جنوبی ہندوستان کے مسلمان شاہراہ ترقی پر کیسے؟
جنوبی ہندوستان کے مسلمانوں کے احوال سے اندازہ ہوتا ہے کہ ادارہ سازی، عصری تعلیم، ملکی معیشت میں شمولیت اور سماجی خدمت ہی وہ راستے ہیں جو اکیسویں صدی میں وقار اور برابری کی ضمانت دے سکتے ہیں۔
ٹرمپ کا بورڈ آف پیس، فلسطینی اور رفح رہداری
یہ خبر کہ جنگ بندی کے دوسرے مرحلے کے تحت رفح دوبارہ کھل سکتا ہے، غزہ میں ایک نازک سی امید کی لہر پھیل گئی ہے۔ امن منصوبے کے حوالے سے فلسطینی علاقوں میں گہرے اور بجا شکوک و شبہات پائے جاتے ہیں، لیکن اس کے ساتھ ساتھ ایک محتاط امید بھی موجود ہے۔
جموں و کشمیر پولیس نے سرینگر میں ایک اور مؤقر قومی اخبار کے صحافی کو طلب کیا
جموں و کشمیر پولیس کی جانب سے ملک کے مؤقر اخبارات -انڈین ایکسپریس اور ہندوستان ٹائمز کے کشمیر بیورو میں کام کرنے والے صحافیوں کو طلب کیے جانے کے بعد اب دی ہندو کے صحافی پیرزادہ عاشق کو بھی پولیس اسٹیشن طلب کیا گیا ہے۔ سینئر صحافیوں، مدیران اور میڈیا اداروں نے اس پولیس کارروائی کی مذمت کی ہے۔
چودہ مہینے سے اڈانی کے پاس امریکی سمن نہیں پہنچنے دے رہی مودی حکومت، اب ای میل سے نوٹس بھیجنے کو تیار ایجنسی
یو ایس سکیورٹیز اینڈ ایکسچینج کمیشن نے وفاقی عدالت کو بتایا ہے کہ ہندوستانی حکومت کے عدم تعاون کی وجہ سے اڈانی گروپ کو 14 ماہ سے سمن کی تعمیل نہیں کرائی جا سکی ہے۔ ایجنسی نے اب ای میل سے نوٹس بھیجنے کی اجازت طلب کی ہے۔ معاملہ مبینہ رشوت خوری سے متعلق ہے۔
دہلی میں مذاکرات سے پہلے لداخ کا پیغام: ’یونین ٹیریٹری ماڈل ناکام، ہمیں باوقار جمہوریت کی ضرورت ہے‘
انٹرویو: مرکزی حکومت 4 فروری کو لداخ کی سرکردہ تنظیموں کے ساتھ بات چیت کرنے جا رہی ہے۔ ستمبر 2025 کے تشدد کے بعد بدلے ہوئے حالات میں لیہہ ایپکس باڈی اور کے ڈی اے ایک مشترکہ مسودے کے ساتھ اس بات چیت میں شامل ہوں گے۔ دی وائر سے بات کرتے ہوئے کے ڈی اے کے کنوینر سجاد کرگلی کہتے ہیں کہ یونین ٹیریٹری ماڈل ناکام ہو چکا ہے اور لداخ کو مکمل جمہوری حقوق چاہیے۔
سنبھل تشدد: پولیس اہلکاروں کے خلاف مقدمہ درج کرنے کا حکم دینے والے جج کا تبادلہ
نومبر 2024 میں ہوئے سنبھل تشدد کے سلسلے میں اس وقت کے سی او انج چودھری اور کئی پولیس افسران کے خلاف ایف آئی آر درج کرنے کا حکم دینے والے سنبھل کے چیف جوڈیشل مجسٹریٹ وبھانشو سدھیر کا تبادلہ کر دیا گیا ہے۔ ان کی جگہ سنبھل کی شاہی جامع مسجد کے سروے کا حکم دینے والے سول جج آدتیہ سنگھ کو مقرر کیا گیا ہے۔
