گزشتہ ہفتے کولگام ضلع میں دو لاپتہ بھائیوں کی لاشیں برآمد کی گئی تھیں۔ اہل خانہ نے الزام لگایا ہے کہ لاشوں پر تشدد کے نشانات تھے۔ اس سلسلے میں پولیس پر ویسو گاؤں کے قریب ہائی وے-44 پر احتجاج کے دوران خواتین کے ساتھ بدسلوکی کا الزام لگایا جا رہا ہے۔
مراٹھواڑہ علاقے کے سمبھاجی نگر میں مغل بادشاہ اورنگزیب کے مقبرے کو ہٹانے کے ہندوتوا گروپوں کے مطالبے کے بعد پورے مہاراشٹر میں فرقہ وارانہ کشیدگی ہے۔ سوموار کو وی ایچ پی اور بجرنگ دل کی طرف سے ہوئے احتجاج کے دوران ‘کلمہ’ لکھے کپڑے کو جلانے کی افواہ کے بعد ناگپور کے کچھ حصوں میں تشدد پھوٹ پڑا۔
لیکس فریڈمین کے پوڈ کاسٹ میں پی ایم مودی نے 2002 کے گجرات فسادات، آر ایس ایس کے نظریے اور دہشت گردی سے متاثرہ پاکستان پر تبادلہ خیال کیا۔ جمہوریت میں تنقید کے حوالے سے انہوں نے کہا کہ اگر آپ واقعی اپنی سوچ اور عمل میں جمہوریت پسند ہیں تو آپ کو تنقید کو گلے لگانا چاہیے۔
ایک سو چھ سال پرانے آل انڈیا کیتھولک یونین نے ہندوستان بھر میں عیسائیوں کو ڈرانے اور دھمکانے کے واقعات پر تشویش کا اظہار کرتے ہوئے کہا کہ اتر پردیش اور چھتیس گڑھ نفرت، وحشیانہ ہجومی تشدد اور بڑے پیمانے پر سماجی بائیکاٹ کے گڑھ بن چکے ہیں، جس میں قانون اور نظام عدل کے عناصر شامل ہیں۔
جس وقت ہولی کے بہانے رمضان کو لے کر تنازعہ پیدا کرکے حملہ کیا جا رہا ہے، دہشت پیدا کی جا رہی ہے، اسی وقت دہشت کے دباؤ میں مسلم کمیونٹی اپنے پہناوے میں کھلے پن کو بڑھاوا دے رہی ہے، انہیں انسٹا پر درج کر رہی ہے۔ کہیں گھر گرایا جا رہا ہے تو کہیں مسجد خطرے میں ہے، روز ایسی خبروں کے درمیان انسٹا کے یہ ریل ایک تخلیقی بغاوت کی طرح معلوم ہوتے ہیں۔
سنبھل کی شاہی جامع مسجد کے بہانے فرقہ پرستی اور عدم اعتماد کی خلیج کو مزید گہرا کرنے کی کوشش کی جارہی ہے۔ حکومت اور انتظامیہ اپنے زہریلے بیانات سے آگ پر تیل ڈال رہی ہے۔ اس بارے میں دی وائر کی ایڈیٹر سیما چشتی اور دی وائر کی رپورٹر شروتی شرما سے تبادلہ خیال کر رہی ہیں میناکشی تیواری۔
اے ایس آئی نے اپنی رپورٹ میں کہا تھا کہ سنبھل کی شاہی جامع مسجد کو سفیدی کی ضرورت نہیں ہے۔ تاہم، اب ہائی کورٹ میں اس نے اس بات کا کوئی جواب نہیں دیا کہ وہ مسجد کے بیرونی حصے کی سفیدی سے انکار کیوں کر رہا ہے، جبکہ تصویروں سے واضح ہے کہ اسے سفیدی کی ضرورت ہے۔
کانگریس کے ریاستی سکریٹری برائے سوشل میڈیا کی شکایت کے بعد دو صحافیوں کے خلاف مقدمہ درج کیا گیا تھا۔ دونوں پر ایک کسان کی ویڈیو کلپ شیئر کرنے کا الزام لگایا گیا ہے، جو مبینہ طور پر وزیر اعلیٰ ریونت ریڈی کے خلاف توہین آمیز زبان استعمال کر رہے ہیں۔
