھا۔ تلنگانہ میں اسمبلی انتخابات 30 نومبر کو ہوں گے اور سنگھ، جن کے خلاف 100 سے زیادہ مجرمانہ مقدمات ہیں، ایک بار پھر گوشا محل انتخابی حلقہ سے انتخاب لڑیں گے۔

(فوٹوبہ شکریہ: پی آئی بی/ٹوئٹر)

بیک وقت انتخابات کرانے کے لیے مطلوبہ تعداد میں ای وی ایم تیار کرنے میں الیکشن کمیشن کو ایک سال لگے گا: رپورٹ

ذرائع کے حوالے سے بتایا گیا ہے کہ الکٹرانک ووٹنگ مشین (ای وی ایم) بنانے کے لیے درکار سیمی کنڈکٹرز اور چپس کی کمی ہے، جس کا مطلب ہے کہ الیکشن کمیشن کو بیک وقت ووٹنگ کے لیے تیار ہونے میں تقریباً ایک سال کا وقت لگے گا۔

کرناٹک کے ہائر ایجوکیشن کے وزیر ایم سی سدھاکر۔ (تصویر بہ شکریہ: فیس بک)

کرناٹک: وزیر نے کہا – حجاب پہن کر بھرتی کے امتحانات میں شامل ہو سکتے ہیں امیدوار

کرناٹک میں ہائر ایجوکیشن کے وزیر ایم سی سدھاکر نے وزیر اعلیٰ سدارمیا کے ساتھ میٹنگ کے بعد کہا کہ حجاب پہننے والے امیدواروں کو کرناٹک ایگزامینیشن اتھارٹی (کے ای اے) کے زیر اہتمام منعقد ہونے والے بھرتی امتحانات میں شرکت کی اجازت ہوگی۔ انہوں نے کہا کہ لباس پر کسی قسم کی پابندی لوگوں کے حقوق کی خلاف ورزی ہوگی۔

(تصویر بہ شکریہ: فیس بک/انکریڈیبل انڈیا)

گجرات: گربا پروگرام کے دوران دل کا دورہ پڑنے سے کم از کم 10 لوگوں کی موت

ایک رپورٹ کے مطابق، 24 گھنٹوں میں ایمبولینس سروس کے لیے 500 سے زائد کال کی گئیں اور حکومت نے الرٹ جاری کیا ہے۔ نیز، گربا کے منتظمین سے تمام ضروری اقدامات کرنے کو کہا گیا ہے، جس میں اس بات کو یقینی بنانا بھی شامل ہے کہ لوگوں کی طبیعت ناساز ہونے پر انہیں اسپتال لے جانے کے لیے ایمبولینس دستیاب ہوں۔

مرکزی وزیر اسمرتی ایرانی حیدرآباد میں فکی کے پروگرام میں۔ (اسکرین گریب بہ شکریہ: ٹوئٹر)

مرکزی وزیر نے کہا – فون پر ’کیا بھوکے ہیں‘ پوچھ کر بناتے ہیں ہنگر انڈیکس، اپوزیشن نے بنایا تنقید کا نشانہ

حیدرآباد میں ایک تقریب میں شامل ہوئیں مرکزی وزیر اسمرتی ایرانی نے گلوبل ہنگر انڈیکس کے حوالے سے کہا کہ اس کے لیے 140 کروڑ کے ملک کے 3 ہزار لوگوں کو فون کر کے پوچھا جاتا ہےکہ کیا وہ بھوکے ہیں؟ گزشتہ دنوں جاری اس سال کے انڈیکس میں ہندوستان 125 ممالک کی فہرست میں111 ویں نمبر پر آیا ہے۔

وزیر اعظم نریندر مودی نے 20 اکتوبر 2023 کو ریجنل ریپڈ ٹرین 'نمو بھارت' کا افتتاح کیا۔ (تصویر بہ شکریہ: Twitter/@PMOIndia)

آر آر ٹی ایس ٹرینوں کا نام ’نمو بھارت‘ رکھنے پر کانگریس نے پی ایم مودی کو تنقید کا نشانہ بنایا

وزیر اعظم نریندر مودی نے جمعہ کی صبح آر آر ٹی ایس کوریڈور کی دہلی-غازی آباد-میرٹھ ٹرینوں کا افتتاح کیا، جسے ‘نمو بھارت’ کا نام دیا گیا ہے۔ اس پر ردعمل دیتے ہوئے کانگریس جنرل سکریٹری جے رام رمیش نے کہا کہ نمو اسٹیڈیم کے بعد اب نمو ٹرین۔ وزیراعظم کی نرگسیت کی کوئی انتہا نہیں ہے۔

غزہ میں آرتھوڈوکس یونانی چرچ اسرائیلی حملے میں تباہ۔ (تصویر بہ شکریہ: ویڈیو گریب)

فلسطینی عیسائیوں اور مسلمانوں کو پناہ دینے والے غزہ چرچ پر اسرائیل کا حملہ

حماس کے زیر انتظام چلنے والی وزارت داخلہ نے کہا ہے کہ غزہ میں آرتھوڈوکس یونانی چرچ پر اسرائیلی فضائی حملے میں کم از کم آٹھ افراد مارے گئے ہیں۔جس وقت یہ حملہ ہوا اس وقت عیسائی اور مسلم کمیونٹی کے تقریباً 500 لوگ یہاں پناہ لیے ہوئے تھے۔ اسرائیل اور فلسطین کے درمیان جنگ شروع ہونے کے بعد انہیں نقل مکانی کو مجبور ہونا پڑا تھا۔

منگلورو، کرناٹک میں واقع منگلا دیوی مندر۔ (تصویر بہ شکریہ: وکی پیڈیا)