جموں و کشمیر: پولیس نے قومی اخبار کے صحافیوں کو ’سمن‘ کیا، ایک سے بانڈ پر دستخط کرنے کو کہا گیا
جموں و کشمیر پولیس نے انڈین ایکسپریس کے سینئر کشمیری صحافی بشارت مسعود اور ہندوستان ٹائمز کے سری نگر میں مقیم نمائندے عاشق حسین کو ان کی خبروں کے سلسلے میں ‘طلب’ کیا۔ مسعود کو ان کی مبینہ غلطی کے لیے ایک بانڈ پر دستخط کرنے کو بھی کہا گیا، جس سے انہوں نے انکار کر دیا۔
بی جے پی کو تنقید کا نشانہ بنانے کے لیےحراست میں لیے گئے لندن کے ڈاکٹر سے دوبارہ پوچھ گچھ ہوگی
لندن میں مقیم ڈاکٹر اور یوٹیوبر سنگرام پاٹل، جو بی جے پی کی قیادت والی حکومت کے خلاف سخت تنقید کے لیے معروف ہیں، کو اپنے ہندوستان کے دورے کے دوران ہتک عزت کے مقدمے سے لے کر لک آؤٹ سرکلر اور حتیٰ کہ ہوائی اڈے پر حراست میں لیے جانے تک کی کارروائی کا سامنا کرنا پڑا ہے۔
سال 2019-20 کے مقابلے انتخابات پر بی جے پی کے خرچ میں ڈھائی گنا اضافہ، 2024-25 میں 3,335.36 کروڑ روپے
بی جے پی کی آڈٹ رپورٹ کے مطابق، پارٹی نے 2024-25 میں انتخابی اور عام مہم پر 3,335.36 کروڑ روپے خرچ کیے، جو 20-2019 سے ڈھائی گنا زیادہ ہے۔ اس مدت میں 2024 لوک سبھا اور آٹھ ریاستی اسمبلی انتخابات ہوئے تھے۔ دوسری طرف کانگریس نے 2024-25 میں الیکشن لڑنے پر 896.22 کروڑ روپے خرچ کیے۔
بہار: آدرش سینٹرل جیل میں قید صحافی روپیش نے جیل انتظامیہ کی بدعنوانی کے خلاف ڈی ایم کو خط لکھا
ڈسٹرکٹ مجسٹریٹ کو بھیجی گئی درخواست میں صحافی روپیش کمار سنگھ نے آدرش سینٹرل جیل، بیور، پٹنہ میں بڑے پیمانے پر بدعنوانی اور قیدیوں کے استحصال اور بدسلوکی کے لیے ذمہ دار اہلکاروں کے خلاف کارروائی کا مطالبہ کیا ہے۔ انہوں نے اس سلسلے میں قیدیوں کی روزمرہ کی جدوجہد کے بارے میں تفصیل سے لکھا ہے۔
بی جے پی لیڈر نے جموں کو علیحدہ ریاست بنانے کا مطالبہ کیا، کہا – کشمیری ملک کے تئیں وفادار نہیں
بی جے پی کے سینئر لیڈر شیام لال شرما نے جموں کو علیحدہ ریاست بنانے کا مطالبہ کرتے ہوئے کہا ہے کہ اگر جموں کوکشمیر سے الگ کر دیا جاتا ہے تو یہ خطہ معاشی، سماجی اور انتظامی طور پر خوشحال ہوگا۔ اس بیان پر ریاست کی سیاسی جماعتوں کی طرف سے سخت تنقید کی جا رہی ہے۔ بی جے پی نے شرما کے بیان سے خود کو الگ کرلیا ہے۔
بریلی: خالی مکان کو مدرسے میں تبدیل کرنے کا الزام، مکان مالکن نے کہا – نماز کی اجازت دی تھی
اترپردیش کے بریلی ضلع میں ایک خالی پڑے گھر میں نماز ادا کرنے کی وجہ سے 12 افراد کے خلاف مقدمہ درج کیا گیا ہے۔ الزام ہے کہ مکان کو مدرسہ میں تبدیل کیا جا رہا تھا۔ تاہم، گھر کی مالکن نے کہا ہے کہ انہوں نے مقامی لوگوں کو اپنے گھر میں نماز ادا کرنے کی اجازت دی تھی۔