پاکستان کے شورش زدہ علاقےبلوچستان میں 11 مارچ کو مسلح باغیوں نے ایک مسافر ٹرین پر حملہ کیا تھا، جس میں سینکڑوں افراد سوار تھے۔ حکام نے بتایا کہ 30 گھنٹے تک جاری رہنے والے آپریشن میں 300 سے زائد یرغمالیوں کو رہا کرایا گیا ہے۔ اس دوران 21 یرغمالی اور 33 باغی مارے گئے۔
تشدد متاثرہ منی پور میں صدر راج نافذ ہے، جس کے باعث مرکزی حکومت نے ریاستی بجٹ پارلیامنٹ میں پیش کیا ہے۔ بجٹ پر بحث کے دوران اپوزیشن نے کہا کہ یہ زمینی حقیقت سے بالاتر ہے۔ منی پور کے دونوں ممبران پارلیامنٹ نے بھی کہا کہ تشدد متاثرہ ریاست کے لوگوں کے لیے بجٹ میں کچھ نہیں ہے۔
بودھ گیا میں 12 فروری سے بودھ راہب احتجاجی مظاہرہ کر رہے ہیں۔ ان کا مطالبہ ہے کہ بودھ گیا مندر ایکٹ 1949 کو ختم کیا جائے۔ اس ایکٹ کے تحت بننے والی کمیٹی میں بودھ کے ساتھ ساتھ ہندوؤں کو بھی ممبر بنانے کا اہتمام ہے، جس کی مخالفت بودھ راہب ایک عرصے سے کر رہے ہیں۔
دسمبر 2024 میں راجیہ سبھا کے چیئرمین جگدیپ دھنکھڑ نے کانگریس کے رکن پارلیامنٹ ابھیشیک منو سنگھوی کی سیٹ سے نقدی برآمد ہونے کا دعویٰ کیا تھا، لیکن آر ٹی آئی میں انکشاف ہوا ہے کہ راجیہ سبھا اور لوک سبھا سکریٹریٹ کے پاس اس معاملے سے متعلق کوئی جانکاری نہیں ہے۔ دونوں سکریٹریٹ ایک دوسرے پر ذمہ داری ڈال رہے ہیں۔
مرکزی وزارت داخلہ نے یو اے پی اے کے تحت حریت رہنما میر واعظ عمر فاروق کی قیادت والی عوامی ایکشن کمیٹی پر پابندی لگا دی ہے۔ میرواعظ نے اس کارروائی کی مذمت کرتے ہوئے کہا کہ اے اے سی بات چیت اور مشاورت کے توسط سے تنازعہ کشمیر کے پرامن حل کا مطالبہ کرتی ہے۔
اتر پردیش کے بانس ڈیہہ سے بی جے پی ایم ایل اے کیتکی سنگھ نے چیف منسٹر یوگی آدتیہ ناتھ سے نئے بلیا میڈیکل کالج میں مسلمانوں کے لیے ‘علیحدہ ونگ’ بنانے کی اپیل کرتے ہوئے کہا کہ مسلمانوں کے لیے علیحدہ طبی سہولیات ہندوؤں کے تحفظ کو یقینی بنائے گی۔
ایمس کے جئے پرکاش نارائن اپیکس ٹراما سینٹر کی وجہ سے حکومت کو تقریباً 50 لاکھ روپے کا نقصان اٹھانا پڑا ہے۔ انسٹی ٹیوٹ نے ایک کمپنی کی ادائیگی کو طویل عرصے تک التوا میں رکھا، جس کے نتیجے میں ایک لمبی قانونی لڑائی چلی، لیکن ایمس کو ہر قدم پر شکست کا سامنا کرنا پڑا۔ جب وزارت صحت نے ایمس کو نوٹس بھیجا تو ایمس نے جواب تک نہیں دیا۔
داخلہ امور کی پارلیامانی کمیٹی نے مردم شماری جلد مکمل کرنے کی سفارش کی ہے۔ اس کے ساتھ ہی کمیٹی نے روہنگیا اور دیگر غیر قانونی تارکین وطن کی شناخت اور انہیں واپس بھیجنے کے لیے مؤثر اقدامات کرنے کو بھی کہا ہے۔