کرناٹک: وی ایچ پی لیڈر نے مسلم دکانداروں کے بائیکاٹ کی اپیل کی، معاملہ درج

کرناٹک کے منگلورو میں منگلا دیوی مندر میں مسلم دکانداروں کا بائیکاٹ کرنے اور ہندوؤں کی دکان پر بھگوا جھنڈے لگانے کے لیے پولیس نے جمعرات کووشو ہندو پریشد کے ریاستی جوائنٹ سکریٹری کے خلاف ایف آئی آر درج کی ہے۔

(علامتی تصویر بہ شکریہ: pixabay.com)

صحافیوں کے الکٹرانک آلات کو طویل عرصے تک ضبط رکھنا پریس کی آزادی پر کاری ضرب ہے: عدالت

ایڈیشنل سیشن جج پون سنگھ راجاوت نے نچلی عدالت کے فیصلے کو برقرار رکھتے ہوئے یہ تبصرہ کیا، نچلی عدالت نے دہلی پولیس کو دی وائر کے عملے سے ضبط کیے گئے الکٹرانک آلات واپس کرنے کو کہا تھا۔ پولیس نے اکتوبر 2022 میں بی جے پی کے ایک رہنما کی جانب سے دی وائر کے خلاف شکایت کے بعد ان آلات کو ضبط کیا تھا۔

(فوٹو : رائٹرس)

اسمبلی انتخابات سے پہلے مرکزی حکومت نے گیہوں اور ربیع کی پانچ دیگر فصلوں کے ایم ایس پی میں اضافہ کیا

گندم پیدا کرنے والی اہم ریاستوں میں اسمبلی انتخابات سے پہلے مرکزی حکومت نے 2024-25 کے مارکیٹنگ سیزن کے لیے گندم اور پانچ دیگر ربیع کی فصلوں – جو، چنا، مسور، ریپ سیڈ — سرسوں اور کُسُم کے لیے ایم ایس پی میں اضافے کا اعلان کیا۔ سب سے زیادہ ایم ایس پی اضافہ مسور کے لیے منظور کیا گیا ہے، جو 425 روپے فی کوئنٹل ہے۔

مہاراشٹر انسٹی ٹیوٹ آف ٹکنالوجی-ورلڈ پیس یونیورسٹی اور کشمیری صحافی سفینہ نبی۔ (تصویر: یونیورسٹی کی ویب سائٹ/اسپیشل ارینجمنٹ)

پونے انسٹی ٹیوٹ نے سیاسی دباؤ میں کشمیری صحافی کا ایوارڈ رد کیا، جیوری ممبران نے تقریب کا بائیکاٹ کیا

کشمیری صحافی سفینہ نبی کو ان کی ایک رپورٹ کے لیے پونے کے مہاراشٹر انسٹی ٹیوٹ آف ٹکنالوجی-ورلڈ پیس یونیورسٹی نے ایوارڈ کے لیے منتخب کیا تھا۔ تاہم، ایوارڈ سے متعلق تقریب سے ایک دن پہلےانہیں فون پر مطلع کیا گیا کہ سیاسی دباؤ کی وجہ سے ایوارڈ منسوخ کر دیا گیا ہے۔

دہلی میں چندریان-3 مشن پر این سی ای آر ٹی کے اسپیشل ریڈنگ ماڈیول کے اجراء کے دوران اسرو کے چیئرمین ایس سومناتھ کے ساتھ مرکزی وزیر تعلیم دھرمیندر پردھان ۔ (تصویر بہ شکریہ: X/@dpradhanbjp)

این سی ای آر ٹی ریڈنگ ماڈیول میں چندریان 3 کی کامیابی کا سہرا مودی کو، خلائی سائنس کو ویدوں سے جوڑا

خلائی سائنس کے ماہرین کا کہنا ہے کہ چندریان مشن پر این سی ای آر ٹی کی جانب سے متعارف کرایا گیا ریڈنگ ماڈیول اسرو اور اس کے سائنسدانوں کے ساتھ ناانصافی ہے، جنہوں نے کئی سالوں میں اپنی ناکامیوں پر جیت حاصل کی ہے۔

مالدیپ کے نومنتخب صدر محمد معیزو۔ (تصویر بہ شکریہ: X/@Mمعیزو)

مالدیپ: نو منتخب صدر نے ملک سے ہندوستانی فوج ہٹانے کو اولین ترجیح قرار دیا

مالدیپ کے نومنتخب صدر محمد معیزو نے کہا کہ وہ صدارتی عہدہ سنبھالنے کے ایک ہفتے کے اندر ملک میں تعینات ہندوستانی فوج کو ہٹانا چاہیں گے۔ انہوں نے مزید کہا کہ اگر مالدیپ کی سرحد پر غیر ملکی فوجی تعینات ہوتے ہیں تو اس کی آزادی کے بارے میں شدید شکوک و شبہات پیدا ہوتے ہیں۔ معیزو 17 نومبر کو صدارتی عہدہ سنبھالیں گے۔

(فائل فوٹو: پی ٹی آئی)

پلوامہ حملے پر جوابدہی کا مطالبہ کرتے ہوئے سابق فوجی اور متاثرین کے اہل خانہ احتجاجی مارچ کریں گے

کنفیڈریشن آف ایکس پیرا ملٹری فورسز ویلفیئر ایسوسی ایشنز کے نیشنل کوآرڈینیٹر نے کہا کہ اس حملے کو چار سال سے زیادہ کا عرصہ گزر چکا ہے، لیکن مودی حکومت اس میں ہوئی کوتاہیوں کا احتساب کرنے میں ناکام رہی ہے، انتخابات میں کامیابی حاصل کرنا ہی ان کی اولین ترجیحات ہے۔ انہوں نے کہا کہ 26 نومبر کو وہ دہلی میں احتجاجی مارچ کریں گے۔