ڈاکٹر منظور عالم: ادارہ سازی اور میراث کی ایک کہانی
ڈاکٹر منظور عالم ان رہنماؤں میں نہیں تھے جو ہر مسئلے کا حل محض شکایت، احتجاج یا وقتی ردعمل میں تلاش کرتے ہیں۔ انہوں نے شعوری طور پر شکایت کی سیاست کو ترک کیا تھا اور فکر کی تشکیل، ادارہ سازی اور طویل مدتی منصوبہ بندی کا راستہ اختیار کیا۔ ان کا یقین تھا کہ قومیں نعروں سے نہیں بلکہ علم، تحقیق، اداروں اور مسلسل محنت سے بنتی ہیں۔
یوپی ایس آئی آر: مسلم خاندانوں کے پتے پر ہندو و رائے دہندگان کے نام، انتظامیہ نے جانچ شروع کی
اتر پردیش میں ایس آئی آر کے تحت جاری کی گئی نئی ڈرافٹ ووٹر لسٹ میں کئی گڑبڑیاں دیکھنے کو مل رہی ہیں۔ بلند شہر کے شکارپور تحصیل کے پٹھان ٹولہ کے لوگوں کا دعویٰ ہے کہ ان کے پتے پر ایسے ووٹروں کے نام جوڑے جا رہے ہیں، جنہیں وہ جانتے تک نہیں۔ یہاں چھ سے زیادہ مسلم خاندانوں کے پتے پر 56 ہندو ووٹروں کو رجسٹرڈ دکھایا گیا ہے۔
اڑیسہ میں ’گئو رکشکوں‘ نے ایک مسلمان کو پیٹ-پیٹ کر مار ڈالا، ’جئے شری رام‘ کا نعرہ لگوایا
اڑیسہ کے بالاسور ضلع میں بدھ کی صبح جب ایک 35 سالہ مسلمان شخص وین میں جا رہے تھے، تب وین میں مویشیوں کی نقل و حمل پر اعتراض کرتے ہوئے کچھ لوگوں نے ان پر حملہ کر دیا۔ متاثرہ کی علاج کے دوران موت ہو گئی۔ مہلوک کے بھائی کی شکایت پر پولیس نے پانچ لوگوں کو حراست میں لیا ہے۔
راجستھان ایس آئی آر: ’مسلمانوں کے نام‘ ہٹانے کے دباؤ کا حوالہ دیتے ہوئے بی ایل او نے خودکشی کی دھمکی دی
جے پور کے ہوا محل اسمبلی حلقہ کے ایک بی ایل او کیرتی کمار نے الزام لگایا ہے کہ انہیں دھمکی دے کر بی جے پی کے ان اعتراضات پر کارروائی کرنے کے لیے دباؤ ڈالا جا رہا ہے، جن میں ایس آئی آر کی ڈرافٹ لسٹ سے 470 رائے دہندگان (ان کے بوتھ کے تقریباً 40 فیصد) کو ہٹانے کا مطالبہ کیا گیا ہے۔ کمار کا دعویٰ ہے کہ یہ اعتراضات مسلمان ووٹروں کو نشانہ بناتے ہوئے کیے گئے ہیں۔
گرین لینڈ: عالمی طاقتوں کی ریشہ دوانیوں کا اگلا میدان
حال ہی میں امریکہ کے منتخب صدر ڈونالڈ ٹرمپ کی گرین لینڈ کو خریدنے کی تجویز، حتیٰ کہ ملٹری استعمال کرنے کی دھمکی دینا اور پھر یورپی ممالک کا ردعمل، اس بات کے واضح اشارے دے رہا ہے کہ اس گریٹ گیم کا وقت آچکا ہے۔ اگرچہ یہ دیکھنا باقی ہے کہ ٹرمپ کے گرین لینڈ کو آزادی دلوانے یا اس کو امریکی کالونی بنوانے پر چین اور روس کس طرح کے رد عمل کا اظہار کرتے ہیں۔