پاکستان کے شورش زدہ علاقے بلوچستان میں مسلح باغیوں نے 11 مارچ کو سینکڑوں افراد کو لے جارہی ایک مسافر ٹرین پر حملہ کرتے ہوئے تقریباً 425 مسافروں کو یرغمال بنا لیا۔ حکام کا کہنا ہے کہ ریسکیو آپریشن کے دوران 16 دہشت گرد مارے گئے ہیں اور 104 مسافروں کو بچا لیا گیا ہے۔
جھڑپوں کے بعد شام کے دیگر علاقوں جوابی احتجاجی مظاہرے بھی ہوئے ہیں، جو حکومت کے سابق عہدیداروں کو سزا دینے اور عام معافی کو واپس لینے کا مطالبہ کر رہے ہیں۔
پولیس نے سنبھل ضلع کے چندوسی علاقے میں ایک مسجد سے مبینہ طور پر مقررہ ڈیسیبل سے زیادہ آواز میں اذان دینے کے الزام میں امام کے خلاف کیس درج کیا ہے اور لاؤڈ اسپیکر کو ضبط کر لیا ہے۔ ان پر توہین عدالت اور صوتی آلودگی کے قوانین کی خلاف ورزی کا الزام عائد کیا گیا ہے۔
موجودہ آئی ٹی ایکٹ،1961 میں ٹیکس چوری کا شبہ ہونے پر دفعہ 132 کے تحت انکم ٹیکس افسران کے پاس تلاشی لینے، جائیداد اور اکاؤنٹ سے متعلق دستاویز کو ضبط کرنے کا اختیارتھا، لیکن نئے آئی ٹی بل نے اس اختیار کو شہریوں کے موبائل فون اور کمپیوٹر سسٹم تک رسائی دے دی ہے۔
دہلی کے یمنا وہار کے رہنے والے محمد الیاس نے دہلی فسادات کے سلسلے میں بی جے پی لیڈر کپل مشرا اور دیگر چھ افراد کے کردار کی تحقیقات کا مطالبہ کرتے ہوئے دسمبر 2024 میں عدالت سے رجوع کیا تھا۔ دہلی پولیس نے اس کی مخالفت کی ہے۔
یورپ اچانک ایسی صورتحال کے ایک سلسلے سے دو چار ہے، جس کی شروعات یوکرین بحران سے ہوئی تھی اور یہ جرمنی میں دائیں بازو کی پارٹی کے عروج کے ساتھ ہی ڈونالڈ ٹرمپ کی تخریبی پالیسیوں تک جا تی ہے۔ اس بارے میں ذیشان کاسکر سے بات کر رہے ہیں دی وائر ہندی کے مدیر آشوتوش بھاردواج ۔
دہلی فسادات کی پانچویں برسی پر کاروانِ محبت کی جانب سے جاری کی گئی رپورٹ میں بتایا گیا ہے کہ متاثرین کو معاوضہ دینے کے لیے ایک کمیشن کا قیام عمل میں آیا تھا، لیکن اس کے معیارات نا معلوم تھے۔ رپورٹ کے مطابق، ہندوستان کی تاریخ میں فرقہ وارانہ تشدد کے بعد معاوضے کی ادائیگی کی یہ ممکنہ طور پر بدترین صورتحال ہے۔
آسام سیکنڈری ایجوکیشن بورڈ کے 10 ویں کلاس کے سوشل سائنس کے امتحان میں ایک سوال پوچھا گیا تھا؛ ‘فرض کریں کہ حکومت کسی گاؤں میں ایک اسپتال بناتی ہے جہاں ہندوؤں کا مفت علاج ہو اور دوسرے مذاہب کے لوگوں کو اس کا خرچ خود اٹھانا پڑے۔ کیا ہندوستان جیسے ملک میں حکومت ایسا کر سکتی ہے؟ اپنی رائے دیں۔’ کئی لوگوں نے اسے تفرقہ انگیز قرار دیا ہے۔
