مودی حکومت کے 4 سال عوام مخالف فیصلوں کے سال تھے : اپوزیشن

مودی حکومت کو چار سال کا جشن منانے کا کوئی حق نہیں ہے۔یہ حکومت بد عنوانی، کالے دھن، مہنگائی، دہشت گردی اور خارجہ پالیسی کو لےکر پوری طرح ناکام رہی ہے۔

فائل فوٹو : پی ٹی آئی

نئی دہلی :بہوجن سماج پارٹی کی سپریمو مایاوتی نے مودی حکومت پر حملہ کرتے ہوئے آج کہا کہ یہ حکومت ہر مورچے پر ناکام ہو گئی ہے۔ مایاوتی نے نامہ نگاروں سے بات چیت میں کہا،وزیر اعظم نریندر مودی اپنے ہر قدم کو تاریخی بتاتے ہیں۔  پیٹرول ڈیزل کی قیمتیں بھی اپنی اونچائی پر ہیں، ان کی چوری اور اوپر سے سینہ زوری بھی تاریخی ہے۔

This government has failed on all fronts. PM Narendra Modi terms everything he does as historic, I think that is why fuel prices are at a historic high during his government: BSP Chief Mayawati on 4 years of Modi govt pic.twitter.com/HrhdF8q4II

— ANI UP (@ANINewsUP) May 26, 2018

انہوں نے الزام لگایا کہ بی جے پی اور مودی نے سرکاری مشینری کا غلط استعمال کرکے مخالفین کو کمزور کرنے کی کوشش کی ہے۔مایاوتی نے کہا کہ مودی حکومت کو چار سال کا جشن منانے کا کوئی حق نہیں ہے۔  یہ حکومت سفید جھوٹ بولتی ہے۔  چار سال پورے ہو گئے ہیں، اور یہ صاف ہے کہ غریبی، بےروزگاری، کسان کے مدعے، مہنگائی کے مورچے پر یہ حکومت تاریخی طور پر ناکام ہوئی ہے۔

انہوں نے کہا کہ عوام تشدد اور ظلم  کا سامنا کر رہی ہے۔  دلت، پچھڑے اور مسلم روز تشدد کا سامنا کر رہے ہیں۔قابل ذکر ہے کہ مودی نے 2014 میں 26 مئی کو وزیر اعظم کے عہدے کا حلف لیا تھا۔  حکومت کے چار سال پورا ہونے پر بی جے پی اس کا جشن بھی منا رہی ہے۔

On this day in 2014, we began our journey of working towards India’s transformation.

Over the last four years, development has become a vibrant mass movement, with every citizen feeling involved in India's growth trajectory. 125 crore Indians are taking India to great heights!

— Narendra Modi (@narendramodi) May 26, 2018

اس سلسلے میں پی ایم مودی نے ٹوئٹ کرکے  کے کہا، 2014 میں آج (26 مئی) ہی کے دن ہم نے ہندوستان کی تبدیلی کی سمت میں کام کرنے کا سفر شروع کیا تھا۔  پچھلے چار سالوں میں ترقی کا مدعا عوامی تحریک بن گئی ہے، جس میں ہرایک شہری کا جذبہ ہندوستان کی ترقی کی مہم میں شامل ہے۔  125 کروڑ ہندوستانی ہندوستان کو اونچائی پر لے جا رہے ہیں!

کانگریس صدر راہل گاندھی نے نریندر مودی حکومت کے 4 سال پورا ہونے کے موقع پر وزیر اعظم پر نشانہ سادھا ہے۔  راہل نے دعویٰ کیا کہ یہ حکومت کام کاج میں پھسڈی اور صرف نعرے تیار کرنے میں اول رہی۔

4 Yr. Report Card

Agriculture: F
Foreign Policy: F
Fuel Prices: F
Job Creation: F

Slogan Creation: A+
Self Promotion: A+
Yoga: B-

Remarks:
Master communicator; struggles with complex issues; short attention span.

— Rahul Gandhi (@RahulGandhi) May 26, 2018

راہل نے ٹوئٹ کرکے کر کہا، 4 سال کا رپورٹ کارڈ :زراعت میں فیل، غیرملک پالیسی میں فیل، ایندھن کی قیمتوں میں فیل اور روزگار پیدا کرنے میں فیل۔  راہل نے الزام لگایا کہ مودی حکومت نے نعرے تیار کرنے، اپنی تشہیرو توسیع میں ٹاپ کا مظاہرہ کیا ہے۔  وہیں یوگا میں ان کا مظاہرہ بےحد خراب رہا ہے۔

महंगाई अपरंपार
अर्थव्यवस्था का बँटाधार
महिलाओं का शोषण लगातार
लूटेरे देश से फ़रार
फ़ेल चौकीदार
एकता पर प्रहार
समाज में दरार
दलितों का तिरस्कार
लोकतंत्र किया तार-तार
सौतेला व्यवहार,आज़ादी लाचार
जनता की गुनाहगार
यह है 4 साल की अचार सरकार#4SaalDeshBehaal #LastYearOfModiSarkar

— Tejashwi Yadav (@yadavtejashwi) May 26, 2018

وہیں اس حوالے سے بہار کے سابق نائب وزیر اعلیٰ  اور راشٹریہ جنتا دل (آر جے ڈی) کے رہنما تیجسوی یادو نے اپنے ٹوئٹ میں مودی حکومت کو “چار سال ملک بے حال “سے تعبیر کیا ہے۔

चार साल में आपने जितने फैसले लिए वो पुरी तरह से जन विरोधी रहे, GST, आधार का विरोध किया पर केंद्र में आते ही आपने उनको लागू किया : @SanjayAzadSln pic.twitter.com/HRTc7Gbozt

— Aam Aadmi Party Delhi (@AAPDelhi) May 26, 2018

عام آدمی پارٹی کے نیتا اور راجیہ سبھا رکن سنجے سنگھ نے کہا ہے کہ ؛مودی حکومت کے 4 سال میں ملک برباد ہوگیا ۔انہوں نے مزید کہا ہے کہ 4 سال میں جتنے فیصلے لیے وہ پوری طرح سے عوام مخالف رہے ۔جی ایس ٹی ،آدھار کی مخالفت کی اور مرکز میں آتے ہی اس کو نافذ کر دیا۔

नोटबंदी हो या जीएसटी, बड़े-बड़े घोटाले हों या महंगे तेल का खेल; आम लोगों को एक के बाद एक आघात देने वाली मोदी सरकार की नाकामियों को हम करेंगे उजागर
'विश्वासघात' : 4 सालो में सिर्फ़ बात ही बात … pic.twitter.com/kjYBRQByLD

— Congress (@INCIndia) May 23, 2018

دریں اثنا کانگریس آج  نریندر مودی حکومت کے چار سال پورے ہونے کے موقع پر ’وشواس گھات دیوس ‘منارہی ہے۔اس سلسلے میں پارٹی نے گزشتہ روز پریس کانفرنس میں کہا تھا کہ کانگریس  عوام کے سامنے اس حکومت کا ’پردہ فاش ‘کرے‌گی۔پارٹی  نے کہاتھا کہ 26 مئی کو تمام ریاستوں کی راجدھانی اور ضلع سطح پر دھرنے اور مظاہرے منعقد کئے جائیں‌گے۔ کانگریس  نے الزام لگایا کہ یہ حکومت بد عنوانی، کالے دھن، مہنگائی، دہشت گردی اور خارجہ پالیسی کو لےکر پوری طرح ناکام رہی ہے۔