ہندوستان 2025 میں ہیٹ اسپیچ کے 1,318 واقعات کا گواہ بنا، 98 فیصد مسلمانوں کے خلاف: رپورٹ
انڈیا ہیٹ لیب کی تازہ ترین رپورٹ کے مطابق، 2025 میں مذہبی اقلیتوں کو نشانہ بنانے والی نفرت انگیز تقاریر کے 1,318 واقعات ریکارڈ کیے گئے، جو 2024 کے مقابلے 13فیصد اور 2023 کے مقابلے 97 فیصد زیادہ ہیں۔ مجموعی طور پر ریکارڈ شدہ تقاریر میں سے 98 فیصد مسلمانوں کو نشانہ بناتے ہوئے کی گئی ہیں۔ وہیں، بی جے پی مقتدرہ ریاستوں میں سب سے زیادہ ہیٹ اسپیچ کا مشاہدہ کیا گیا۔
سالہا سال ٹرائل نہیں اور پھر اقرار جرم کی درخواست کی سودے بازی: این آئی اے کا آزمودہ حربہ
این آئی اے کے متاثر کن کنوکشن ریٹ یعنی سزا یابی کی اعلیٰ شرح کے تناظر میں ملزمین، ان کے وکیل اور ایجنسی سے وابستہ رہے ایک شخص نے دی وائر کو بتایا کہ آخر کیوں این آئی اے کے اتنے سارے معاملے ملزمین کے اقرار جرم کی درخواستوں کے بعد انہیں قصوروار تسلیم کرلینے کے ساتھ ہی انجام کو پہنچتے ہیں۔
ایڈیٹرز گلڈ نے ہندوستان اور پاکستان کی جانب سے ایک دوسرے کی نیوز ویب سائٹ کو بلاک کرنے کے عمل کی مذمت کی
ایڈیٹرز گلڈ آف انڈیا نے ہندوستان اور پاکستان کی حکومتوں کی جانب سے ایک دوسرے کی نیوز ویب سائٹ کو اپنے ملک میں مسلسل بلاک کیے جانے پر گہری تشویش کا اظہار کیا ہے اور ان سے ایک دوسرے کی نیوز ویب سائٹ پر سے یہ پابندی ہٹانے اور سرحد پار صحافت تک رسائی بحال کرنے کی اپیل کی ہے۔
کینیڈا پولیس کا دعویٰ – بشنوئی گینگ ہندوستانی حکومت کے لیے کام کر رہا ہے
کینیڈین میڈیا پلیٹ فارم گلوبل نیوز نے پولیس کےدستاویزوں کا حوالہ دیتے ہوئے اطلاع دی ہے کہ لارنس بشنوئی گینگ، جو اپنی مجرمانہ سرگرمیوں کو آگے بڑھانے کے لیے تشدد کا سہارا لینے کے لیے معروف ہے، وہ ہندوستانی حکومت کے لیے کام کرتا ہے۔ رپورٹ میں دعویٰ کیا گیا ہے کہ یہ گینگ جبری وصولی، منشیات کی اسمگلنگ، منی لانڈرنگ اور کانٹریکٹ کلنگ میں ملوث ہے۔
سنبھل تشدد: سابق سی او اور دیگر پولیس اہلکاروں پر ایف آئی آر درج کرنے کے عدالتی آرڈر پر عمل کرنے سے پولیس کا انکار
سنبھل تشدد کے دوران فائرنگ میں زخمی ہونے والے ایک نوجوان کے والد کی درخواست پر سماعت کرتے ہوئے چندوسی کی عدالت نے اس وقت کے سی او انج چودھری سمیت 12 پولیس اہلکاروں کے خلاف ایف آئی آر درج کرنے کا حکم دیا ہے۔ تاہم، سنبھل پولیس نے اس حکم نامے کو’ غیر قانونی’ قرار دیتے ہوئے اس کے خلاف اپیل دائر کرنے کا اعلان کیا ہے۔
اندور آلودہ پانی: آڈٹ رپورٹ میں قے اور اسہال کے قہر سے 15 اموات کی تصدیق