چھتیس گڑھ کے بلاس پور کی نو منتخب میئر، بی جے پی کی پوجا ودھانی نے حلف برداری کی تقریب کے دوران ‘سمپربھتا’ (خودمختاری) کے بجائے ‘سامپردائکتا’ (فرقہ واریت) کا لفظ استعمال کرتے ہوئے کہا کہ ‘میں ہندوستان کی فرقہ واریت اور سالمیت کو برقرار رکھوں گی۔’ اس غلطی کی وجہ سے انہیں دو بارہ صحیح الفاظ کے ساتھ حلف اٹھانا پڑا۔
ملک کا سب سے اہم طبی ادارہ ایمس کئی الزامات کا سامنا کر رہا ہے۔ مرکزی وزارت صحت ایمس کے ڈائریکٹر کو خط لکھ کر تحقیقاتی رپورٹ مانگ رہی ہے، لیکن انتظامیہ کے پاس کوئی جواب نہیں ہے۔ نئی دہلی میں واقع اس ادارے پر دی وائر کی سیریز کی یہ پہلی قسط ہے، جو سرجیکل دستانے کی خریداری میں ہونے والی بے ضابطگیوں پرمرکوز ہے۔
ہندوستان کی تاریخ میں کبھی کسی سابق آر بی آئی گورنر کو شکتی کانت داس کی طرح اس قدراعلیٰ عہدے پر فائز نہیں کیا گیا۔ ان کی تقرری کو محض ‘بے مثال’ کہنا مودی حکومت کے پیمانوں اور روایات کو ختم کرنے کے غیر معمولی جوش و خروش کے ساتھ انصاف نہیں ہوگا۔
دہلی ہائی کورٹ میں وزیر اعظم نریندر مودی کی گریجویشن کی ڈگری دکھانے سے متعلق ایک معاملے میں دہلی یونیورسٹی نے کہا کہ اسے عدالت کو ڈگری دکھانے پر کوئی اعتراض نہیں ہے لیکن اسے پبلک نہیں جا سکتا۔
مہاراشٹر کے اہلیا نگر میں 700 سالہ قدیم کنیف ناتھ مندر کے سالانہ مڈھی میلے میں ملک بھر سے خانہ بدوش برادریوں کے لوگ بڑی تعداد شرکت کرتے ہیں۔ حال ہی میں مڈھی گاؤں کی گرام سبھا میں اس میلے سے مسلم تاجروں کے بائیکاٹ کرنے کی تجویز پر دستخط کیے گئے ہیں۔
بہار کے مونگیر شہر میں بجرنگ دل نے شیو راتری کی تقریبات کے دوران ‘لو جہاد’ کی جھانکی نکالی، جس میں ہندو لڑکیوں کے خلاف مسلمانوں کے مبینہ مظالم کو دکھایا گیا تھا۔ اپوزیشن جماعتوں نے اس پر سخت تنقید کی ہے اور اسے فرقہ وارانہ جذبات کو بھڑکانے کی کوشش قرار دیا ہے۔
این آئی ٹی میں مکینیکل انجینئرنگ ڈپارٹمنٹ کی سینئر فیکلٹی شیجا انداون نے گزشتہ سال فیس بک پر گاندھی کے قاتل ناتھورام گوڈسے کی تعریف و توصیف کی تھی۔ اس سلسلے میں مختلف طلبہ تنظیموں کی جانب سے شہر کے کئی تھانوں میں شکایتیں درج کرائی گئی تھیں ۔ اب انہیں ڈین بنایا گیا ہے۔
مارچ 2023 میں لندن میں راہل گاندھی کی تقریر کے خلاف وی ڈی ساورکر کے ایک رشتہ دار نے ہتک عزت کا مقدمہ دائر کیا ہے۔ اب شکایت کنندہ نے راہل گاندھی کی جانب سے اپنے بیان کی حمایت میں تاریخی حقائق اور تفصیلی شواہد پیش کرنے کی درخواست پر اعتراض کیا ہے۔
سندھو درگ ضلع کے مالون میں پولیس نے بتایا کہ شکایت میں الزام لگایا گیا تھا ایک 15 سالہ لڑکے نے اتوار کو ہندوستان-پاکستان کرکٹ میچ کے دوران ‘ملک مخالف’ نعرے لگائے۔ لڑکے کو حراست میں لیا گیا ہے اور اس کے والدین کو بھی گرفتار کر لیا گیا ہے۔ اس کے ساتھ ہی ان کی کباڑ کی دکان کو مسمار کر دیا گیا ہے۔
ہر سال اکتوبر میں جیلوں کے درمیان مختلف کھیلوں کے مقابلے ہوتے ہیں، جن کو تہاڑ اولمپکس کہتے ہیں۔ اگست سے ہی ان کی تیاریا ں شروع ہوتی ہیں۔ کھلاڑیوں کے سلیکشن سے لے کر، کوچنگ اور پریکٹس وغیرہ کروانے کے لیے جیل حکام سرگرم ہو جاتے ہیں۔ ہر جیل کا کسی نہ کسی مخصوص کھیل کے شعبہ میں دبدبہ ہوتا ہے۔
ڈیجیٹل رائٹس آرگنائزیشن ایکسس ناؤ اور سول سوسائٹی کی تنظیموں کے ہیش ٹیگ کیپ اِٹ آن کی مشترکہ کوششوں سے مرتب کیے گئے اعداد و شمار کے مطابق، ہندوستان انٹرنیٹ شٹ ڈاؤن کے معاملے میں جمہوری ممالک کی فہرست میں پہلےپائیدان پر ہے۔ 2024 میں ملک بھر کی 16 ریاستوں اور مرکز کے زیر انتظام علاقوں میں 84 بار انٹرنیٹ شٹ ڈاؤن کیے گئے۔
دہلی کی ایک عدالت نے 1 نومبر کو کانگریس کے سابق رکن پارلیامنٹ سجن کمار کو 1984 کے سکھ مخالف فسادات کے دوران ہوئے دو قتل کے ایک معاملے میں عمر قید کی سزا سنائی۔ وہ فی الحال فسادات سے متعلق ایک اور کیس میں تہاڑ جیل میں بند ہیں۔
فرانسیسی نژاد انجینئرنگ کمپنی – سسٹرا ایم وی اے کنسلٹنگ (انڈیا) پرائیویٹ لمیٹڈ نے ممبئی میٹروپولیٹن ریجن ڈیولپمنٹ اتھارٹی (ایم ایم آر ڈی اے) کے سینئر افسران کے خلاف بدعنوانی کے الزامات لگائے ہیں۔ جنوری میں ایم ایم آر ڈی اے نے اچانک سسٹرا کو خدمات بند کرنے کا نوٹس جاری کیا تھا۔
دی وائر نے مہا کمبھ کے دوران دو پولیس اسٹیشنوں – دارا گنج اور کمبھ میلہ کوتوالی – میں درج کی گئی 315 سے زیادہ ایف آئی آر کے مطالعے میں پایا کہ زیادہ تر جرائم چوری اور چھینا جھپٹی سے متعلق ہیں۔ متاثرین میں عام عقیدت مند، سادھو، وی آئی پی، مقامی باشندوں کے ساتھ ساتھ اندرون ملک اور بیرون ملک سے آنے والے سیاح بھی شامل ہیں۔
بدعنوانی کے خلاف آواز اٹھانے والے اور ریمن میگسیسے ایوارڈ یافتہ آئی ایف ایس افسر سنجیو چترویدی سے متعلق معاملوں کی شنوائی سے الگ ہونے کا سلسلہ 2013 سے شروع ہوا تھا، جب سپریم کورٹ کے اس وقت کے جج رنجن گگوئی نے چترویدی کی درخواست کی سماعت سے خود کو الگ کر لیا تھا۔
بلند شہر میں ایک دلت شخص کو اس کی بارات کے دوران ٹھاکروں نے گھوڑے سے اتار دیا، انہوں نے مبینہ طور پر باراتیوں کے ساتھ بھی مارپیٹ کی۔ وہیں متھرا میں دو دلت بہنوں کی شادی کے موقع پر یادو برادری کے ایک گروپ نے مبینہ طور پر بارات پر حملہ کیا، اور بعد میں شادی رد کر دی گئی۔