اندور میں آلودہ پانی کی وجہ سے ہوئی اموات کے معاملے میں مہاتما گاندھی میموریل میڈیکل کالج کی کمیٹی نے 21 اموات پر اپنی رپورٹ سونپی ہے، جس میں 15 کی وجہ الٹی اور اسہال کو مانا گیا ہے۔ اندور انتظامیہ نے آلودہ پانی پینے سے ہونے والی الٹی اور اسہال کی وجہ سے چھ اموات کی تصدیق کی ہے۔ تاہم، مقامی لوگوں کا کہنا ہے کہ آلودہ پانی پینے سے پھیلی بیماری سے اب تک چھ ماہ کے ایک بچے سمیت 23 مریضوں کی موت ہو چکی ہے۔
بھوپال لٹریچر فیسٹیول: دائیں بازو کے گروپوں کے احتجاج کی دھمکی کے باعث بابر سے متعلق کتاب پر مذاکرے کا پروگرام رد
بھوپال میں ایک ادبی تقریب میں بابر پر آئی نئی کتاب پر ہونے والے مذاکرہ کو پولیس نے دائیں بازو کے گروپوں کی ممکنہ احتجاج کی دھمکی کے بعد رد کر دیا۔ کتاب کے مصنف کا کہنا ہے کہ انتہائی تشویشناک بات یہ ہے کہ صوبے کے وزیر ثقافت نے کتاب کا ایک ورق بھی پڑھے بغیر سرعام اس کی مذمت کر دی۔
سنگھ کے خواب کی حقیقت: ’اکھنڈ بھارت کا کوئی تاریخی ثبوت نہیں‘
یوگی آدتیہ ناتھ اور وزیر اعظم نریندر مودی کے حالیہ بیانات اور واقعات کے توسط سے’اکھنڈ بھارت‘ کے تصور کو از سر نو عام کیا جا رہا ہے۔ مؤرخین اسے ایک بے بنیاد اور سیاسی نعرہ قرار دیتے ہیں، جو ہندوتوا کے نظریاتی منصوبے، تاریخ کی از سر نو تشریح اور مذہبی قوم پرستی سے شدید تعلق رکھتا ہے۔
پنڈت باپ بیٹے کی داستان کشمیریت اور عزیمت
پنڈت بزاز نے پوری زندگی امن، مفاہمت اور مکالمے کے لیے ثابت قدمی سے جدوجہد کی۔وہ کشمیری تاریخ کے ایک عظیم کردار پنڈت پریم ناتھ بزاز کے فرزند تھے، مگر ان کو بھی بھائی چارے اور کشمیریت کے علمبردار اور ایک اصول پسند کشمیری پنڈت آواز ہونے کے ناطے وسیع احترام حاصل تھا۔
جب ملک کو ترقی کی ضرورت ہے، این ایس اے ’انتقامی جذبے‘ کو بھڑکا رہے ہیں
ایسے وقت میں جب ہندوستان کو اقتصادی، سائنسی، سماجی اور اخلاقی طور پر آگے بڑھنے کے بارے میں بات کرنی چاہیے، یہ افسوسناک ہے کہ ایک اعلیٰ سیکورٹی اہلکار ’انتقام‘ کی بات کر رہا ہے۔ این ایس اے کا کردار حقیقی خطرات کے خلاف ملک کو متحد کرنا ہے، نہ کہ تاریخ کے زخموں کو کرید کر معاشرے میں تفرقہ پیدا کرنا۔
سپریم کورٹ نے الیکشن کمشنروں کو قانونی کارروائی سے تاحیات استثنیٰ کرنے کے حوالے سے مرکز اور الیکشن کمیشن کو نوٹس جاری کیا
سپریم کورٹ نے غیر سرکاری تنظیم لوک پرہری کی جانب سے دائر مفاد عامہ کی عرضی پر غور کرتے ہوئے چیف الیکشن کمشنر اور الیکشن کمشنروں کو قانونی چارہ جوئی سے تاحیات استثنیٰ دینے والے قانون کے حوالے سے مرکزی حکومت اور الیکشن کمیشن کو نوٹس جاری کیا ہے۔ درخواست گزار کا کہنا ہے کہ ایسی چھوٹ، جو صدر یا گورنرز کو بھی حاصل نہیں ہے، انتخابی عہدیداروں کو نہیں دی جانی چاہیے۔
مدھیہ پردیش: گائے کے پیشاب اور گوبر سے کینسر کے علاج کے پروجیکٹ میں 3.5 کروڑ روپے کی بے ضابطگی، 1.75 کروڑ روپے کی مشکوک خریداری
مدھیہ پردیش حکومت کی مالی اعانت سے چلنے والا پنچگویہ ریسرچ پروجیکٹ اب مالی بے ضابطگیوں کے الزامات کا سامنا کر رہاہے۔ جانچ میں سامنے آیا ہے کہ کینسر کے علاج کے نام پر ملے کروڑوں روپے پروجیکٹ سے غیر متعلق مد- سفر، گاڑی، آلات اور فرنیچر-پر خرچ کیے گئے، جبکہ تحقیق کے ٹھوس نتائج برآمد نہیں ہوئے۔
جھارکھنڈ: مویشی چوری کے الزام میں ہجوم نے ایک مسلمان کی جان لی، اہل خانہ کا الزام – مذہب کی وجہ سے نشانہ بنایا گیا
یہ واقعہ پوڑیا ہاٹ تھانہ حلقہ کے مٹیانی گاؤں میں پیش آیا، جہاں ایک ہجوم نے مویشی چوری کا الزام لگاتے ہوئے پپو انصاری کو پیٹ-پیٹ کر مار ڈالا۔ مبینہ طور پر وہ روزی روٹی کے لیے مویشیوں کی نقل و حمل کا کام کرتے تھے۔ اہل خانہ نے الزام لگایا کہ ان کا مویشی چوری سے کوئی لینا دینا نہیں تھا اور یہ ان کے مذہب کی وجہ سے ہوا ہے۔
تصویروں کی زبانی: تقریباً چھ سال بعد جیل سے باہر آئے گلفشاں، میران حیدر، محمد سلیم اور شفا
فروری 2020 کے دہلی فسادات کے پس پردہ مبینہ ‘بڑی سازش’ کے معاملے میں پچھلے پانچ سالوں سے جیل میں بند گلفشاں فاطمہ، میران حیدر، محمد سلیم خان اور شفا الرحمان کو بدھ کی شام رہا کر دیا گیا۔
مودی اور آر ایس ایس کی مخالفت ’ملک کی مخالفت‘ نہیں، زندہ جمہوریت کی علامت ہے
آج جو بیانیہ تشکیل دیا جا رہا ہے، وہ ایک خطرناک وہم پر مبنی ہے۔ حکمراں جماعت بی جے پی اور اس کی مربی تنظیم آر ایس ایس کو ‘ملک و قوم’ سے تشبیہ دے کر میڈیا حکومت کو تنقید سے بچانے کی کوشش کر رہا ہے۔ یہ ایک فراڈ ہے۔ آر ایس ایس ایک غیر سرکاری تنظیم ہے، بی جے پی سیاسی جماعت ہے۔ نریندر مودی آئین کے منتخب خادم ہیں۔ ان میں سے کوئی بھی ‘ملک’ نہیں ہے۔
نامور ماہر ماحولیات مادھو گاڈگل کا انتقال
مادھو گاڈگل نے ہندوستان میں زمینی سطح پر ماحولیاتی تحریک کو کئی معنوں میں سمت عطا کرنے میں کردار ادا کیا۔ وہ مغربی گھاٹ میں بنیادی ڈھانچے اور ترقیاتی منصوبوں کے سنگین نتائج کے بارے میں بروقت انتباہ کے لیے بھی معروف تھے۔
دہلی کی وزیراعلیٰ نے کہا – بھگت سنگھ نے کانگریس حکومت کے خلاف بم پھینکا تھا، اپوزیشن نے کہا – تاریخ کا ری-مکس
دہلی کی وزیر اعلیٰ ریکھا گپتا نے دارالحکومت کی تاریخ کا حوالہ دیتے ہوئے کہا تھا کہ دہلی نے بھگت سنگھ، راج گرو اور سکھ دیو کے انقلاب کو سنا ہے، جب انہوں نے بہری کانگریس حکومت کے خلاف بم پھینکا تھا۔ عام آدمی پارٹی نے ان پر طنز کرتے ہوئے کہا کہ ریکھا گپتا نے تاریخ کا ایک ‘اپڈیٹیڈ’ ورژن پیش کیا ہے۔
آپریشن سیندور کے بعد سیاستدانوں کے غیر ملکی دورے پر یومیہ 73 لاکھ روپے خرچ ہوئے، ہندوستان کو کیا ملا؟
آپریشن سیندور کے بعد ہندوستانی حکومت نے 32 ممالک میں 7 کثیر جماعتی وفد بھیجنے کے لیے 13 کروڑ روپے سے زیادہ خرچ کیے۔ لیکن سوال یہ ہے کہ اس قدر مہنگی سفارتی مہم سے ہندوستان کو کوئی ٹھوس بین الاقوامی حمایت یا تزویراتی فائدہ حاصل ہوا؟
این ایس اے کے تحت حراست کے 100 دن – مگر سونم وانگچک کا جرم کیا ہے؟
لداخ کے ماحولیاتی کارکن سونم وانگچک کو گزشتہ سال 26 ستمبر کو حراست میں لیا گیا تھا۔ ان کے وکیل پوچھتے ہیں کہ ان کا جرم کیا ہے؟ حکومت کو یاد دلانا کہ اس نے لداخ کے لوگوں کو چھٹے شیڈول کے تحت تحفظ اور آئینی حقوق فراہم کرنے کا وعدہ کیا تھا۔
اسرائیلی جیل میں 45 برس: طویل ترین قید کاٹنے والے فلسطینی سے ملاقات
اپنی قید تنہائی کا ذکرکرتے ہوئے اس فلسطینی قیدی نے کہا کہ ان کے خیال میں قید تنہائی شخصیت مٹانے کے لیے بنائی گئی ہے۔ قید تنہائی میں وہ سیل میں رینگتے ہوئے کاکروچ اور دیگر کیڑے مکوڑوں سے باتیں کرتے تھے۔ خوف تھا کہ کہیں وہ بولنا ہی بھول نہ جائیں۔
مدھیہ پردیش کے بعد اب گجرات میں آلودہ پانی کا قہر، ٹائیفائیڈ کے 100 سے زیادہ معاملے رپورٹ ہوئے
گجرات کے گاندھی نگر کے سیکٹر 24، 28 اور آدیواڑہ علاقےمیں پینے کے آلودہ پانی کی وجہ سے ٹائیفائیڈ کے 100 سے زیادہ مشتبہ کیس رپورٹ ہوئے ہیں۔ مبینہ طور پر کم از کم سات مقامات پر لیک ہونے سے پینے کے پانی میں سیوریج کا پانی مل گیاہے۔
چھتیس گڑھ: کرسمس کی سجاوٹ میں توڑ پھوڑ کرنے والے بجرنگ دل کے ارکان کو ضمانت، ہار پہنا کر استقبال کیا گیا
کرسمس سے ایک دن قبل چھتیس گڑھ کے معروف میگنیٹو مال میں توڑ پھوڑ کرنے والے بجرنگ دل کے چھ کارکنوں کو ضمانت مل گئی ہے۔ جیل سے رہائی کے بعد دائیں بازو کی تنظیم نے ان ملزمان کا استقبال ہارپہنا کرکیا اور ‘رگھوپتی راگھو راجہ رام’ کے نعرے لگائے۔
عمر خالد اور شرجیل کی ضمانت کی درخواست خارج، گلفشاں سمیت 5 کو ملی ضمانت
سپریم کورٹ نے دہلی فسادات کیس میں عمر خالد اور شرجیل امام کی ضمانت کی درخواست مسترد کر دی ہے، وہیں گلفشاں فاطمہ، میران حیدر، شفا الرحمان، شاداب احمد اور محمد سلیم خان کی ضمانت منظور کر لی ہے۔